PINPILINPAUXAK

Bein batean ninyoyan ni

Bide zabaletik,

Eta bi pinpilinpauxa

Bide bastarretik.

Egazka yoyazan biak,

Ez goitik ez betik,

Eta ni oldozkunetan

Ninyoyan ondotik.

Biak zirean zuriak,

Ganera politak,

Zirudian eukezala

Maitasun-izketak.

Zoruntsu zebiltzan ayek

Zearkak egiten

Eta batak besteari

Gauz asko esaten.

Baño, ai! sasi artetik

Urten da txoria,

Ta une baten sartu daitu

Pikutik barrura.

Ai, neure amets gozoak

Ondiño barruan!

Jango ote zaitue zuek

Beleak bidean?

                        Ondarribi, 1924