Bai, ongi dasak

                        Lagun zar bati

Egi dek emen daudela Tengo

baso gereitsu ta baserriak,

emen ere ibai aundi, urlo ta

erreka bitsu marmalariak.

Egi, or zeudek txikitan gure

jolasketako bazter maitiak:

udare-baratz, igari-leku,

txori-muño ta kilker-tokiak.

Nun dira baña ordungo beste

gauz eta jolas ain bereziak?...

Leor zegotzik, eziñago latz,

«San Blas»-ko bustin-txulo guziak,

ta iñolaz ere zartzez guk ezin

berriztu lengo ekiñaldiak.

Oroimenean bustin-txulo ta

zankiñezkako makil txikiok.