Laister igana...

                        Elosegi'tar Policarpo'ren eriotz-egunean

Oroitzak aika naramate gaur,

lenera-bide burumakur ni...

Umetandiko lagunik onen,

adizkide aiñ atsegingarri,

ibai-ertz eta zumardiñoan

nerekin batez pozik ibili

t'amaika bider yolastu itzana;

ibar ontatik i, maite ori,

amaigabera joan aiz. Goiko

urdiña nunbait ire Aberri.

Gorputza emen; luze ta zurbil

aurrean akust oian etzana,

ta ikuspen onek estura larriz

lausoa nere begietara.

Otoitz-egiñez arindu bezait

biotz gaxoan atzi zaidana.

Agur, noizarte...? Loitan erortzen

baldiñ ezpazait ames-iñara

sinismen egoz yantzita pozik

laster ni goirantz, laister igana...

                        1948'gko Abendua'ren 3'an