GURASO BAKO UMEA

Ez amarik eta ez aitik

Ez daukazun umetxua,

Zergaitik zabiltza yoranez

Zure gurasoak bila?

Ez dakizu ondo gordeak

Zu yayo ziñan ordutik

Eurek eskutun dagozala,

Zuk ez ezautzeagaitik?

Eta aurkituarren bere

Zetako gure dituzu?

Aik ez dauke zure bearrik:

Ayekaz aztu zaite zu.

Ez artu itz onek balira lez

Zu samintzeko esanak;

Iñor samintzen ibilteko

Neurek dodaz ikusiak.

Ez amarik, eta ez aitik

Ez daukozun umetxua,

Ume guztien arten zara

Ume errukigarriena.

Ez, arren, ludian bilatu

Zure itunen gozakia;

Jaso begiak, begiratu

Jesus gurutzetugana.

An ikusko dozu Jesusek

Zuri emoten dautzula

Zure aitatzat bere Aita

Eta amatzat bere Ama.

                        Ondarribi, 1924