KABIAN ARIA

Zazpi zortzi bat urteko

Mutikoa nintzela,

Bein pozarren yoan nintzan

Kabikari mendira.

Ta bere pii itunekaz

Soso arduretsuak

Erakutsi eustan laster

Non egozan kabiak.

Banaka aztertu nebazan

Oyanako zugatzak,

Gorputza urratu eustean

Gogorkiro arantzak.

Baño soso-kabi etzan

Iñondikan agiri,

Ta ler-egiñik biraka

Yarri naz zelatari.

Alako baten sartu da

Otartean soso ori,

Ta nik arin arrikada

Jaurti neutson berari.

Sosoa urten zan kabitik

Itun eta negartzu,

Ta ni eldu naz kabirantz

Pozarren zorionisu.

Baña arin biurtu ziran

Nire pozak itunan,

Neuk yaurti neban arria

Aurkiturik kabian.

Josuk bere neke bidez

Izuririk odola,

Arkitu eban beñola

Neure biotz-kabia.

Ta pozik yarririk bertan

Santidade asia,

Biurtu zan donokira

Bere Aitarengana.

Ta uzta-aron etor zanean

Bertora igali billa,

Bakarrik aurkitu eban

Neure gaiztakeria.

                        Ondarribi, 1924