BIRIGARROA

Eiztari ankerrak il daust

Neguko gozagarri

Donokiak bialduko

Birigarro kantari.

Urtarrilko egunetan

Ortuko zuaitzetan

Kantari egoten zan

Goiz eta arrastietan.

Augaitik urretxindora

Baño bere geyago,

Nik neban birigarroa

Apur bat maitiago.

Atsalde baten banua

Oi neban lez ortura,

Ta ez dot entzuten iñon

Txoriaren doñua.

Zer egin dautzue zuri,

Non zagoz zu maitea?

Zergaitik ez dozu bada

Abestuten txoria?

Eiztari ankerren batek

Il al zaitu kutuna?

Zergaitik ba gaur daukozu

Nere gogoa iluna?

Didar onek amaitzean

Dakust zuaitzen azpin,

Eiztari ankerren batek

Josirik berunakin.

Eiztaria ez arren il

Txori abeslaria,

Ez arren berunaz yosi

Negu-gozagarria.

                        Ondarribi, 1924