Urgull'en egotalditxo bat

Itxaso-mugan suturik ango

oz-alde nabar guziya

geldi-geldiro jeisten ari da

eguzki-litsa gorriya.

Ixildu dira erabat emen

kantari zeuden txoriak,

alatsu bean erriko ardail

urduri-ots nabasiak.

Kayo batzuek egada nare

aizea bigunki joaz

«Zurriola»-tik beren aterpe

artzuetara dijoaz.

Izar urdin bat piztu da goyen

arratsaren aintzindari...

Berandu da-ta luzaro ezin

izan nik emengo aldi.

Jeisten abitu naizen garayan

ipar-aize bigunaren

marmari geltsu alakoxe bat

erestiñoka zebillen.

Gozatsua zait oxkar-girodun

illunabarreko itzala.

Arratsak gero lo nare baten

unkia eman deiala!