ORRILA

Izen on ez yatortsu txarto

Zuri illa begikoa,

Baña begikoago yat niri

Deitutea loreilla.

Illa ontan dagoz gure landak

Ederto apainduak,

Mota ta zenbakin edesgeak

Daukezala pitxiak,

Ia gagoz elduak diñoskue

Zugatz igalariak,

Badator gure aroa-eta

Zorroztu zuen ortzak.

Egun guztian ixildu barik

Txori abeslariak

Eresiz betetuten dauskuez

Sentsun eta gogoak.

Illa ontan izadi guztia

Dirudi dagoala,

Bizitza ta indarrez gañestuta,

Zoruna dariola.

                        Ondarribi, 1924