BELENEN

Ogasun-egarria

Daukozun gizona

Belengo estalpera

Zoaz gaur arinka.

An emongo dautzue

Ume Jaungoikoa,

Zuk maiteki maiteki

Gurtutzeko Bera.

An ikusiko dozu

Zure Jaungoikoa

Zu zeruratzearren

Egiñik txiroa.

Maitasun garrak dotso

Ume Jainkoari

Zure zorunagaitik

Biotza urtu imini.

Biotz eske daukozu

Lastotxu ganetik

Zetako biotza,

Ari emon ezik?

Donoki gelditu da

Lenen aldiz utsik,

Gotzonak dauzalako

Belenen poz-pozik

Belenen ikusteko

Alatzen alatza

Euren Jaun ta Jabea

Egiñik seintxua.

Txikia anditzearren

Andia txikia,

Jainko guzti-alduna

Umetxu eginda.

                        Ondarribi, 1924