Gogotxindor

Ene txoriño maitea,

orren ixilik zer dezu?,

zer naigabe latz-illunak

ikaraz ipiñi zaitu?...

Txindor gaxoa!, ez beintzat

zure kabitik urrundu,

zapelatz gaiztoen poza

ori egingo bazendu.

Zaude, maite, zaude bertan,

ez izan toki-aldakor,

nere zartzaroan ez det

zu beste lagunik iñor.

Berriro jardun zaite, ba,

len bezin alai t'adikor,

yoranez abesten asi,

Gogotxindor, Gogotxindor!