JESUKRISTOREN EBANJELIO SANTUA
SAN MATEOREN ARAURA - 2

LENBIZIKO KAPITULUA

Jesukristoren jatorria aragiaren aldetik Aingeruak agertzen dio Joseri nola izan zan Jesus sortua Ama birjiñaren sabelean Jesusen jaiotza

        1. Jesukristoren, Dabiden semearen, Abrahamen semearen jatorriaren liburua.

        2. Abrahamek sortu zuen Isaak. Eta Isaakek sortu zuen Jakob. Eta Jakobek sortu zituen Judas, eta bere anaiak.

        3. Eta Judas gandik izan ziran sortuak Fares, eta Zara Tamargan. Eta Fares gandik izan zan sortua Esron. Eta Esron gandik izan zan sortua Aram.

        4. Eta Aram gandik izan zan sortua Aminadab: Eta Aminadab gandik izan zan sortua Naasson. Eta Naasson gandik izan zan sortua Salmon.

        5. Eta Salmon gandik izan zan sortua Booz Rahabgan. Eta Booz gandik izan zan sortua Obed Rutgan. Eta Obed gandik izan zan sortua Jesse. Eta Jesse gandik izan zan sortua Dabid erregea.

        6. Eta Dabid erregea gandik izan zan sortua Salomon argan Uriasena izan zanagan.

        7. Eta Salomon gandik izan sortua Roboam. Eta Roboam gandik izan zan sortua Abias. Eta Abias gandik izan zan sortua Asa.

        8. Eta Asa gandik izan zan sortua Josafat. Eta Josafat gandik izan zan sortua Joram. Eta Joram gandik izan zan sortua Ozias.

        9. Eta Ozias gandik izan zan sortua Joatam. Eta Joatam gandik izan zan sortua Akaz. Eta Akaz gandik izan zan sortua Ezekias.

        10. Eta Ezekias gandik izan zan sortua Manasses. Eta Manasses gandik izan zan sortua Amon. Eta Amon gandik izan zan sortua Josias.

        11. Eta Josias gandik izan ziran sortuak Jekonias, eta bere anaiak Babiloniako errialdatzean.

        12. Eta Babiloniako errialdatzearen ondoan: Jekonias gandik izan zan sortua Salatiel. Eta Salatiel gandik izan zan sortua Zorobabel.

        13. Eta Zorobabel gandik izan zan sortua Abiud. Eta Abiud gandik izan zan sortua Eliazim. Eta Eliazim gandik izan zan sortua Azor.

        14. Eta Azor gandik izan zan sortua Sadok. Eta Sadok gandik izan zan sortua Akim. Eta Akim gandik izan zan sortua Eliud.

        15. Eta Eliud gandik izan zan sortua Eleazar. Eta Eleazar gandik izan zan sortua Matan. Eta Matan gandik izan zan sortua Jakob.

        16. Eta Jakob gandik izan zan sortua Jose Mariaren senarra, zeñen gandik jaio zan Jesus, Kristo deritzana.

        3. Eta Judasek sortu zituen Fares, eta Zara Thamarren gandik. Eta Faresek sortu zuen Esron. Eta Esronek sortu zuen Aram.

        4. Eta Aramek sortu zuen Aminadab. Eta Aminadabek sortu zuen Naasson. Eta Naassonek sortu zuen Salmon.

        5. Eta Salmonek sortu zuen Booz Rahaben gandik. Eta Boozek sortu zuen Obed Ruthen gandik. Eta Obedek sortu zuen Jesse. Eta Jessek sortu zuen Dabid erregea.

        6. Eta Dabid erregeak sortu zuen Salomon arengandik Uriasena izan zanaren gandik.

        7. Eta Salomonek sortu zuen Roboam. Eta Roboamek sortu zuen Abias. Eta Abiasek sortu zuen Asa.

        8. Eta Asak sortu zuen Josafat. Eta Josafatek sortu zuen Joram. Eta Joramek sortu zuen Ozias.

        9. Eta Oziasek sortu zuen Joatham. Eta Joathamek sortu zuen Akaz. Eta Akazek sortu zuen Ezekias.

        10. Eta Ezekiasek sortu zuen Manassees. Eta Manassesek sortu zuen Amon. Eta Amonek sortu zuen Josias.

        11. Eta Josiasek sortu zituen Jekonias, eta bere anaiak Babiloniako erraldairan.

        12. Eta Babiloniako errialdaira ondoan Jekoniasek sortu zuen Salathiel. Eta Salathielek sortu zuen Zorobabel.

        13. Eta Zorobabelek sortu zuen Abiud. Eta Abiudek sortu zuen Eliazim. Eta Eliazimek sortu zuen Azor.

        14. Eta Azorrek sortu zuen Sadok. Eta Sadokek sortu zuen Akim. Eta Akimek sortu zuen Eliud.

        15. Eta Eliudek sortu zuen Eleazar. Eta Eleazarrek sortu zuen Mathan. Eta Mathanek sortu zuen Jakob.

        16. Eta Jakobek sortu zuen Jose Mariaren senarra, zeñengandik jaio zan Jesus, Kristo deritzana.

        17. Ala bada Abraham gandik Dabiderañoko gizaldi guziak, amalau gizaldi, eta Dabid gandik Babiloniako errialdairaño, amalau gizaldi, eta Babiloniako errialdairatik Kristoraño amalau gizaldi.

        18. Kristoren sorrera bada onela izan zan. Zegoala ezkontzako itza emanik bere Ama Maria Joserekin, elkarganatu baño lenago arkitu zan sabelean zuela Espiritu Santuaren gandik.

        19. Eta Jose bere senarrak, izanik zuzena, eta nola ez zuen nai betziztu, nai izan zuen ixillik utzi.

        20. Eta zegoela hura oiek gogatzen, ona emen non Jaunaren Aingerua agertu zitzaion ametsetan, esaten ziola: Jose Dabiden semea, ez zaitezela beldur izan artzen Maria zure emaztea, zeren argan jaio dana, Espiritu Santuarena da.

        21. Eta eraitsiko du semea, eta deituko diozu bere izena Jesus, zeren berak salbatuko du bere erria beren bekatuetatik.

        22. Au guzia bada izan zan egiña, betetasuna iduki zezan Jaunak esan zuenak Profetaren bitartez, zeñak esaten duen:

        23. Ona emen Birjiñak sabelean idukiko du, eta erdituko du semea, eta deituko diote bere izena Emmanuel, zeñak esan nai duen: Gurekin Jaungoikoa.

        24. Eta jaikirik Jose lotik, egin zuen Jaunaren Aingeruak agindu zion bezela, eta artu zuen bere emaztea.

        25. Eta ez zuen hura ezagutzen, erditu zuen arteraño bere seme lenbizisortua, eta deitu zion bere izena Jesus.

BIGARREN KAPITULUA

Magoak badatoz Sortaldetik Belena; adoratzen dute Jauna; eskeñtzen diezte beren doaiak Herodesen biotzeko gogortasuna ill erazotzean Belenen, eta ingurumaitako erri guzietan urte bitik beerako aur seme guziak Kristoren igesdea Ejiptora; bere itzuliera Israelgo errira

        1. Jaio zanean bada Jesus Bethlen Judakoan Herodes erregearen egunetan, ona emen non Magoak Sortaldetik etorri ziran Jerusalena:

        2. Ziotela: Non da jaio dana, Juduen erregea? ikusi degu ezen bere izarra Sortaldean, eta gatoz hura adoratzera.

        3. Eta aditurik au Herodes erregeak, izutu zan, eta Jerusalen guzia berarekin.

        4. Eta bildurik Sazerdoteen buru guziak, eta erriko Eskribak, galdez zegoten, non jaio bear ote zuen Kristok.

        5. Eta aiek esan zioten: Bethelen Judakoan, zeren onela dago eskribatua Profetaren bitartez:

        6. Eta zu Bethlen Judako erria, iñolaere ez zera txikiena Judako aundienen artean, zeren zugandik aterako da gialaria, zuzenduko duena Israel nere erria.

        7. Orduan Herodesek, ixillik deiturik Magoai, ajolarekin ikasi zuen berak gandik, izarraren denbora, agertu zitzaiotenarena.

        8. Eta bialdurik Bethlena esan zioten: Zoazte, eta galde ezazute arretarekin aurra gatik, eta arkitzen dezutenean jakin erazo nazazute, nik ere, etorrita, adoratu dezadan.

        9. Aiek aditurik au erregeri, joan ziran. Eta ona emen non Sortaldean ikusi zuten izarra zijoan beren aurretik, alik eta allegaturik, gelditu zan artean aurra zegoen tokiaren gañean.

        10. Eta ikusi zutenean izarra, poztu ziran poz txit aundi batekin.

        11. Eta sarturik etxean, arkitu zuten aurra bere ama Mariarekin, eta auzpezturik adoratu zuten, eta idikirik beren gordalluak eskeñi zizkioten doaiak, urrea, intzentzua, eta mirra.

        12. Eta arturik erantzuera ametsetan, ez ziteztela itzuli Herodesengana, beste bide batetik itzuli ziran beren errira.

        13. Oiek alde egin zutenean, ona emen non Jaunaren Aingerua agertu zitzaion ametsetan Joseri, esaten ziola: Jaiki zaite, eta ar zazu aurra, eta bere ama, eta iges zazu Ejiptora, eta zaude an nik esan dezazudan artean. Gertatuko da ezen Herodesek billatzea aurra galdu erazoteko.

        14. Bera jaikirik, artu zituen aurra, eta bere ama gauaz, eta alde egin zuen Egiptora:

        15. Eta egon zan an Herodesen eriotzaraño, bete zedin Jaunak esan zuena Profetaren bitartez, zeñak esaten duen: Ejiptotik deitu nion nere semeari.

        16. Orduan Herodes, ikusirik izan zala Magoak burlatua, aserratu zan asko, eta bidaldurik, ill erazo zituen Bethlenen eta bere inguru guzietan zeuden aur seme guziak bi urtekoak eta beerakoak Magoen gandik jakin zuen denboraren araura.

        17. Orduan betea izan zan esana izan zana Jeremias Profetaren bitartez, zeñak esaten duen:

        18. Boza Raman izan zan aditua, negarra, eta oju asko, Rakel negarrez bere semeak gatik, eta ez zuen nai izan poztua, zeren ez diran.

        19. Illik bada Herodes, ona emen non Jaunaren Aingerua agertu zitzaion ametsetan zatzala Joseri Ejipton,

        20. Esaten ziola: Jaiki zaite, eta ar ezazu aurra, eta bere ama, eta zoaz Israelgo errira, zeren illak dira billatzen zutenak aurraren anima.

        21. Bera jaikitzen zala, artu zuen aurra, eta bere ama, eta etorri zan Israelgo errira.

        22. Aditurik ordea Arkelaok agintatzen zuela Judean bere aita Herodesen tokian, beldur izan zan ara joaten, eta izanik gaztigatua ametsetan zatzala, alde egin zuen Galileako errietara.

        23. Eta etorririk, bizi izan zan, Nazareth deritzan urian, bete zedin esana izan zana profeten bitartez: Nazareoa deitua izango dala.

IRUGARREN KAPITULUA

San Juan Bautistak, Jesukristoren Bideaurrekoak predikatzen du penitenzia eremuan, Profetak aurrez adierazo zuten bezela Errierta egiten diote Fariseoai eta Sadduzeoai Bataiatzen du Kristo, zeñaen gañera jatsiten dan Espiritu Santua; eta aditzen da zerutik aitaren boza

        1. Eta egun aietan etorri zan Juan Bautista predikatzen zuela Judeako eremuan,

        2. Eta esaten zuela: Penitenzia egin zazute: zeren alderatu da zeruetako erreinua.

        3. Bada au da esana izan zana Isaias profetak esaten duenak: Eremuan oju egiten duenaren boza: Prestatu ezatzute Jaunaren bidea, zuzenak egin itzatzute bere bidetxigorrak.

        4. Eta Juanek berak zeukan gameluen illezko jantzia, eta larruzko gerrikoa bere gerriaren inguruan: eta bere janaria ziran otarraiak, eta basa eztia.

        5. Orduan ateraten zan beraren gana Jerusalen eta Judea guztia, eta Jordan inguruko alderri guztia.

        6. Eta oi ziran berak bataiatuak Jordanen, aitorturik beren bekatuak.

        7. Ikusirik alabaña Fariseoetatik, eta Sadduzeoetatik asko zetoztela bere bataiora, esan zioten: Ziraun arrazak, nork erakutsi dizute iges egiten etorriko dan iratik?

        8. Egin ezatzute bada penitenziaren diñako frutua.

        9. Eta ez dezatzutela nai esan zuen barrenean: Aita daukagu Abraham, zeren esaten dizutet, altsua dala Jainkoa arri oietatik jasotzeko semeak Abrahami.

        10. Zeren onezkero ipiñia dago aizkora arbolen sustraian. Bada frutu ona egiten ez duen arbola guztia, izango da ebakia, eta sutara botatua.

        11. Nik egiaz bataiatzen zaituztet urean penitenziarako, baña nere ondoren etorriko dana, ni baño indartsuago da, zeñaren oñetakoak eramateko diña ez naiz, berak bataiatuko zaituzte Espiritu Santuan, eta suan.

        12. Zeñaren sardetxea bere eskuan, eta garbituko du ongi bere larraña, eta bilduko du bere garia aletegian, lastoak ordea erreko ditu suan iñoiz itzali ezingo danean.

        13. Orduan etorri zan Jesus Galileatik Jordana Juanen gana onek bataiatua izan zedin.

        14. Juanek ordea galerazotzen zion, esaten ziola: Zuk bataiatua izan bear nuke nik, eta zu zatoz neregana?

        15. Erantzunaz alabañan Jesusek, esan zion: Utzi ezazu orain, zeren onela bear degu guk bete zuzentasun guzia. Orduan utzi zion.

        16. Eta bataiatua izan ondoan Jesus, bereala igo zan uretik. Eta ona emen non idiki zitzaizkion zeruak, eta ikusi zuen Jaungoikoaren Espiritua jazten zala usoa bezela, eta zetorrela beraren gañera.

        17. Eta ona emen boz bat zeruetatik esaten zuena: Au da nere semea maitatua, zeñengan dedan poza.

LAUGARREN KAPITULUA

Kristo bataiatua izan ezkero badijoa eremura; eta barau egiñik berrogei egunean eta berrogei gauean garaitzen ditu demonioaren tentazioak Aditurik sartu zutela Bautista presoindegian, alde egiten da Kafarnauma, eta ematen dio asiera predikazioari Deitzen dio Pedrori, Andresi, Santiagori, eta Juani Adierazoten diote Ebanjelioa Galileatarrai, eta sendatzen ditu eri batzuek

        1. Orduan Jesus izan zan espirituak eramana eremura, deabruak tentatua izan zedin.

        2. Eta barau egiñik berrogei egunean, eta berrogei gauean, gero gose izan zan.

        3. Eta alderaturik beraren gana tentatzallea esan zion: Baldin bazera Jaungoikoaren semea, esan ezazu arri oiek egin diteztela ogiak.

        4. Zeñak erantzunaz esan zion: Eskribatua dago: Ogi utsarekin ez da bizi gizona, baizik Jaungoikoaren aotik irtetzen dan itz guziarekin.

        5. Orduan artu zuen deabruak, eta eraman zuen uri santura, eta ipiñi zuen elizako tellatuaren egalean.

        6. Eta esan zion: Baldin bazera Jaungoikoaren semea, bota zaite beerontz. Zeren eskribatua dago: Agindu ziotela bere Aingeruai zure gatik, eta eskuetan artuko zaituzte, ustekabean beaztopotu ez dezazun arrian zure oñarekin.

        7. Esan zion Jesusek: Baitaere eskribatua dago: Ez dezu tentatuko zure Jaun Jainkoa.

        8. Berriz artu zuen deabruak, eta eraman zuen mendi txit altu batera, eta erakutsi zizkion munduko erreiñu guztiak, eta beren gloria.

        9. Eta esan zion: Oiek guziak emango dizkizut, baldin eroririk adoratzen banazu.

        10. Orduan esan zion Jesusek: Oakit, Satanas, zeren eskribatua zeagok: Zure Jaun Jainkoa adoratuko dezu, eta bera bakarrik serbituko dezu.

        11. Orduan utzi zion deabruak, eta ona emen non Aingeruak alderatu zitzaizkon, eta serbitzen zuten.

        12. Eta aditurik Jesusek Juan zegoala itxian, alde egin zuen Galileara.

        13. Eta utzirik Nazarethko uria, etorri zan, eta bizitu izan zan Kafarnaum itsas bazterrekoan, Zabulon, eta Nepthaliren mugetan.

        14. Betea izan zedin esana izan zana Isaias Profetaren bitartez:

        15. Zabulongo erria, eta Nephtaliko erria, itsasorako bidea, Jordango beste aldetik, Galilea jentillena.

        16. Illunpetan eseria zegoan erriak, ikusi zuen argi aundi bat, eta eserita zeudenai eriotzaren itzaleko alderrian, argia jaio zitzaioten.

        17. Ordutik asi zan Jesus predikatzen, eta esaten: Penitenzia egin zazute, zeren alderatu da zeruetako erreiñua.

        18. Eta zebillala Jesus Galileako itsasoaren bazterrean, ikusi zituen bi anai, Simon, Pedro deritzana, eta Andres bere anaia, botatzen sarea itsasoan (zeren ziran arrantzaleak.)

        19. Eta esan zioten: Atozte nere ondoren, eta egingo det, zuek izan zaiteztela gizonen arrantzaleak.

        20. Eta aiek bereala utzirik sareak, jarraitu zioten.

        21. Eta joanik aurrerago andik, ikusi zituen beste bi anai, Santiago Zebedeorena, eta Juan bere anaia txalupan Zebedeo beren Aitarekin, adobatzen beren sareak, eta deitu zituen.

        22. Eta aiek bereala utzirik sareak, eta Aita, jarraitu zioten.

        23. Eta inguratzen zuen Jesusek Galilea guzia, erakusten zuela beren Sinagogetan, eta predikatzen zuela erreinuko Ebanjelioa, eta sendatzen zuela miñantze guzia, eta eritasun guzia errian.

        24. Eta barreatu zan bere otspea Siria guzitikan, eta ekarri zizkioten gaizki zeuden guziak, eritasun, eta oñaze batzuek arrapatuak, eta demonioak zeuzkatenak, eta alditsuak, eta elbarriak, eta sendatu zituen.

        25. Eta jarraitu zioten talde askok Galileatik, eta Dekapolistik, eta Jerusalendik, eta Judeatik, eta Jordango beste aldetik.

BOSTGARREN KAPITULUA

Zortzi zoriontasunak Deitzen diote Jaunak Apostoluai gatza, eta argia, erakusten diotela nolakoak izan bear zuten bere lanbideak Jaungoikoaren legea da gatza, eta argia, zeñarekin nai duen gazitu ta argitu dezatela mundua, adierazorik, ez dala etorri desegitera baizik bete eta osotzera, eta onetarako asitzen da azaldatzen bere zatirik aundienetatik

        1. Eta ikusirik Jesusek taldeak, igo zan mendira, eta eseri ezkero, alderatu ziran beregana bere ikasleak.

        2. Eta idikirik bere aoa, ematen zizkioten erakutziak, esaten zuela:

        3. Doatsuak gogoz beartsuak, zergatik berena da zeruetako erreiñua.

        4. Doatsuak otsanak, zergatik berak menpetuko dute lurra.

        5. Doatsuak negar egiten dutenak, zergatik berak izango dira poztuak.

        6. Doatsuak zuzentasunaren gosea, eta egarria dutenak, zergatik berak izango dira aseak.

        7. Doatsuak errukitsuak, zergatik berak errukia iritxiko dute.

        8. Doatsuak biotz garbikoak, zergatik berak ikusiko dute Jaungoikoa.

        9. Doatsuak paketsuak, zergatik Jaungoikoaren semeak izango dira deituak.

        10. Doatsuak igarotzen dutenak persekuzioa zuzentasuna gatik, zeren berena da zeruetako erreiñua.

        11. Doatsuak zerate, madarikatzen zaituztenean, eta persegitzen zaituztenean, eta esaten dutenean gaizki guzia zuen kontra, gezurra diotela nere gatik:

        12. Poztu eta gozatu zaitezte, zeren zuen saria ugaria da zeruetan. Onelashe ezen persegitu zituzten profetak zuek baño lenago izan ziranak.

        13. Zuek zerate lurreko gatza. Eta baldin gatza gezatzen bada, zerekin izango da gazitua? Ez du onezkero ezertarako balio, baizik izateko kanpora botatua, eta gizonak zapaldua.

        14. Zuek zerate munduko argia. Ezin izan lezake ezkutatua, mendi gañean ipiñia dagoan uria.

        15. Ez dute ere irazekitzen argia, eta ipintzen dute lakariaren azpian, baizik kandeleruaren gañean, argi egin dizaioten etxean dauden guziai.

        16. Onela argi egin beza zuen argiak gizonen aurrean, ikusi ditzaten zuen egite onak, eta gloria eman dizaioten zuen Aita, zeruetan dagoanari.

        17. Ez dezazutela uste izan etorri naizala askatzera legea, edo profetak, ez naiz etorri askatzera, baizik betetzera.

        18. Zergatik egiaz esaten dizutet, igaro artean zerua, eta lurra, jota bat, edo tilde bat ez dala geldituko legetik, guziak egiñak izan gabe.

        19. Orregatik autsitzen duena agindu txit txiki oietatikan bat, eta erakusten diotena ala gizonai, txit txikia izango da deitua zeruetako erreinuan; egiten duena ordea, eta erakusten duena, au aundia izango da deitua zeruetako erreinuan.

        20. Zergatik esaten dizutet, ez baldin bada ugariago zuen zuzentasuna Eskribaena, eta Fariseoena baño, ez zerate sartuko zeruetako erreinuan.

        21. Aditu zenduten esan zaiotela anziñakoai: Ez dezu ilko, eta iltzen duena izango da esertokiko epaiaren obendun.

        22. Nik ordea esaten dizutet, bere anaiarekin aserretzen dan guzia, izango da eseritokiko epaiaren obendun. Eta esaten diona bere anaiari raka (irain aundiko itzen bat), izango da biltzarrearen obendun.

        23. Baldin bada ari bazera, eskeñtzen zure emaitza aldarean, eta an oroituko baziñake zure anaiak duela zerbait zure gaitzean:

        24. Utzi ezazu an zure emaitza aldarearen aurrean, eta zoaz lenago pakeak egitera zure anaiarekin, eta orduan etorririk eskeñiko dezu zure emaitza.

        25. Oben zakizkio zure etsaiari bereala, berarekin bidean zauden bitartean, etsaiak auziepallearen mendean ipiñi ez zaitzan, eta auziepalleak borreruaren mendean ipiñi ez zaitzan, eta izan zaitean presondegira bidaldua.

        26. Egiaz esaten dizut, ez zera aterako andik itzuli dezazun arte azkeneko ardita.

        27. Aditu zenduten esana izan zitzaiotela anziñakoai: Ez dezu aragizko bekaturik egingo besteren emaztearekin.

        28. Nik ordea esaten dizutet, begiratzen dion guztiak andreari bera gutiziatzeko, adulterioa egin du bere biotzean.

        29. Eta baldin zure eskuiko begiak pekaturako bidea ematen badizu, atera ezazu, ta bota ezazu zure gandikan, zeren obeago dezu galdu dedin zure gorputzaren zati bat, zure gorputz guztia botatua izatea baño lenago infernura.

        30. Baldin bada zure eskuiko eskuak pekaturako bidea ematen badizu, ebaki ezazu, eta bota ezazu zure gandik, zeren obeago dezu galdu zure gorputzeko zati bat, zure gorputz guzia joatea baño infernura.

        31. Baita ere esana izandu zan: Beren emaztea uzten duen edozeñek, eman bizaio banakatutakoaren agiria.

        32. Nik ordea esaten dizutet: Beren emaztea uzten duen guziak, ez izanik aragizko bekatua gatik, erori erazotzen dio adulterioko pekatuan; eta artzen duenak utzia, egiten du adulterioko pekatua.

        33. Berriz aditu zenduten esan zitzaiotela anziñakoai: Ez dezu gezurrarekin juramenturik egingo; baizik itzuliko dizkiotzu Jaunari zure juramentuak.

        34. Nik ordea esaten dizutet, iñola ere ez dezazutela juramenturik egin, ez zerua gatik, zeren dan Jainkoaren esertokigoia.

        35. Ezta ere lurra gatik zeren dan bere oñen alkia, ez Jerusalen gatik, zeren dan errege aundiaren uria.

        36. Ez ezazu ere juramenturik egin zure burua gatik, zeren ezin egin dezazuke ille bat Zuria, edo beltza.

        37. Baizik izan bedi zuen izketa, bai, bai; ez, ez; zergatik oiek baño ugariago dana, gaiztotik dator.

        38. Aditu zenduten esan zala: Begia begia gatik, eta ortza ortzagatik.

        39. Nik ordea esaten dizutet, ez zakizkiotela leiatu gaitzan; baizik iñork jotzen bazaitu zure eskuiko masallan, eman zaiozu bestea ere.

        40. Eta auzitan ipiñi nai zaituanari, eta zure tunika artu, utzi zaiozu kapa ere

        41. Eta baldin iñork eraman nai bazaitu zamaturik milla pausutan, zoaz berarekin beste bi millatan.

        42. Eskatzen dizunari eman zaiozu, eta nai duenari zuk ordañean ematea, ez zakizkio itzuli.

        43. Aditu zenduten esana izan zala: Maitatuko dezu zure lagun urkoa, eta gorroto idukiko diozu zure etsaiari.

        44. Nik ordea esaten dizutet: Maitatu itzatzute zuen etsaiak; on egin zaiozute gorroto dizutenai, eta erregutu ezazute persegitzen zaituztenak gatik, eta gezur aundiak asmatzen dizkitzutenak gatik:

        45. Izan zaitezten zuen Aita zeruetan dagoanaren semeak, zeñak irten erazoten dion bere eguzkiari onen ta gaiztoen gañera, eta egiten du euria onen eta gaiztoen gañera.

        46. Zeren maitatuten baldin badituzute maite zaituztenak, zer ordañ izango dezute? Ez al dute egiten orobat publikanoak ere?

        47. Eta agur egiten badiezute zuen anaiai bakarrik, zer geiago egiten dezute? Ez al dute orobat egiten jentillak ere?

        48. Izan zaitezte bada zuek on osoak, nola zuen Aita zerukoa ere dan on osoa.

SEIGARREN KAPITULUA

Nola egin bear dan limosna Erreguaren, eta barauaren gañean Ez dirala bildu bear ondasunak lurrean, baizik zeruan; ezin serbitu genzakeala bi nagusi Ez gaiteztela geiegi larritu janaria gatik, eta jantzia gatik, gure Aita zerukoak dualako arturik bere gañean oien ajola

        1. Begira ezazute ez dezazutela egin zuen zuzentasuna gizonen aurrean, berak ikusiak izan zaitezten; bestela ez dezute ordañik izango zuen Aita zeruetan dagoanagan.

        2. Egiten dezunean bada limosna, ez dezazula jo erazo tronpeta zure aurrean, hipokritak egin oi duten bezela sinagogetan, eta karrikaetan, gizonak onratuak izan ditezten. Egiaz esaten dizutet, artu zuten beren ordaña.

        3. Egiten dezunean bada zuk limosna, ez beza jakin zure ezkerrak, zer egiten duen zure eskuiak.

        4. Izan dedin zure limosna ezkutuan, eta zure Aita, ezkutuan ikusten duenak, itzuliko dizu.

        5. Eta erregutzen dezutenean, ez zerate izango hipokritak bezela, zeintzuek amatzen duten erregutzea zutik sinagogetan eta plazetako karrikaetan, gizonak ikusiak izan ditezten, egiaz esaten dizutet, artu zuten beren saria.

        6. Baña zuk, erregutzen dezunean, sartu zaite zure gelan, eta atea itxirik, erregutu zaiozu zure Aitari ezkutuan, eta zure Aita, ikusten duenak ezkutuan itzuliko dizu.

        7. Eta erreguan ari zeratenean, ez dezazutela itz asko egin jentillak bezela. Uste dute ezen itz askoan adituak izango dirala.

        8. Ez zaiteztela bada irudi erazo aiei. Zeren badaki zuen Aitak zeren premia dezuten, berari zuek eskatu baño lenago.

        9. Onela bada zuek erregutuko dezute: Aita gurea, zeruetan zaudena, santutua izan bedi zure izena.

        10. Betor gugana zure erreinua. Egin bedi zure naia nola zeruan, ala lurrean.

        11. Gure ogi egunorokoa eman iguzu gaur.

        12. Eta barka zazkiguzu gure zorrak, guk gure zordunai barkatzen dieztegun bezela.

        13. Eta ez dizaguzu utzi tentazioan erorten. Baizik gorde gaitzatzu gaitzetik. Amen.

        14. Zeren baldin barkatzen badiozkatzute gizonai beren pekatuak, zuei ere barkatuko dizkitzute zuen Aita zerukoak zuen obenak.

        15. Baldin berriz ez badiozatzute barkatzen gizonai, zuei ere ez dizkizute barkatuko zuen Aitak zuen pekatuak.

        16. Barau zeratenean bada ez zaiteztela paratu hipokritak bezela itunak. Zeren itsusitzen dituzte beren arpegiak, adierazoteko gizonai barau diradela. Egiaz esaten dizutet, artu zutela beren saria.

        17. Zuk ordea barau zeranean, gantzutu ezazu zure burua, eta zure arpegia garbitu ezazu,

        18. Gizonak ikusia izan ez zaitezen barau zerala, baizik zure Aita, ezkutuan dagoanak, eta zure Aita ezkutuan dagoanak itzuliko dizu.

        19. Ez dezazutela nai gordallutu zuentzat gordalluak lurrean, non erdoiak, eta sitsak arrasatzen dituzten, eta non lapurrak desobiratzen, eta ostutzen dituzten.

        20. Baizik gordallutu itzatzute zuentzat gordalluak zeruan, non ez erdoiak, ez sitsak dituzten arrasatzen, eta non lapurrak ez dituzten desobiratzen, ta ostutzen.

        21. Zeren non dan zure gordallua, an ere da zure biotza.

        22. Zure gorputzaren argiontzia da zure begia. Baldin zure begia balitza tolesgabea, zure gorputz guzia izango da argia.

        23. Baldin ordea zure begia balitza gaiztoa, zure gorputz guzia izango da illuna. Baldin bada zugan dan argia, illuntasunak badirade, illuntasunak berak zeiñ aundiak izango dirade?

        24. Iñork ezin ditzake bi nagusi serbitu, zeren edo gorroto izango dio bati, eta bestea maitatuko du, edo bata irozoko du, eta bestea mespreziatu. Ezin ditzakezute Jaungoikoa serbitu, eta aberastasunak.

        25. Beragatik esaten dizutet, ez zaiteztela arazoz egon zuen animarentzat zer jango dezuten, ez zuen gorputzarentzat zerekin jantziak izango zeraten. Ez al da anima janaria baño geiago, eta gorputza jantzia baño geiago?

        26. Begira zaiozute zeruko egaztiai ez dutela ereiten, ez itaitzen, ez biltzen ganbaraetan, eta zuen Aita zerukoak bazkatzen ditu. Ez al zerate zuek aiek baño asko geiago?

        27. Eta zuetatik nork pensatuaz luzatu dezake bere gorputzaren tallua beso batean?

        28. Eta zergatik zaudete jantziaren ajolarekin? Oroi zaitezte kanpoko lirioakin nola azitzen diraden, ez dute lanik egiten, ez iruten.

        29. Esaten dizutet berriz, ez da Salomon ere bere anditasun guzian izandu zala estalia oietatik bat bezela.

        30. Baldin bada kanpoko belar gaur dana, eta biar labe sutura botatzen dana Jaungoikoak onela jazten badu; zenbat geiago zuek fede gitxikoak?

        31. Ez zaiteztela bada larriturik egon, esaten dezutela: Zer jango degu, edo zer edango degu, edo zerekin izango gera estaliak?

        32. Zeren oiek guztiak jentillak billatzen dituzte. Badaki ezen zuen Aitak oien guzioen premian zaudetela.

        33. Billatu itzatzute bada lenengo Jaungoikoaren erreinua, eta bere zuzentasuna, eta oiek guziak gañera emango zatzute.

        34. Ez zaiteztela bada arazotan egon biarko. Zeren biarko egunak idukiko du berarentzat arazoa. Asko zaio egunari bere nekea.

ZAZPIGARREN KAPITULUA

Jarraitzen dio Jaunak bere erakutziari, galerazoten duala besteren gatik gaizki juzgatzea Esaten du ez zitaiztela eman bear txakurrai gauza santuak Esaten digu erregutu bear degula, eta egin dezagula gure lagun urkoarekin, gurekin egitea nai deguna Esaten du estua dala atea zeñatatik sartutzen dan bizitzara Nola ezagutuko degun zeintzuek diran profeta gezurrezkoak, eta zeintzuek egiazkoak Zeñ dan arbola ona, eta zein txarra Etxe bat egiten ari dan gizon baten berdintza, adierazoteko Jaunaren itza aditzen dagoana

        1. Ez dezazutela nai juzgatu, izan etzaitezten juzgatuak.

        2. Zeren juzgatzen dezuten juizioarekin, izango zerate juzgatuak, eta neurtzen dezuten neurriarekin, izango zerate neurtuak.

        3. Zergatik bada ikusten dezu lastoa zure anaiaren begian, eta aga zure begian ez dezu ikusten?

        4. Edo nola esaten diozu zure anaiari: Utzi, botako det lastoa zure begitik: eta ona non aga dago zure begian?

        5. Hipokrita, bota ezak lenengo aga ere begitik, eta orduan ikusiko dek botatzeko lastoa ere anaiaren begitik.

        6. Ez dieztezutela nai eman santua txakurrai, ezta ere bialdu zuen perlak txerrien aurrean, usterik gabe ostikopetu ez ditzaten beren oñakin, eta itzulirik zuek ganontz puskatu etzaitzaten.

        7. Eskatu ezazute, eta emango zatzute; billatu ezazute, eta arkituko dezute; jo ezazute, eta idikiko zatzute.

        8. Zeren eskatzen duen guziak, artzen du, eta billatzen duenak, arkitzen du, eta jotzen duenari, idikiko zaio.

        9. Edo zuetatik zein da gizona, zeñari eskatuko baldin balioke bere semeak ogia, arria luzatuko liokena?

        10. Edo baldin arraia eskatuko balio, sugea luzatuko al lioke?

        11. Baldin bada zuek, gaiztoak zeratelarik, badakitzute emaitza onak ematen zuen semeai, zenbat geiago zuen Aita, zeruetan dagoanak emango diezte ondasunak eskatzen diotenai?

        12. Gizonak bada zuei egitea nai dezuten guzia, zuek ere egiezute aiei. Au da ezen legea, eta Profetak.

        13. Sartu zaitezte ate estutikan, zeren zabala da atea, eta lasaia bidea galmenera daramana, eta asko dirade emendik sartzen diranak.

        14. Ze estua, eta mearra dan, bizitzara daraman bidea, eta gutxi dira arkitzen dutenak!

        15. Gorde zaitezte profeta gezurrezkoetatik, dotoztenetatik zuekgana ardien jantziakin, barruan ordea dira otso amorratuak.

        16. Beren frutuetatik ezagutuko dituzute. Arantzetatik artzen bai al dituzte matsak, edo sasilarretatik pikoak?

        17. Onela arbola on guziak frutu onak egiten ditu; arbola txarrak ordea, frutu txarrak egiten ditu.

        18. Ezin dezake arbola onak frutu txarrik egin; ezta ere arbola txarrak frutu onik egin.

        19. Frutu ona egiten ez duen arbola guzia, izango da ebakia, eta sutara botatua.

        20. Beren frutuetatik ezagutuko dituzute.

        21. Jauna, Jauna, neri esaten didan guztia ez da sartuko zeruetako erreinuan, baizik nere Aita zeruetan dagoanaren borondatea egiten duena, hurashe sartuko da zeruetako erreinuan.

        22. Askok esango didate egun artan: Jauna, Jauna, zure izenean ez al giñituen etorkizunak asmatu, eta zure izenean, ez al giñituen demonioak bota, eta zure izenean ez al giñituen egin asko mirari?

        23. Eta orduan esango diet: Ez zinduztedan beñere ezagutu. Oakite neregandik gaiztakeria egiten dezutenak.

        24. Nere itz oiek bada aditzen dituen guztia, eta berak egiten dituena, berdindua izango da gizon jakintsu bati, egin zuenari bere etxea, arkaitzaren gañean,

        25. Eta jatsi zan euria, eta etorri ziran ibaiak, eta putz egin zuten aizeak, eta jo zuten agitz etxe hura, eta ez zan erori, zeren egiña zegoan arkaitzaren gañean.

        26. Eta nere itz oiek aditutzen dituen guzia, eta berak egiten ez dituana, izango da berdindua gizon ero bati, zeñak egin zuen bere etxea ondarraren gañean:

        27. Eta jatsi zan euria, eta etorri ziran ibaiak, eta putz egin zuten aizeak, eta jo zuten agitz etxe hura, eta erori zan, eta izandu zan aundia bere ondamena.

        28. Eta gertatu zan, bukaturik Jesusek itz oiek arritzen ziran taldeak bere erakutsiaren gañean.

        29. Zeren erakusten zien agintea zeukanak bezela, eta ez beren Eskribak, eta Fariseoak bezela.

ZORTZIGARREN KAPITULUA

Sendatzen du Jesusek soruio bat, Euntariaren morroia, San Pedroren amagiarraba, eta beste eri asko Ez du berarekin artu nai jarraitu nai zion Eskriba bat, eta agintzen dio bere ikasletatik bati jarraitzeko berari Baretzen du ekaitz bat itsasoan, eta sendatzen ditu bi gaizkindun Jerasenoen errian

        1. Jatsi zanean bada menditik, jarraitu zioten jende askok.

        2. Eta ona emen non soraio bat etorri zan, eta adoratzen zuen, esaten ziola: Jauna, nai badezu garbitu nazakezu.

        3. Eta luzaturik Jesusek eskua ukitu zion, esaten ziola: Nai det. Garbitua izan zaite. Eta bereala garbitua izandu zan bere soraioa.

        4. Eta esan zion Jesusek: Begira, ez dagiozula iñori esan, baizik zoaz, agertu zatzakio sazerdoteari, eta eskeñi ezazu Moisesek agindu zuen emaitza, agiritzat aientzat.

        5. Sartu zanean bada Kafarnaumen, alderatu zan beragana Euntaria erregutzen ziola,

        6. Eta esaten ziola: Jauna, nere morroia datza etxean elbarritua, eta gaizki oñazetua da.

        7. Eta esan zion Jesusek: Ni etorriko naiz, eta sendatuko det.

        8. Eta erantzunik Euntariak esan zion: Jauna, ez naiz ni diña zu sartu zaitezen nere tellatupean, baña esazu bakarrik itz bat, eta izango da sendatua nere morroia.

        9. Zeren ni ere gizona naiz besteren mendean paratua, dauzkadana nere agindupean gudariak, eta esaten diot oni: Zoaz, eta badijoa, eta besteari: Atoz, eta badator, eta nere morroiari: Egin zazu au, eta egiten du.

        10. Eta aditurik Jesusek arritu zan, eta jarraitzen ziotenai esan zioten: Egiaz esaten dizutet, ez det arkitu sinismen aiñ aundirik Israelen.

        11. Eta esaten dizutet, asko Sortaldetik, eta Sartaldetik etorriko diradela, eta eseriko diradela Abraham, eta Isaak, eta Jakobekin zeruetako erreinuan.

        12. Erreinuko semeak ordea, izango dira botatuak kanpoko illuntasunetara, an izango da negarra, eta ortz karraskotza.

        13. Eta esan zion Jesusek Euntariari: Zoaz, eta sinistu dezun bezela, ala egiña izan dakizula. Eta sendatua izan zan morroia ordu artan.

        14. Eta etorririk Jesus Pedroren etxera, ikusi zuen bere amagirraba zetzala oean, eta sukartua.

        15. Eta ukitu zion bere eskuan, eta utzi zion sukarrak, eta jaiki zan, eta serbitzen zituen.

        16. Eta etorririk arratsa, eskeñi zizkioten asko demonioak zeuzkatenak, eta botatzen zituen espirituak itzarekin, eta gaizki zeuden guziak sendatu zituen.

        17. Betea izan zedin esana izan zana Isaias Profetaren bitartez, zeñak esaten duen: Berak artu zituen gure eritasunak, eta eraman zituen gure miñantzeak.

        18. Ikusirik ordea Jesusek jende asko bere inguruan, agindu zuen joateko itsas beste aldera.

        19. Eta alderaturik Eskriba bat, esan zion: Erakuslea, jarraituko dizut joaten zeran edozeiñ tokitara.

        20. Eta esaten dio Jesusek: A dituzte kobak, eta zeruko egaztiak kabiak; gizonaren semeak ordea ez du non burua etzin.

        21. Eta bere ikasletatik batek esan zion: Jauna, utzi nazazu lenengo joaten, eta lurpetzen nere aita.

        22. Jesusek ordea esan zion: Arreit neri, eta utzi ezazu illak lurpetu ditzaten beren illak.

        23. Eta sartzen zala bera ontzitxoan, jarraitu zioten bere ikasleak.

        24. Eta ona emen non alako ekaitz aundi bat egiña izandu zan itsasoan, non ontzitxoa zan bagak estalia, bera berriz lo zetzan.

        25. Eta alderatu ziran bera gana bere ikasleak, eta esnatu zuten esaten ziotela: Jauna gorde gaitzatzu, galduak gera:

        26. Eta esaten diote Jesusek: Zeren beldur zerate fede gutxikoak? Orduan jaikirik agindu zioten aizeai, eta itsasoari, eta gelditu zan bare bare.

        27. Gizonak bada arritu ziran, esaten zutela: Nolakoa da au aizeak, eta itsasoak obeditzen dioten au?

        28. Eta irago zanean Jesus itsasoaren beste aldera, Jerasenoen errira, atera zitzaizkon bidera bi zeuzkatenak demonioak, irtenik obietatik, supertuegiak, alako modutan, non iñor ezin zitekean igaro bide artatik.

        29. Eta ona emen non asi ziran ojuka, ziotela: Zer guri, eta zuri, Jesus Jaungoikoaren semea? Etorri bai al zera onara denbora baño lenago gu oñazetzera?

        30. Zegoan berriz ez urrutian berak gandik txerri askoren samalda bat jaten.

        31. Demonioak bada otoiztzen zioten, esaten ziotela: Botatzen bagaituzu emendik, bialdu gaitzatzu txerrien samaldara.

        32. Eta esan zioten: Zoazte. Eta berak aterarik joan ziran txerrietara, eta ona emen non arin ta itsumustuan joan zan samalda guzia amiltokietatik itsasora, eta ill ziran uretan

        33. Txerri zaiak berriz iges zuten, eta etorririk urira adierazo zituzten gertakari guztiak, baita ere demonioak iduki zituztenenak.

        34. Eta ona emen non uri guzia irten zitzaion bidera, eta ikusirik bera, erregutzen zioten, atera zedilla beren mugetatik.

BEDERATZIGARREN KAPITULUA

Sendatzen du Jesusek elbarridun bat Eskribaen gaizki esateak Deitzen dio Mateo Publikanuari Erantzuten diote gezurrak asmatzen diezten Fariseoai Libratzen du emakume bat odol jariotik Piztzen du neskatx bat; argitzen ditu bi itsu Sendatzen du gaizkindun mutu bat, eta egiten ditu beste mirari batzuek Gariaren, ta nekazariaren irudipena

        1. Eta sarturik ontzitxo batean, irago zan itsas beste aldera, eta etorri zan bere errira.

        2. Eta ona emen non eskeñtzen zioten elbarridun bat zetzana oean. Eta ikusirik Jesusek aien fedea, esan zion elbarridunari: itxedon ezazu ene semea, barkatzen zazkizu zure bekatuak.

        3. Eta ona emen non Eskribaetatik batzuek esan zuten beren barrenean: Au gaizki esaka ari da Jaungoikoa gatik.

        4. Eta ikusirik Jesusek beren gogorazioak, esan zioten: Zergatik dauzkazute gogorazio gaiztoak zuen biotzetan?

        5. Zer gauza da errazago esatea: Barkatzen zazkitzu zure bekatuak, ala esatea: Jaiki zaite, eta zabiltza?

        6. Jakin dezazuten bada, gizonaren semeak daukala eskubidea lurrean parkatzeko bekatuak, orduan esan zion elbarridunari: Jaiki zaite, ar zazu zure oea, eta zoaz zure etxera.

        7. Eta jaiki zan, eta joan zan bere etxera.

        8. Eta ikusirik jendeak bildurtu ziran, eta alabatu zuten Jainkoa, eman ziotena alako eskua gizonai.

        9. Eta igaroten zala andikan Jesus, ikusi zuen gizon bat eserita alkian, Matheo eritzana; eta esan zion: Darraidazu. Eta jaikirik jarraitu zion.

        10. Eta gertatu zan zegoala bera eseririk etxean, ona emen non publikano, eta bekatari asko etorririk, zeuden eserita Jesusekin, eta bere ikasleakin.

        11. Eta ikusirik Fariseoak esaten zieten bere ikasleai: Zergatik zuen Erakusleak jaten du publikanoakin, eta bekatariakin?

        12. Eta Jesusek aditurik esan zioten: Ez dute sendatzallearen premiarik ongi daudenak, baizik gaizki daudenak.

        13. Joaten zeratela bada ikasi ezatzute zer dan: Errukia nai det, eta ez eskeñia, zeren ez nintzan etorri deitzera onak, baizik bekatariak.

        14. Orduan alderatu ziraden bera gana Joanen ikasleak, esaten zutela: Zergatik guk, eta Fariseoak barur egiten degu sarri, zure ikasleak ordea ez dute barur egiten?

        15. Eta esan zioten Jesusek: Ezkonberriaren semeak negar egin bai al ditzakete, ezkonberria berekin dan bitartean? Etorriko dirade ordea egunak, kenduko zaiotenak ezkonberria, eta orduan barur egingo dute.

        16. Ez dio berriz iñork paratzen ipinki oial sendokorik jantzi zarrari, zeren kentzen dio bere betetasuna jantziari, eta txarragoa egiten da bere urratua.

        17. Ez dute ere botatzen ardo berria zagi zarretan. Bestela urratzen dira zagiak, eta ardoa isurtzen da, eta zagiak galtzen dirade. Baizik ardo berria zagi berrietan botatzen dute, eta biak diraute.

        18. Oiek esaten zieztela berak, ona emen non agintari bat alderatu zitzaion, eta adoratzen zuen, esaten ziola: Jauna, nere alaba arestian ill da; baña atoz, ipiñi ezazu zure eskua beraren gañean, eta piztuko da.

        19. Eta jaikirik Jesus jarraitzen zion, baita bere ikasleak ere.

        20. Eta ona emen non emakume bat odolaren jarioaren gaitzarekin zegoana amabi urtean, alderatu zitzaion atzetikan, eta ukitu zion bere jantziaren ertzari.

        21. Zeren esaten zuen bere artean: Ukitzen badiot bere jantziari bakarrik izango naiz sendatua.

        22. Eta Jesusek itzulirik eta bera ikusirik, esan zion: itxedon ezazu nere alaba, zure fedeak sendatu zaitu. Eta sendatua izan zan emakumea ordu artatik.

        23. Eta etorri zanean Jesus agintariaren etxera, eta ikusi zituanean txillibitariak eta jende talde naasia otska, esaten zioten:

        24. Alde ezazute, ez da ezen illa neskatxa, baizik lo datza. Eta burlatzen zitzaiozkan.

        25. Eta izan zanean botatua jendetza, sartu zan: eta eldu zion bere eskutik. Eta jaiki zan neskatxa.

        26. Eta barreatu zan ospe au inguru guzi artatik.

        27. Eta igaroten zala andik Jesus, jarraitu zioten bi itsuk ojuka, eta esaten ziotela: Dabiden semea, erruki gaitzazu.

        28. Etorri zanean bada etxera, alderatu zitzaizkan itsuak. Eta esaten diete Jesusek: Sinistzen dezute au egin dizazutekedala? Berak esaten diote: Bai, Jauna.

        29. Orduan ukitu zieten beren begiai, esaten ziela: Egiña izan dakizutela zuen fedearen araura.

        30. Eta idikiak izan ziraden beren begiak, eta zematu zituen Jesusek, esaten ziotela: Begira ez dezala iñork jakin.

        31. Berak berriz irtenik, barreatu zuten inguru guzi artan.

        32. Aterarik berriz itsuak, ona emen non eskeñi zioten gizon bat mutua, demonioa zeukana.

        33. Eta botarik demonioa, itz egin zuen mutuak eta arritu ziraden jende taldeak, ziotela: Egundaño ez da agertu onelakorik Israelen.

        34. Fariseoak ordea esaten zuten: Demonioen agintariagan botatzen ditu demonioak.

        35. Eta inguratzen zituen Jesusek uri ta erri guziak, erakasten beren sinagogetan, eta predikatzen erreinuko ebanjelioa, eta sendatzen gaitz guzia, eta eritasun guzia.

        36. Ikusirik ordea jende taldeak, errukitu zan berakin, zeren zeuden nekatuak, eta etzinak artzairik ez duten ardiak bezela.

        37. Orduan esaten die beren ikasleai: Uzta egiaz asko, langilleak ordea gutxi.

        38. Erregutu zaiozute bada uztaren Jaunari, bialdu ditzala langilleak bere uztara.

AMARGARREN KAPITULUA

Deitzen diote Jesusek amabi Apostoluai; ematen diezte erakatsiak Esaten diote ez zala etorri ekartera pakea, baizik guda Nola aitortu bear duten gizonen aurrean; nola eramango duten bere gurutzea; eta artuko duela berari egiña bezela, besteai bere amorioz egiten zaiotena

        1. Eta deiturik bere amabi ikasleak, eman zioten eskubidea espiritu zikiñen gañean, botatzeko berak, eta sendatzeko miñantze guzia, eta eritasun guzia.

        2. Eta amabi Apostoluen izenak dira oiek. Lenbizikoarena: Simon, Pedro deritzana, eta Andres onen anaia.

        3. Santiago Zebedeorena, eta Juan onen anaia, Felipe eta Bartolome, Tomas eta Mateo publikanoa, Santiago Alfeorena, eta Tadeo.

        4. Simon Kanantarra, eta Judas Iskariote, zeñak saldu ere zuen.

        5. Amabi oiek bialdu zituen Jesusek, agintzen ziotela, esanaz: Jentillen bidera ez zaiteztela joan, eta Samariatarren urietan ez zaiteztela sartu.

        6. Baizik aurrena zoazte Israelko etxeko ardi, galdu ziradenetara.

        7. Joaten zeratela bada predikatu ezazute, esaten dietezutela: Alderatu dala zeruetako erreinua.

        8. Eriak sendatu itzatzute, illak biztu itzatzute, legenardunak garbitu itzatzute, demonioak bota itzatzute, doan artu zenduzten, doan eman itzatzute.

        9. Ez dezazutela iduki zuen menpean urrerik, ez zillarrik, ez dirurik zuen zizkuetan.

        10. Ez zakutorik bidean, ez bi jantzirik, ez oñetakorik, ez bordoerik, zeren langillea bere janariaren diña bada.

        11. Eta edozein urietan, edo errietan sartzen zeratenean, galdetu ezazute, zeiñ dan diña artan: eta an egon zaitezte atera zaitezten bitartean.

        12. Sartzen zeratenean bada etxean, agur egin zaiozute, esaten dezutela: Pakea etxe onetan.

        13. Eta egiaz balitza etxe hura diña, etorriko da zuen pakea beraren gañera; ez balitza ordea diña, zuen pakea itzuliko da zuen gana.

        14. Eta zuek artzen ez zaituzten guziak, eta zuen itzak aditzen ez dituenak, irteten zeratela kanpora etxetik edo uritik astindu ezazute autsa zuen oñetatik.

        15. Egiaz esaten dizutet: igarokarriago izango zitzaio Sodomako, eta Gomorrako erriari atzen juizioko egunean uri hurari baño.

        16. Ona non nik bialtzen zaituztedan ardiak otsoen erdira bezela. Izan zaitezte bada kontuzkoak sugek bezela, eta doblez gabeak usoak bezela.

        17. Gorde zaitezte ordea gizonetatik. Zeren ipiñiko zaituzte beren Erabakilekuetan, eta beren Sinagogetan azotatuak izango zerate.

        18. Eta Eraentzalleak gana, eta erregeak gana eramanak izango zerate neregatik, emateko agiria aiei, eta jentillai.

        19. Eramaten zaituztenean bada, ez ezazute pensatu nola, edo zer itz egingo dezuten; emango zatzute ezen ordu artan, zer itz egingo dezuten.

        20. Zeren ez zerate zuek itz egiten dezutenak, baizik zuen Aitaren Espiritua, itz egiten duena zuek gan.

        21. Eramango du ordea anaiak anaia eriotzara, eta aitak semea, eta jaikiko dirade semeak gurasoen kontra, eta ilerazoko dituzte:

        22. Eta izango zerate gorrotatuak zuek guziok nere izena gatik. Irauten duena ordea atzeneraño, au salbatuko da.

        23. Persegituak zeratenean bada uri onetan, iges zazute beste batera. Egiaz esaten dizutet, ez dituzutela onduko Israelko uriak, datorren arteraño gizonaren semea.

        24. Ez da ikaslea erakuslea baño geiago, ez eta ere morroia bere nagusia baño geiago.

        25. Asko du ikasleak, izatea bere erakuslea bezela, eta morroiak bere nagusia bezela. Baldin etxeko nagusiari Beelzebub deitu bazioten, zenbat geiago bere etxekoai?

        26. Ez zaitezte bada beren beldur izan, zeren ez da gauza ezkutaturik agertua izango ez danik, ez isillik jakingo ez danik.

        27. Esaten dizutedana illunpetan, esan ezazute argitan, eta belarrian aditzen dezutena, predikatu ezazute tellatuen gañean.

        28. Eta gorputza iltzen dutenen, baña anima ezin ill dezaketenen bildur ez zaitezte izan, baizik obeki eta anima eta gorputza infernura bota ditzakeanaren bildur izan zaitezte.

        29. Bi txori ez al dirade saltzen ardit bitan, eta oietatik bat ez da eroriko lurraren gañean zuen aita gabe?

        30. Baita ere zuen buruko ille guziak daude zenbatetuak.

        31. Ez zaitezte bada bildur izan, txori asko baño obeagoak zerate zuek.

        32. Gizonen aurren bada aitortzen nauan guzia, nik ere aitortuko det nere aita zeruetan dagoanaren aurrean.

        33. Ni ukatzen nauena berriz gizonen aurrean, ukatuko det bera ere nik, nere aita, zeruetan dagoanaren aurrean.

        34. Ez dezazutela uste izan etorri nintzala bialtzera pakea lurrera; ez nintzan etorri bialtzera pakea, baizik ezpata.

        35. Zeren etorri nintzan banakatzera gizona bere aitaren kontra, eta alaba bere amaren kontra, eta erraña bere amagiarrabaren kontra.

        36. Eta gizonaren etsaiak, bere etxekoak.

        37. Maitatzen duena aita, edo ama ni baño geiago, ez da nere diña. Eta maitatzen duena semea edo alaba ni baño geiago, ez da nere diña.

        38. Eta artzen ez duena bere gurutzea, eta ez darraidana, ez da nere diña.

        39. Arkitzen duenak bere anima, galduko du, eta galtzen duenak bere anima nere gatik, arkituko du.

        40. Zuek artzen zaituztenak, ni artzen naute, eta ni artzen nauenak, artzen du ni bialdu ninduena.

        41. Artzen duenak profeta profetaren izenean, profetaren saria artuko du, eta artzen duenak justoa justoaren izenean, justoaren saria artuko du.

        42. Eta ematen dion edozeñek edaria txikien oietatik bati edontzi bete ur otz bakarrik ikaslearen izenean, egiaz esaten dizutet, ez du galduko bere saria.

AMAIKAGARREN KAPITULUA

Bialtzen ditu Bautistak bere ikasletatik bi, galdetzera Jaunari, bera ote zan Mesias; eta Jaunak agintzen diote aztertu ditzatela bere egiteak, eta adierazo ditzaizkietela Bautistari Jaunak bere Bidaurrekoa gatik ematen duen agiria Alabatzen du bere Aitaren jakituria, ukatzen zaiotelako arroai, eta agertzen zaiotelako umillai, eta berekin ditualako artuemanak Zirikatzen ditu guziak, bera imitatzera, eta berari jarraitzera

        1. Eta gertatu zan, bukaturik Jesusek, agintzen ziotela bere amabi ikasleai, irago zan andik, erakusteko eta predikatzeko bere errietan.

        2. Juanek ordea aditurik itxian Kristoren egiteak, bialdurik bere ikasletatik bi,

        3. Esan zion: Zu zera etorriko dana, ala besteren bat itxedotzen degu?

        4. Eta erantzunaz Jesusek esan zieten: Joaten zeratela, adierazo zaiozute Joani aditu, eta ikusi dituzutenak.

        5. Itsuak dakuse, errenak dabiltza, legenardunak dirade garbituak, gorrak aditzen dute, illak biztzen dirade, eta beartsuai adierazoten zaiote ebanjelioa.

        6. Eta zorionekoa da gaitz bidea artzen ez duena neregan.

        7. Alde egin zutenean bada berak, asi zan Jesus esaten jende taldeai Joan gatik: Zer ikustera atera zerate eremura? Kañabera aizeak darabillana?

        8. Baña zer ikustera atera zerate? Gizon soñeko biguñakin jantzia? Egunaz soñeko biguñakin jazten diranak erregeen etxeetan daude.

        9. Baña zer ikustera atera zerate? Profeta al? Baita esaten dizutet, profeta baño geiago ere.

        10. Au da ezen zeña gatik eskribatua dan: Ona emen non nik bialtzen dedan nere Aingerua zure arpegiaren aurretik, zeñak prestatuko duen zure bidea zure aurrean.

        11. Egiaz esaten dizutet: Ez da jaiki emakume gandikan gizasemerik, Juan Bautista baño andiagorik, baña zeruetako erreiñuan txikiena dana, andiagoa da hura baño.

        12. Joan Bautistaren egunetatik berriz orain arteraño, zeruetako erreinuari indarra egin bear zaio, eta errutsuak arrapatzen dute.

        13. Zeren, profeta guziak, eta legeak Joaneraño etorkizunen berriak eman zituzten:

        14. Eta nai badezute artu, bera da Elias etorriko dana.

        15. Dituenak belarriak aditzeko, aditu beza.

        16. Zeñaren antzekoa dala berriz usteko det gizon kasta au? Da plazan eseririk dauden mutillen antzekoa, zeintzuek deadar egiñik beren kidekoai,

        17. Esaten diete: Kantatu dizugu, eta ez dezute dantzatu; negar egin degu, eta ez zerate adiakatu.

        18. Zeren etorri zan Juan ez zuela jaten, ez edaten, eta esaten dute: Demonioa dauka.

        19. Etorri zan gizonaren semea jaten zuela, eta edaten zuela, eta esaten dute: Ona emen gizon tripazaia, eta ardo edalea, publikanoen, eta bekatarien adiskidea. Eta jakituria izan da bere semeak egiztatua.

        20. Orduan asi zan arpegian ematen, beren mirari asko egiñak izandu ziran uriai, etzutelako egin penitenziarik.

        21. Ai zure zorigaiztokoa Korozain! Ai zure zorigaiztokoa Bethsaida! Zeren, baldin Tiron eta Sidonen egiñak izan balirade, zuekgan egiñak izandu diran mirariak, aspaldi zurdatzean, eta autzean penitenzia egingo zuten.

        22. Beragatik esaten dizutet: Tironi, eta Sidoni biguñago izango zaiotela atzen juizioko egunean, zuei baño.

        23. Eta zu Kafarnaum, zeruraño jasoa izango bai al zera? infernuraño jatsiko zera. Zeren, baldin Sodoman egiñak izan balira, zugan egiñak izan diran mirariak, aurki iraungo zuten egun onetaraño.

        24. Beragatik esaten dizutet, Sodomako erriari biguñago izango zaiola atzen juizioko egunean, zuri baño.

        25. Denbora artan erantzunik Jesusek, esan zuen: Eskerrak ematen dizkizut, Aita, zeruko eta lurreko Jauna, ezkutatu dizkiezulako oiek jakintsuai, eta begiratuai, eta agertu dizkiezulako txikitxoai.

        26. Ala Aita, bada onela oniritzi zan zure begietan.

        27. Gauza guziak izandu zaizkit nere Aitak emanak. Eta iñork ez du ezagutzen semea, baizik Aitak; ez du ere iñork ezagutzen aita, baizik semeak, eta semeak agertu nai diotenak.

        28. Etorri zaitezte niregana, nekatuak eta zamatuak zaudeten guziak, eta nik gozatuko zaituztet.

        29. Erabilli ezazute nere uztarria zuen gañean, eta ikasi ezazute neregandik, ze beraa naizan, eta biotz umilla, eta arkituko dezuten atsedena zuen animentzat.

        30. Zeren nere uztarria leuna da, eta nere zama ariña.

AMABIGARREN KAPITULUA

Fariseoak gaizki esaten dute Jesusen ikasleak gatik, atxitutzen zituztelako galburuak larunbatean, eta Jaunak itz egiten du beren alde Sendatzen du larunbatean eskutxangu bat, onela adierazoten zuela larunbatean ere lagun urkoari mesede egin lezakeokela Sendatzen du gaizkindun itsu, eta mutu bat Eskatzen ziotenai mirari bat egiteko bere lanbidearen ezagungarritzat, erantzuten diote, bere piztuera berri Jonasgan iruditua izango zala eskatzen zuten ezagungarria Erakusten du, bere Aitaren borondatea egiten dutenak, izango dirala bere anaiak, adiskideak, eta aideak

        1. Denbora artan joan zan Jesus gari artetik larunbatean; bere ikasleak berriz gose izanik asi ziran ebakitzen galburuak, eta jaten.

        2. Eta Fariseoak ikusirik esan zioten: Begira ezazu nola zure ikasleak egiten duten zillegi ez dana egitea larunbatetan.

        3. Eta berak esan zioten: Ez al dezute irakurri zer egin zuen Dabidek, gose izan zanean, eta berarekin zeudenak?

        4. Nola sartu zan Jaungoikoaren etxean, eta jan zituen ogi eskeñiak, zeintzuek jatea ez zitzaion zillegi berari, ez berarekin zeudenai, baizik bakarrik Sazerdoteai?

        5. Edo ez dezute irakurri legean, larunbatetan Sazerdoteak elizan larunbata ausitzen dutela, eta bekatu gabe daudela?

        6. Esaten dizutet bada, eliza baño andiagoa da emen.

        7. Baldin bada bazenekizute zer dan: Errukia nai det, eta ez eskeñia, ez zeñituzten egundaño kondenatuko obenik gabeak.

        8. Jauna ezen da gizonaren semea, larunbatarena ere.

        9. Eta andik igarorik, etorri zan beren Sinagogara.

        10. Eta ona emen gizon bat esku txangua zuena, eta galdetzen zioten esaten ziotela: Ote da zillegi larunbatetan sendatzea? Salatzea gatik bera.

        11. Berak berriz esan zioten: Zein izango da zuetatik gizona, duena ardi bat, eta eroriko balitza au larunbatetan zulo batera, ez al dio elduko, eta ez al du aterako?

        12. Zenbat geiago obea ez da gizona ardia baño? Ala bada zillegi da larunbatetan on egitea.

        13. Orduan esan zion gizonari: Luzatu ezazu zure eskua. Eta luzatu zuen, eta izandu zitzaion jarria sendatuta bestea bezela.

        14. Irteten zutela ordea Fariseoak, batzarrea egin zuten bere kontra, nola galduko ote zuten.

        15. Jesusek ordea jakiñik, alde egin zuen andik, eta jarraitu zioten askok, eta sendatu zituen oiek guziak.

        16. Eta agindu zioten, ez zezatela bera agertu.

        17. Betea izan zedin, esana izan zana Isaias profetaren bitartez, zeñak esaten duen:

        18. Ona emen neure serbitzari, autu nuena, nere maitea, zeñagan ongi gozatu zan nere anima. Ipiñiko det nere espiritua bere gañean, eta zuzentasuna jentillai adierazoko diote.

        19. Ez da leiatuko, ez du ere ojurik egingo, ez ere iñork adituko karriketan bere boza.

        20. Kañabera kirrikatua ez du ausiko, eta kea darian linoa ez du itzaliko, alik eta bota dezan bitartean garaitzara zuzentasuna.

        21. Eta bere izenean jentillak itxedongo dute.

        22. Orduan eskeñia izan zitzaion demonioa zeukan bat, itsua eta mutua, eta sendatu zuen alako modutan, non itz egiten zuen, eta ikusten zuen.

        23. Eta kordegabetzen ziran jende talde guziak, eta esaten zuten: Dabiden semea bai al da?

        24. Fariseoak ordea aditurik, esan zuten: Onek ez ditu botatzen demonioak, Beelzebub demonioen agintariagan baizik.

        25. Jesusek berriz jakiñik beren gogorazioak, esan zioten: Bere kontra berezitutako erreinu guzia, izango da soilldua, eta bere kontra berezitutako uri edo etxe guziak, ez du iraungo.

        26. Eta baldin Satanasek Satanas botatzen badu, bere kontra berezitua da, nola bada iraungo du bere erreinuak?

        27. Eta baldin nik Beelzebubgan botatzen baditut demonioak, zuen semeak zeñagan botatzen dituzte? Argatik berak zuen juzgatzaleak izango dira.

        28. Baldin bada nik Jaungoikoaren espirituan botatzen baditut demonioak, allegatu bide da zuekgana Jainkoaren erreinua.

        29. Edo nola norbait sartu diteke sendoaren etxean, eta dituenak arrapatu, baldin aurrena lotzen ez badu sendoa? Eta orduan bere etxeko gauzak arrapatuko diozka.

        30. Nerekin ez dana nere kontra da, eta nerekin biltzen ari ez dana, barreatzen ari da.

        31. Beragatik esaten dizutet: Pekatu eta ernegu guzia barkatua izango zaiote gizonai, baña espirituaren ernegua, ez da izango barkatua.

        32. Eta edozeñek esaten badu itza gizonaren semearen kontra, barkatua izango zaio; baña esaten duenari Espiritu Santuaren kontra, ez zaio barkatuko ez gizaldi onetan, ez gerokoan.

        33. Edo egin ezazute arbola ona, eta bere frutua ona; edo egin ezazute arbola gaiztoa, eta bere frutua gaiztoa; zeren frututik arbola da ezagutua.

        34. Ziraun arrazak, nola ditzatzukete itz onak esan, izanik zuek gaiztoak? Zeren aoak itz egiten du biotzaren ugaritasunetik.

        35. Gizon onak gordallu onetik ateratzen ditu gauza onak, eta gizon gaiztoak gordallu gaiztotik ateratzen ditu gauza gaiztoak.

        36. Esaten dizutet bada, gizonak emango dutela atzen juizioko egunean, esaten dituzten itz alfer guziaren kontua.

        37. Zure itzetatik ezen izango zera ontzat emana, eta zure itzetatik izango zera kondenatua.

        38. Orduan erantzun zioten Eskribaetatik, eta Fariseoetatik batzuek, esaten ziotela: Erakuslea, nai degu zugandik siñalea ikusi.

        39. Berak erantzunaz esan zioten: Gizon kasta gaizto, ta naaslari onek siñalea billatzen du, eta siñalerik ez zaio emana izango, Jonas profetaren siñalea baizik.

        40. Zeren nola egon zan Jonas balearen sabelean iru egunean, eta iru gauean; ala egongo da gizonaren semea lurraren biotzean, iru egunean, eta iru gauean.

        41. Ninibetar gizonak jaikiko dira atzen juizioan gizon kasta onekin, eta kondenatuko dute, zeren penitenzia egin zuten Jonasen predikazioan. Eta ona Jonas baño geiago emen.

        42. Egoe aldeko erregiña jaikiko da atzen juizioan gizon kasta onekin, eta kondenatuko dute, zeren etorri zan larraren atzen mugetatik aditzera Salomonen jakinduria, eta ona Salomon baño geiago emen.

        43. Ateratzen danean bada espiritu zikiña gizonagandik, dabil toki leorretatik, billatzen atsedena, eta ez du arkitzen.

        44. Orduan esaten du: itzuliko naiz nere etxera, nondik atera nintzan. Eta etorririk arkitzen du ustua, erratzakin garbitua, eta apaindua.

        45. Orduan dijoa, eta artzen ditu berarekin beste zazpi espiritu bera baño gaiztoagoak, eta sarturik bizi dira an, eta egiñak dirade gizon huraren atzenak, lengoak baño gaiztoagoak. Ala gertatuko zaio gizon arraza txit gaizto oni ere.

        46. Oraindikan izketan ari zala bera jende taldeai, ona emen non bere ama, eta anaiak zeuden kanpoan, nai ziotela berari itz egin.

        47. Eta esan zion batek: Ona emen non zure ama, eta zure anaiak kanpoan daude, billatzen zaituztela.

        48. Eta berak erantzunaz itz egin zionari, esan zion: Zein da nere ama; eta zeintzuek dirade nere anaiak?

        49. Eta luzaturik eskua bere ikasleak gana, esan zuen: Ona emen nere ama, ta nere anaiak.

        50. Zeren nere Aita zeruetan dagoanaren borondatea egiten duen edozein, orishe nere anaia, eta arreba, eta ama da.

AMAIRUGARREN KAPITULUA

Ipintzen dizkiote Jaunak irudintza batzuek, ereintzallearena; nekazariarena; mostaza alearena; legamiarena; gordallu ezkutuarena; merkatari, perla balio andikoen billa dabillenarena; itsasoan botatzen dan sarearena, eta Jaunak berak azaldatzen ditu geienak Dijoa predikatzera Nazareth bere urira, eta urikoak gaitzbidea artzen dute

        1. Egun artan aterarik Jesus etxetik, zegoan eseririk itsas bazterrean.

        2. Eta bildu ziran beragana jende talde asko, alako modutan ezik igorik ontzitxora eseri zan, eta jende talde guzia zegoan itsas bazterrean.

        3. Eta esan zizkioten asko gauza idurintzetan, esaten zuela: Ona emen non atera zan ereintzen duena, ereintzera.

        4. Eta ereintzen ari dala, batzuek erori ziran bidearen ondoan, eta etorri ziraden zeruko egaztiak, eta jan zituzten.

        5. Beste batzuek berriz erori ziran arritzan, non ez zeukaten lur asko, eta bereala erne ziran, ez zutelako lur sakonik.

        6. Baña aterarik eguzkia, berotu ziran, eta nola ez zuten sustrairik, legortu ziran.

        7. Beste batzuek berriz erori ziran arantzadietan, eta azi ziran arantzak, eta ito zituzten.

        8. Beste batzuk berriz erori ziran lur onean, eta ematen zuten frutua, batak eunka, besteak irur ogeika, besteak ogeita amarka.

        9. Dauzkanak belarriak aditzeko, aditu beza.

        10. Eta alderaturik ikasleak esan zioten: Zergatik idurintzetan itz egiten diozute?

        11. Berak erantzunaz, esan zioten: Zeren zuei emana zazute ezagutzea zeruetako ezkutapenak, aiei ordea ez zaiote emana.

        12. Zeren duenari emango zaio, eta izango du ugariago, ez duenari ordea, duena ere kenduko zaio.

        13. Orregatik irudipenetan itz egiten diotet, zeren dakustela, ez dute ikusten, eta entzuten dutela, ez dute entzuten, ez aditzen.

        14. Eta betea da berak gan Isaiasen profezia, esaten duenarena: Belarriarekin entzungo dezute, eta ez dezute adituko, eta ikusten dezutela, ikusiko dezute, eta ez dezute ikusiko.

        15. Gizendu da ezen erri onen biotza, eta belarriakin astun aditu zuten, eta beren begiak itxi zituzten; alabearrez ikusi ez dezaten begietatik, eta entzun ez dezaten belarrietatik, eta biotzez ez dezaten aditu, eta itzuli ez ditezten, eta sendatu ez ditzadan.

        16. Zuen begiak ordea doatsuak, ikusten dutelako, eta zuen belarriak aditzen dutelako.

        17. Zeren egiaz esaten dizutet, asko profetak, eta santuk nai izan zituztela ikusi zuek ikusten dituzutenak, eta ez zituzten ikusi, eta aditu zuek aditzen dituzutenak, eta ez zituzten aditu.

        18. Zuek bada aditu ezazute ereinlariaren irudipena.

        19. Erreiñuko itza entzun, eta aditzen ez duen guzia, dator gaiztoa, eta arrapatzen du bere biotzean ereiña izandu zana, au da bidearen ondoan ereiña izandu zana.

        20. Arri artean ordea ereiña izan zana, au da, aditzen duena itza, eta bereala pozarekin artzen du.

        21. Ez dauka ordea beragan sustrairik, baizik da iraute gutxikoa. Izanik berriz egiña naigabea, eta persekuzioa itza gatik, bereala artzen du gaitz bidea.

        22. Arantza artean ereiña izandu zana berriz, au da, aditzen duena itza, eta mundu onetako ajolak, eta aberastasunen engaiñoak itotzen du, eta frutu gabea egiten da.

        23. Lur onean ereiña izandu zana berriz, au da, entzuten duena itza, eta aditzen duena, eta frutua dakarrena; eta egiten du batak egiaz eunka, besteak ordea irurogeika, besteak berriz ogeita amarka.

        24. Beste iduripen bat adierazo zioten, esaten ziotela: Zeruetako erreiñua da egiña, gizon baten antzekoa, zeñak erein zuen azi ona bere kanpoan.

        25. Eta gizonak lotan zeudela, etorri zan beren etsaia, eta erein zuen gañetik lolloa gariaren erdian, eta joan zan.

        26. Azi zanean bada belarra, eta egiñik frutua, orduan agertu ziran lolloak ere.

        27. Alderaturik bada etxeko jaunaren morroiak, esan zioten: Jauna, ez al zenuen ereiñ azi ona zure kanpoan? Nondik bada du lolloa?

        28. Eta esan zioten: Gizon etsaiak au egin du. Morroiak berriz esan zioten: Nai dezu goazen, eta bildu ditzagun?

        29. Eta esan zuen: Ez, ustekabean biltzen dituzutela lolloak, atera ez dezazuten berekin batean garia ere.

        30. Utzi zaiozute biai azitzen galebateko denboraraño, eta galebateko denboran esango diotet galebakitzalleai: Bildu itzatzute lenengo lolloak, eta lotu itzatzute eskumenetan erretzeko, garia ordea bildu ezazute nere aletokirako.

        31. Beste iduripen bat adierazo zioten, esaten ziela: Zeruetako erreiñua da mostaza alearen antzekoa, zein arturik gizonak erein zuen bere kanpoan.

        32. Zein egiaz da azi guzietatik txikiena; azitzen danean berriz, da barazki guzien artean aundiena, eta egiña izaten da arbola, alako eratan non, zeruko egaztiak etortzen dirade, eta egiten dituzte kabiak bere adarretan.

        33. Beste irudipen bat esan zioten: Zeruetako erreinua da legamiaren antzekoa, zein arturik emakumeak, ezkutatzen duen iru neurri iriñetan, alik eta guzia legamiatua dan bitartean.

        34. Oiek guziak esan zieten Jesusek irudipenetan jende taldeai, eta irudipenetan baizik, ez zioten itz egiten.

        35. Betea izan zedin esana izan zana profetaren bitartez, zeñak esaten duen: idikiko det irudipenetan nere aoa, adierazoko ditut ezkutatuak munduaren asipenetik.

        36. Orduan utzirik jende taldeak, etorri zan etxera, eta alderatu zitzaizkan bere ikasleak, esaten ziotela: Azaldu diezaguzu kanpoko lolloen irudipena.

        37. Berak erantzunaz esan zioten: Azi ona ereintzen duena, da gizonaren semea.

        38. Kanpoa berriz da mundua. Azi ona berriz, oiek dira erreiñuko semeak. Eta lolloak seme gaiztoak da.

        39. Eta berak erein zituan etsaia, da deabrua. Ebakitzeko denbora berriz, munduaren bukaera da. Ebakitzalleak berriz, Aingeruak dirade.

        40. Nola bada bilduak diran lolloak, eta sutan erreak, ala izango da munduaren bukaeran.

        41. Bialduko ditu gizonaren semeak bere Aingeruak, eta bilduko dituzte bere erreiñutik gaitzbide guziak, eta gaiztakeria egiten dutenak.

        42. Eta bialduko dituzte suzko labera. An izango da negarra, eta ortz garraskotsa.

        43. Orduan justoak distiatuko dute eguzkiak bezela beren Aitaren erreinuan. Belarriak dituanak aditzeko, aditu beza.

        44. Zeruetako erreiñua da kanpoan ezkutatua dan gordalluaren antzekoa, zein arkitzen duen gizonak, gordetzen du, eta huraren pozarekin badijoa, eta saltzen ditu dauzkan gauza guztiak, eta erosten du kanpo hura.

        45. Berriz zeruetako erreiñua da, gizon merkatari, perla onak billatzen dituenaren antzekoa.

        46. Arkiturik berriz perla balio aundiko bat, joan zan, eta saldu zituen zeuzkan gauza guziak, eta erosi zuen hura.

        47. Berriz zeruetako erreiñua da, itsasoan botatako sare, eta arrai mota guziak biltzen dituenaren antzekoa.

        48. Zein betea izan ezkero, aterarik, eta itsas bazterrean eseririk, autu zituzten onak ontzietarako, txarrak ordea kanpora bialdu zituzten.

        49. Onela izango da munduaren bukaeran; aterako dira Aingeruak, eta berezituko dituzte gaiztoak onen erditikan,

        50. Eta bialduko dituzte suzko labera; an izango da negarra, eta ortzen garraskotsa.

        51. Aditu dituzute oiek guziak? Esaten diote: Bai.

        52. Esaten diete: Orregatik zeruetako erreiñuan Eskriba jakintsu guzia da, gizon etxeko nagusi, bere gordallutik berriak eta zarrak ateraten dituanaren antzekoa.

        53. Eta gertatu zan, bukaturik Jesusek iduripen oiek, joan zan andik.

        54. Eta etorririk bere errira, ematen zizkioten erakutsiak beren sinagogetan, alako modutan non, arritzen ziran, eta esaten zuten: Nondik oni jakinduria au, eta mirariak?

        55. Ez al da au arotzaren semea? Bere amari ez al deritza Maria, eta bere anaiak Santiago, eta Jose, eta Simon, eta Judas;

        56. Eta bere arrebak, ez al daude guziak gure artean? Nondik bada oni gauza guzti oiek?

        57. Eta gaitzbidea artzen zuten beragan. Jesusek berriz esan zioten: Ez da profetarik honratua ez danik, baizik bere errian, eta bere etxean.

        58. Eta ez zituen egin an asko mirari, beren sinisgogortasuna gatik.

AMALAUGARREN KAPITULUA

Bautistaren eriotza Kristok eremuan ematen dio jaten erriko jende talde bati bost ogi eta bi arrairekin Itsasoko ekaitz baten badijoa bere ikasleak ganontz zebillala uren gañean, eta San Pedro ere zetorrela beraganontz beren gañetik arkitzen da ondatzeko arriskuan fedea faltatu zitzaiolako

        1. Denbora artan aditu zuen Herodes Tetrarkak Jesusen otspea.

        2. Eta esan zioten beren morroiai: Au da Joan Bautista; bera piztu zan illen artetik, eta orregatik birtuteak ari dirade lanbidean beragan.

        3. Herodesek ezen arrapatu zuen Joan, eta lotu zuen, eta ipiñi zuen itxian, Herodias bere anaiaren emaztea gatik.

        4. Zeren esaten zion Joanek: Ez dezu zillegi hura idukitzea.

        5. Eta il nairirk Joan, erriaren beldur zan, zeren profeta bezela zeukaten.

        6. Herodesen jaiotza egunean bada, dantzatu zan Herodiasen alaba erdian, eta oniritzi zitzaion Herodesi.

        7. Orregatik juramentuarekin eskeñi zion ematea eskatzen zion edozeñ gauza.

        8. Eta berak, izanik amak gaztigatua: indazu esan zion, emen plateran Joan Bautistaren burua.

        9. Eta itundu zan errege: juramentua gatik ordea eta berarekin maiean eserita zeudenak gatik, agindu zuen emana izan zekiola.

        10. Eta bialdu zituen, eta lepoa ebaki zion Joani presoindegian.

        11. Eta ekarria izan zan bere burua plateran, eta emana izan zitzaion neskatxari, eta onek ekarri zion bere amari.

        12. Eta etorririk bere ikasleak, artu zuten bere gorputza, eta lurpetu zuten, eta etorririk adierazo zioten Jesusi.

        13. Au aditu zuenean Jesusek, alde egin zuen andik batelan toki bakar urrutiko batera, eta aditurik jende taldeak, jarraitu zioten oñaz urietatik.

        14. Eta irten zanean, ikusi zuen jende talde aundi bat, eta errukitu zitzaizkan, eta sendatu zituen beren eriak.

        15. Etorririk ordea arratsaldea, alderatu zitzaizkan bere ikasleak, esaten ziotela: Tokia eremua da, eta ordua onezkero iragoa; utzi itzatzu jende taldeak, joanik errietara, erosi dezaten janaria.

        16. Eta Jesusek esan zioten: Ez dute joanaren premiarik; eman zaiozute zuek jaten.

        17. Erantzun zioten: Ez degu emen, bost ogi, eta bi arrai baizik.

        18. Jesusek esan zioten: Ekarri dietzadatzute onara.

        19. Eta agindurik jende taldeai eseri ziteztela belarraren gañean, arturik bost ogiak, eta bi arraiak, begiraturik zerua, bedeinkatu zituen, txikitu zituen, eta eman ziozkaten ikasleai ogiak, eta ikasleak jende taldeai.

        20. Eta jan zuten guztiak, eta ase ziran. Eta bildu zituzten puskak, amabi otarra zatiz beteak.

        21. Jan zutenak berriz ziran, bost milla gizon, emakumeak eta aurrak gabe.

        22. Eta bereala igoerazo zioten Jesusek ikasleai ontzitxora, eta joan erazo zieten bere aurretik itsas beste aldera, bialtzen zituen arte jende taldeak.

        23. Eta bialdurik jende taldea, igo zan mendira bakarrik erregu egitera. Eta gaua egiñik, bakarrik zegoan an.

        24. Ontzitxoari berriz itsasoaren erdian bazirauntzen bagak, zeren zan aizea kontrakoa.

        25. Gauaren laugarren belan bada, etorri zan Jesus berakgana zebillala uraen gañean.

        26. Eta ikusi zutenean bera itsasoaren gañean zebillala, arritu ziran, esaten zutela: Zomorrua dala. Eta bildurturik asi ziran ojuka.

        27. Eta bereala Jesusek itz egin zioten, esaten ziotela: iduki ezazute itxedopena; ni naiz, ez zaitezte beldur izan.

        28. Erantzunaz berriz Pedrok, esan zion: Jauna, zu bazera agindu diezadazu zure gana etorri nadilla uren gañean.

        29. Eta berak esan zion: Atoz. Eta jatsirik Pedro ontzitxotik zebillan uren gañean etorteko Jesus gana.

        30. Ikusirik berriz aize sendoa, beldurtu zan, eta nola asi zan ondatzen, deadar egin zuen esaten zuela: Jauna gorde nazazu.

        31. Eta bereala Jesusek luzatzen ziola eskua, eldu zion, eta esan zion: Fede gutxikoa, zertako zalanzatu zera?

        32. Eta igo zutenean ontzitxora, gelditu zan aizea.

        33. Ontzitxoan zeudenak berriz, etorri ziran, eta adoratu zuten, esaten zutela: Egiaz Jaungoikoaren semea zera.

        34. Eta igaro ziranean itsas beste aldera, etorri ziran Jenesar errira.

        35. Eta ezagutu zutenean erri atako gizonak, bialdu zituzten inguru guzi atara, eta eskeñi zizkioten gaxo ziran guztiak.

        36. Eta erregutzen zioten, utzi zezatela ukitzen bere jantziaren ertza bederik. Eta ukitu zioten guziak, sendatuak izan ziran.

AMABOSTGARREN KAPITULUA

Eskribak eta Fariseoak gaizki esaten dute Jaunaren ikasleak gatik, esertzen ziralako maiean jateko, lenago eskuak garbitu gabe Jaunak itz egiten du oien alde Sendatzen du Kanaantar emakumearen alaba, huraren fede andiaren señaleak ematen dituanarena Ematen dio berriz jaten eremuan jende talde andi bati zazpi ogi, ta arrai batzuekin

        1. Orduan alderatu ziran beragana Jerusalendik Eskribak, eta Fariseoak, esaten zutela:

        2. Zergatik zure ikasleak autsiten dituzte aurrekoetatik etorrita dauzkagun oitura onak? Ez dituzte ezen garbitzen eskuak ogia jaten dutenean.

        3. Berak ordea erantzunaz esan zioten: Zergatik zuek ere autsiten dezute Jaungoikoaren agintea zuen oitura gatik? Zeren Jaungoikoak esan zuen:

        4. Honratu ezazu aita, eta ama. Eta: Madarikatzen duena aita edo ama, eriotzarekin il bedi.

        5. Zuek ordea esaten dezute: Esaten dion edozeñek aitari edo amari: Nik eskeintzen dedan edozein emaitzak zuri on egingo dizu:

        6. Eta ez du honratuko bere aita edo bere ama, eta alferra egin dezute Jaungoikoaren agintea zuen oitura gatik.

        7. Ongezurrak, ongi lenagotik adierazo zuen zuekgatik Isaiasek, esaten zuela:

        8. Erri onek ezpañakin honratzen nu: bere biotza ordea urruti da neregandik.

        9. Alferrik bada honratzen naute, erakusten dituztela gizonen erakutsi, eta aginteak.

        10. Eta deiturik beregana jende taldeai esan zioten: Entzun eta aditu ezazute.

        11. Aoan sartzen danak ez du zikintzen gizona, baizik ateratzen danak aotik, onek zikintzen du gizona.

        12. Orduan alderaturik bere ikasleak, esan zioten: Badakizu Fariseoak aditurik itz au, gaitzbidea artu dutela?

        13. Eta berak erantzunik esan zioten: Nere Aita zerukoak landatu ez duen landare guztia, izango da sustraietik aterea.

        14. Utzi zaiozute, itsuak dira, eta itsuen gialariak. Itsuak berriz itsua zuzentzen badu, biak zulora erorten dirade.

        15. Eta erantzunaz Pedrok esan zion: Azaldu diezaguzu irudipen au.

        16. Eta berak esan zion: Oraindikan zuek ere adimentu gabe zerate?

        17. Ez al dezute aditzen, aoan sartzen dan guzia, sabelera dijoala, eta toki ezkutura botatzen dala?

        18. Aotik ateratzen diradenak ordea, biotzetik ateratzen dira, eta oiek zikintzen dute gizona:

        19. Biotzetik ezen ateratzen dirade gogorazio gaiztoak, gizon iltzeak, besteren emazterekin gozatzeak, aragizko bekatuak, lapurretak, gezurrezko asmazioak, erneguak.

        20. Oiek dira gizona zikintzen dutenak. Eskuak garbitu gabe jateak berriz, ez du zikintzen gizona.

        21. Eta aterarik andik Jesus, alde egin zuen Tiroko, eta Sidongo tokietara.

        22. Eta ona emen andre Kanaantar batek, muga aietatik ateraak, deadar egiten zuen, esaten ziola: Erruki nazazu Jauna Dabiden semea, nere alaba gaizki demonioak oñazetua da.

        23. Berak ez zion erantzun itzik. Eta alderaturik bere ikasleak erregututzen zioten, esaten ziotela: Bialdu ezazu, zeren deadarrez dator gure ondoren.

        24. Berak berriz erantzunaz esan zuen: Ez naiz izan bialdua, Israelko etxeko ardi galdu ziranetara baizik.

        25. Baña emakumea etorri zan, eta gurtu zitzaizkan, esaten ziola: Jauna, balia zatzakit.

        26. Berak erantzunaz esan zion: Ez da ongi artzea semeen ogia, eta ematea txakurrai.

        27. Eta emakumeak esan zion: Ala da Jauna, baña txakurtxoak ere jaten dituzte beren nagusien maietik eroitzen diran ogi apurrak.

        28. Orduan erantzunaz Jesusek esan zion: O andrea, andia da zure fedea, egiña izan dakizula nai dezun bezela. Eta sendatua izan zan bere alaba ordu artatik.

        29. Eta aterarik andik Jesus, etorri zan Galileako itsas bazterrera, eta igorik mendira zegoan eserita an.

        30. Eta alderatu ziran beragana asko jende talde, zituztenak berakin mutuak, itsuak, errenak, eskutxangoak, eta beste asko, eta bota zituzten bere oñetara, eta sendatu zituen:

        31. Alako modutan non jende taldeak arritzen ziran ikusirik mutuak izketan, errenak zebiltzala, itsuak ikusten zutela, eta alabetan zuten Israelko Jaungoikoa.

        32. Jesusek berriz otsegiñik bere ikasleai, esan zioten: Jende taldearen erruki naiz, zeren onezkero iru egun dira nerekin daudela, eta ez dute zer janik, eta ez ditut nai bialdu barurik desmaiatu ez ditezen bidean.

        33. Eta diote ikasleak: Nondik bada arkitu genzake eremuan ainbeste ogi, asetzeko jende talde ain andia?

        34. Eta esaten diote Jesusek: Zenbat ogi dituzute? Eta berak esan zioten: Zazpi, eta arraitxo gutxi batzuek.

        35. Eta agindu zion jende taldeari, etzin ziteztela lurraren gañean.

        36. Eta arturik zazpi ogiak, eta arraiak, eta eskerrak emanik, txikitu zituen, eta eman ziezten bere ikasleai, eta ikasleak eman zizkioten erriari.

        37. Eta jan zuten guziak, eta ase ziran. Eta gelditu zana pusketatik, bildu zituzten zazpi otarra beteak.

        38. Ziran berriz jan zutenak, lau milla gizon, aurrak, eta emakumeak gabe.

        39. Eta bialdurik jende taldea, igo zan ontzitxora, eta etorri zan Majedango mugetara.

AMASEIGARREN KAPITULUA

Fariseoak berriz eskatzen diote Jaunari egin dezala mirari bat, eta berak erantzuten diote len bezela Kontuan ipintzen ditu ikasleak, gorde ditezten beren erakutsietatik San Pedrok egiten du Jesukristoren Jaungoikotasunaren aitormen agiri bat, eta beraren ordañean eskeintzen dio Jaunak, izango dala bere elizaren zimendarria Adierazotzen du bere eriotzaren ezkutapena, eta erriertan egiten dio Pedrori, jarkitzen zaiolako Nola bakoitzak eraman bear duen bere gurutzea

        1. Eta alderatu ziran, beragana Fariseoak, eta Sadduzeoak tentatzen zutela, eta erregutu zioten, ikusgarria zerutik erakutsi ziotzatela.

        2. Eta berak erantzunik esan zioten: Arratsaldean esaten dezute: Egualdi ona izango da, gorria da ezen zerua.

        3. Eta goizean gaur ekaitza, zeren osgorritua da zeru goibela.

        4. Zeruaren arpegia bada ezagutzen badakizute, eta denboren siñaleak ezin ditzakezute jakin? Kasta gaizto eta siniste gabeko onek ikusgarria billatzen du, eta ikusgarririk ez zaio emango, baizik Jonas profetaren ikusgarria. Eta utzirik berak, joan zan.

        5. Eta etorri ziranean bere ikasleak beste erriberara, aztu zitzaioten ogiak artzea.

        6. Berak esan zioten: Begira ezazute, eta gorde zaitezte Fariseoen, eta Sadduzeoen legamitik.

        7. Eta ikasleak pensatzen zuten beren artean, esaten zutela: Zeren ogiak artu ez ditugu.

        8. Jakiñik bada Jesusek esan zioten: Zer pensatzen dezute zuen barrenetan fede gutxikoak, ogiak ez dauzkazutela?

        9. Ez al dezute aditzen, eta ez al zerate oroitzen bost ogirekin bost milla gizonentzat, eta zenbat saski bildu zinduzten?

        10. Ez eta ere zazpi ogirekin lau milla gizonentzat, eta zenbat otarre bildu zinduzten?

        11. Zergatik ez dezute aditu, ez dezutedala ogia gatik esan: gorde zaiteztela Fariseoen eta Sadduzeoen legamitikan?

        12. Orduan aditu zuten ez zuela esan gordetzeko ogien legamiatik, baizik Fariseoen, eta Sadduzeoen erakutsitik.

        13. Etorri zan bada Jesus Zesarea Filiporen aldeetarontz, eta galdetzen zioten bere ikasleai, esaten ziotela: Nor diote gizonak dala gizonaren semea?

        14. Eta berak esan zuten: Batzuek dala Juan Bautista, besteak berriz Elias, besteak ordea Jeremias, edo profetetatik bat.

        15. Esaten diote Jesusek: Zuek berriz nor naizala ni diozute?

        16. Erantzunaz Simon Pedrok esan zuen: Zu zera Kristo, Jaungoiko biziaren semea.

        17. Erantzunaz bada Jesusek, esan zion: Zorionekoa zara Simon Joanen semea, zeren aragiak eta odolak ez dizu argitu, baizik nere Aita zeruetan dagoanak.

        18. Eta nik esaten dizut, zu zerala Pedro, eta arri onen gañean jasoko det nere Eliza, eta infernuko ateak ez dute izango kemen geiago bere kontra.

        19. Eta zuri emango dizkizut Zeruetako erreinuko giltzak. Eta lurraren gañean lotzen dezun edozein gauza, izango da lotua zeruan ere, eta lurraren gañean askatzen dezun edozein gauza, izango da askatua zeruan ere.

        20. Orduan agindu zioten bere ikasleai ez zaiotela iñori esan bera zala Kristoa.

        21. Ordutik asi zan Jesus adierazoten bere ikasleai, bearra zala bera joatea Jerusalena, eta asko sufritu bear zuela zarrak gandik, eta Eskribak gandik, eta Apaizen buruak gandik, eta izandu bear zuela illa, eta irugarren egunean biztuko zala.

        22. Eta arturik Jesus Pedrok bakarrean, asi zitzaion erriertan egiten, esaten ziola: Urrutitik au zugandik, Jauna, ez da gertatuko au zurekin.

        23. Bera itzulirik esan zion Pedrori: Ken zakizkit aurretikan, Satanas, gaitzbidea ematen didazu, zeren ez dituzu aditzen Jainkoarenak diraden gauzak, baizik gizonenak diradenak.

        24. Orduan Jesusek esan zioten bere ikasleai: iñork nai badu nere ondoren etorri, uka beza bere burua, eta artu beza bere gurutzea, eta jarraitu bizait.

        25. Zeren nai duenak bere anima salbatu, galduko du. Galtzen duenak ordea bere anima neregatik, arkituko du.

        26. Zer balio dio ezen gizonari, baldin mundu guzia irabazten badu, bere animari ordea kalte egiten badio? Edo zer ordain emango du gizonak bere anima gatik?

        27. Zeren gizonaren semea etorriko da bere Aitaren glorian bere Aingeruakin, eta orduan emango dio bakoitzari bere egiteen araura.

        28. Egiaz esaten dizutet, badirade batzuek emen daudenetatik, ez dutenak gustatuko eriotza, alik eta ikusi dezaten artean gizonaren semea datorrela bere erreinoan.

AMAZAZPIGARREN KAPITULUA

Jaunaren bestiruditzea Sendatzen du gaizkindun bat Pagatzen dio petxa Zesarri, erakusten duela onela, Zesarri eman bear zaiola, Zesarrena dana

        1. Eta sei egunen ondoren artu zituen Jesusek Pedro, eta Santiago, eta Juan bere anaia, eta eramaten ditu mendi goratu aldendu batera.

        2. Eta bestiruditu zan beren aurrean. Eta distiatu zuen bere arpegiak, eguzkia bezela, bere jantziak berriz jarri ziraden zuriak elurra bezela.

        3. Eta ona emen non agertu zitzaiozkaten Moises, eta Elias berarekin izketan asi dirala.

        4. Eta erantzunik Pedrok esan zion Jesusi: Jauna, ongi da gu emen egotea; nai badezu, egin ditzagun emen iru bizitoki, zuretzat bat, Moisesentzat bat, eta Eliasentzat bat.

        5. Oraindikan bera izketan ari zala, ona emen non odei argitsu batek estali zituen. Eta ona emen boz bat odeitik, esaten zuena: Au da nere semea maitatua zeñagan ni gozatu naizan, bera aditu ezazute.

        6. Eta aditzen zituztela ikasleak, erori ziran beren arpegien gañera, eta bildurtu ziran asko.

        7. Eta alderatu zan Jesus, eta ukitu zioten, eta esan zioten: Jaiki zaitezte, eta ez zaitezte beldur izan.

        8. Eta jasoten zituztela beren begiak, iñor ez zuten ikusi, baizik Jesus bakarrik.

        9. Eta jatxitzen zirala berak menditikan, agindu zioten Jesusek, esaten ziotela: iñori ez zaiozute esan ikuskera, alik eta gizonaren semea illen artetik biztu dedin artean.

        10. Eta galdetu zioten ikasleak, esaten ziotela: Zergatik bada Eskribak diote Eliasek lenengo etorri bear duela?

        11. Eta berak erantzunaz, esan zioten: Elias egiaz etorriko da, eta lengoratuko ditu gauza guztiak.

        12. Esaten dizutet berriz: Elias onezkero etorria dala, eta ez zuten ezagutu, baizik egin zuten beragan nai izan zituzten gauza guztiak. Onela gizonaren semeak ere padezituko du berak gandik.

        13. Orduan aditu zuten ikasleak, Juan Bautista gatik itz egin izan ziotela.

        14. Eta etorri zanean beragana jende taldea, alderatu zan beragana gizon bat, belaunen gañean jarririk bere aurrean, esaten ziola: Jauna, errukitu zaite nere semearekin, zeren alditsua da, eta oñazetua gaizki, zeren asko aldiz erortzen da sutara, eta sarri urera.

        15. Eta erakutsi diotet zure ikasleai, eta ezin izan dute sendatu.

        16. Eta erantzunaz Jesusek esan zion: O gizon arraza siniste gabe eta gaiztoa, noiz arteraño egongo naiz zuekin? Noizarteraño sufrituko zaituztet? Ekarri zadazute onara neregana.

        17. Eta erriertan egin zion Jesusek, eta irten zan beragandik demonioa, eta sendatua izan zan mutilla ordu artatik.

        18. Orduan alderatu ziran ikasleak Jesusgana ixillean, eta esan zioten: Zergatik guk ezin izan degu bota?

        19. Esan zioten Jesusek: Zuen fede laburra gatik. Zeren egiaz esaten dizutet, bazendukete fedea, moztaza alea bezelakoa, esango diozute mendi oni: Joan adi emendikan ara, eta joango da, eta ez da izango zuentzat eziñik.

        20. Baña deabru mota au ez da izaten botatua, baizik erreguaren, eta barauaren bitartez.

        21. Eta zeudela berak elkarrekin Galilean, esan zioten: Gizonaren semea izango da ipiñia gizonen eskuetan.

        22. Eta ilko dute, eta irugarren egunean biztuko da. Eta atsekabetu ziran andizkiro.

        23. Eta etorri ziranean Kafarnauma, alderatu ziran petxa biltzalleak Pedrogana, eta esan zioten: Zuen Erakusleak ez ditu pagatzen petxak?

        24. Esan zioten: Bai. Eta sartu zanean etxean, aurrea artu zion Jesusek, esaten ziola: Zer deritzazu Simon? Lurreko erregeak, zeintzuek gandik artzen dituzte petxa edo zentzoa? Bere semeak gandik, ala atzeak gandik?

        25. Eta berak esan zion: Atzeak gandik. Esan zion Jesusek: Beraz semeak ez dute zor.

        26. Baña gaitzbidea eman ez dizaiegun, zoaz itsasora, eta bota ezazu amua, eta ar zazu, lenengo datorren arraia, eta idikirik bere aoa, arkituko dezu peseta biko bat: bera artzen dezula, eman zaiozute nigatik, eta zugatik.

EMEZORTZIGARREN KAPITULUA

Erakusten du Jaunak umiltasuna dala giltza sartzeko zeruetako erreinoan Azaldatzen du zer pekatu andia dan, eta zer kastigu andiaren diña, besteai gaiztorako bidea ematea Ipintzen diote Artzai onaren irudipena, utzirik larogei, eta emeretzi ardiak, dijoanarena galdu danaren billa Esaten du nola bear duen bakoitzak lagun urkoa bide zuzenera itzuli Adierazoten dio San Pedrori, beti barkatu bear diogula iraintzen gaituanari, eta sendatzen du irakatsi au irudipen eder batekin

        1. Ordu artan alderatu ziran ikasleak Jesusen gana, esaten zutela: Zeiñ uste dezu aundiena dala zeruetako erreinoan?

        2. Eta deiturik Jesusek aur bat, ipiñi zuen beren erdian,

        3. Eta esan zuen: Egiaz esaten dizutet, ez bazerate biurtzen, eta egiten ez bazerate aurrak bezelakoak, ez zerate sartuko zeruetako erreinoan.

        4. Aur au bezela bada umiltzen dan edozeiñ, au da andiena zeruetako erreinoan.

        5. Eta artzen duenak onelako aur bat nere izenean, ni artzen nau.

        6. Ematen dionak berriz gaizbidea, neregan sinistzen duten txiki oietatik bati, obe luke, asto errota arri bat bere lepotik lotuta, urpetuko balute itsasoaren barrenean.

        7. Ai munduaren zorigaiztokoa gaitzbideak gatik! Zeren premiazkoa da gaitzbideak etortea, baña, ai zorigaiztokoa gizon hurarena, zeñaren bitartez datorren gaizbidea.

        8. Argatik zure eskuak, edo oñak gaizbidea ematen badizu, ebaki ezazu, eta bota ezazu zugandik, obe dezu bizitzan sartu maingu, edo erren, bi esku edo bi oiñ dituzula botatua izatea baño betiko sutara.

        9. Eta zure begiak gaizbidea ematen badizu, atera ezazu, eta bota ezazu zugandik, obe dezu begi batekin bizitzan sartzea, begi bi dituzula bialdua izatea baño suzko infernura.

        10. Begira ezazute ez dezazutela gutxitan iduki txikitxo oietatik bat, zeren esaten dizutet, beren Aingeruak zeruetan beti ikusten dutela nere Aita zeruetan dagoanaren arpegia.

        11. Zeren etorri zan gizonaren semea salbatzera galdu zana.

        12. Zer deritzazute? Balitu norbaitek eun ardi, eta galduko balitza aietatik bat, ez al ditu utziten larogeita emeretziak mendietan, eta dijoa galdua izan zanaren billa?

        13. Eta gertatuko balitza arkitzea hura, egiaz esaten dizutet, geiago gozatzen dala berarekin, larogeita emeretzi galdu ez ziranakin baño.

        14. Ala ez da zuen Aita zeruetan dagoanaren borondatea, galtzea txiki oietatik bat.

        15. Eta pekatu egingo balu zure kontra zure anaiak, zoaz, eta zuzendu egizu zure eta bere artean bakarrik. Aditzen badizu, irabazi izan izango dezu zure anaia.

        16. Adituko ez bazinduz, ar ezatzu zurekin oraindik bat edo bi; lekuko biren, edo iruen aoan egon dedin itz guztia.

        17. Eta oiek adituko ez balitu, esaiozu Elizari. Eta Eliza aditu nai ez balu, iduki ezazu jentil, eta publikanotzat.

        18. Egiaz esaten dizutet lurraren gañean lotzen dezuten guzia, lotua izango da zeruan ere, eta lurraren gañean askatzen dezuten guzia, askatua izango da zeruan ere.

        19. Berriz esaten dizutet, zuetatik bi elkar aditzen badirade lurraren gañean, eskatzen duten gauza guzia, nere Aita zeruetan dagoanak, egiña izango zaiote.

        20. Zeren non dauden bi edo iru bildurik nere izenean, an naiz beren erdian.

        21. Orduan alderaturik Pedro beragana, esan zion: Jauna, zenbat aldiz pekatu egingo du nere kontra nere anaiak, eta barkatuko diot? Zazpi aldiraño?

        22. Esaten dio Jesusek: Ez dizut esaten zazpi aldiraño, baita irurogei eta amar aldiz zazpi aldiraño ere.

        23. Argatik zeruetako erreinoa da iruditua gizon errege, bere morroiakin kontuetan sartu nai zuenari.

        24. Eta asi zanean kontuak artzen, eskeñia izan zitzaion, zor ziozkana amar milla talentu.

        25. Baña nola ez zuen nondik itzuli, agindu zuen bere nagusiak, izan zedilla saldua bera, eta bere emaztea, eta semeak, eta zituen gauza guziak, eta pagatu zekiola.

        26. Auzpezturik berriz morroe hura, erregutzen zion, esaten ziola: Emadazu, arren epea, eta guzia pagatuko dizut.

        27. Eta errukiturik morroe huraren nagusia, utzi zion, eta zorra barkatu zion.

        28. Irtenik bada morroe hura, arkitu zuen bere morroe lagun bat, zor ziozkana eun denario, eta eldurik berari, itotzen zuen, esaten ziola: indak zor didakana.

        29. Eta auzpezturik bere morroe laguna, erregutzen zion, esaten ziola: Emadazu arren epea, eta guzia pagatuko dizut.

        30. Ark berriz ez zuen nai izan, baizik joan zan, eta sartu zuen presoindegian zorra pagatu arteraño.

        31. Bere morroe lagunak bada ikusirik zer igarotzen zan, atsakabetu ziran asko, eta etorri ziran, eta kontatu zioten beren nagusiari gertatu izan zan guzia.

        32. Orduan deitu zion bere nagusiak, eta esan zion: Morroe gaiztoa, artzeko guzia barkatu nikan, erregutu idakalako:

        33. Eta i ere ire lagunaz errukitu bear ez intzakan, ni izaz errukitu nindukan bezela?

        34. Eta aserreturik bere nagusia, eman zioten bera borreroai, zor guzia pagatu arteraño.

        35. Onela nere Aita zerukoak ere egingo dizute, barkatzen ez badiozkazute bakoitzak bere anaiai zuen biotzetatik.

EMERETZIGARREN KAPITULUA

Ezin askatu lezakeala ezkontzako lokarria; eta gauza bat bakarra gatik dala zillegi banakatzea Berriz ipintzen ditu aurrak, zeruetan sartuko diradenen iruditzat Zein gaitz dan aberatsak salbatzea Jesus gatik guzia isten dutenen sari ugaria

        1. Eta gertatu zan, bukaturik Jesusek itz oiek, joan zan Galileatik, eta etorri zan Judeako mugetara, Jordango beste aldera.

        2. Eta jarraitu zioten jende talde askok, eta sendatu zituen an.

        3. Eta alderatu ziran beragana Fariseoak tentatzen zutela, eta esaten ziotela: Zillegi bai al zaio gizonari utzitzea bere emaztea, edozein gauza gatik?

        4. Berak erantzunik esan zioten: Ez al dezute irakurri, egin zuenak gizona asieratik, arra eta emea egin zituela? Eta esan zuen:

        5. Beragatik utziko ditu gizonak aita eta ama, eta bere emaztearen gañetuko da, eta izango dira bi aragi batean.

        6. Ala bada onezkero, ez dira bi, aragi bat baizik. Jaungoikoak bada bildu zuena, gizonak ez beza berezitu.

        7. Esaten diote: Zergatik bada Moisesek agindu zuen emateko banakatuaren agiria, eta utziteko?

        8. Esan zioten: Zeren Moisesek zuen biotzeko gogortasuna gatik laketu zizuten utzitea zuen emazteak, asieratik ordea ez zan onela.

        9. Eta esaten dizutet, bere emaztea utziten duen edozeñek, besterekin aragizko bekatuan erori dalako ez izanenean, eta besterik artzen duenak, egiten du adulterioko bekatua, eta utzia artzen duenak, egiten du adulterioko bekatua.

        10. Diote bere ikasleak: Baldin orrela izan bear badu gizonak bere emaztearekin, ez da ezkondu bear.

        11. Berak esan zioten: Ez dirade guziak itz onen diña, baizik emana izan zaiotenak.

        12. Zeren badirade txikiratuak, zeñak amaren sabeletik ala jaio ziran, eta badirade txikiratuak, gizonak egiñak izan ziranak, eta badirade txikiratuak hurak berak txikiratu ziranak zeruetako erreinoagatik. Adi dezakeanak, adi beza.

        13. Orduan eskeñiak izan zitzaiozkan aur batzuek, eskuak gañean ipiñi ziotzaten, eta erregutu zezan. Ikasleak ordea errierta egiten zioten.

        14. Jesusek berriz esan zioten: Utzi zaiozute aurrai, eta ez zaiozute eragotzi neregana etortea, zeren onelakoena da zeruetako erreinua.

        15. Eta eskuak gañean ipiñi ziozkatenean, joan zan andik.

        16. Eta ona emen non bat alderaturik, esan zion: Erakusle ona, zer on egingo det izan dezadan betiko bizitza?

        17. Berak esan zion: Zergatik galdetzen didazu onagatik? Bat da ona, Jaungoikoa. Nai badezu berriz bizitzan sartu, gorde itzatzu aginduak.

        18. Esan zion: Zeintzuek? Eta Jesusek esan zion: Ez dezu iñor ilko; ez zera besteren emaztearen ganatuko; ez dezu ebatsiko; ez dezu lekukotasun gezurrezkorik esango.

        19. Honratu itzatzu zure aita, eta zure ama, eta maitatuko dezu zure lagun urkoa, zu zerori bezela.

        20. Esaten dio gazteak: Oriek guziak gorde ditut nere gaztedantik, zer palta zat oraindik?

        21. Esan zion Jesusek: Nai badezu guziz ona izan, zoaz, saldu itzatzu dituzun guziak, eman zaiozkatzu beartsuai, eta idukiko dezu gordallua zeruan, eta zatoz, jarrai zakizkit.

        22. Aditu zuenean bada gazteak itz au, joan zan itun, zeren zan zeduzkana ondasun asko.

        23. Jesusek berriz esan zioten bere ikasleai: Egiaz esaten dizutet, aberatsa nekez sartuko dala zeruetako erreinuan.

        24. Eta berriz esaten dizutet: Errazago da gamelua jostorratzaren begitik igarotea, aberatsa sartzea baño zeruetako erreinuan.

        25. Aditurik ordea oiek, ikasleak miretsi ziraden andizkiro, esaten zutela: Nor da beraz salba ditekeana?

        26. Eta begiraturik Jesusek, esan zioten: Gizonentzat au eziña da, Jaungoikoarentzat ordea guzia da eginkorra.

        27. Orduan erantzunaz Pedrok esan zion: Ona emen non guk utzi ditugun gauza guziak, eta jarraitu dizugu, zer bada izango degu guk?

        28. Eta Jesusek esan zioten: Egiaz esaten dizutet, zuek jarraitu nazutenak, gauzen berriztaeran, esertzen danean gizonaren semea bere aunditasuneko esertokian, eseriko zeratela zuek ere, amabi esertokien gañean, juzgatzen dituzutela Israelko amabi leñuak,

        29. Eta utziten dituen guziak etxea, edo anaiak, edo arrebak, edo aita, edo ama, edo emaztea, edo semeak, edo lurrak nere izenagatik, eun aldiz ainbeste artuko du, eta betiko bizitzearen jabe izango da.

        30. Berriz asko lenengo izango dira azkenak; eta azkenak lenengoak.

OGEIGARREN KAPITULUA

Mastizaien irudipena Jesusek aurretikan itz egiten diote Apostoluai bere Pasioaren gañean Zebedeoren semeen galdea Argitzen ditu bi itsu Jeriko ondoan

        1. Zeruetako erreinua da gizon etxeko jaun baten antzekoa, atera zanarena goizean goiz billatzera langilleak bere mastirako.

        2. Eta itzturik langilleakin eguneko denario bat emateko, bialdu zituen bere mastira.

        3. Eta irtenik bederatzietako aldean ikusi zituen beste batzuek zeudenak zutik plazan alperrik,

        4. Eta esan zioten: Zoazte zuek ere nere mastira, eta zuzen izan lezakeana emango dizutet.

        5. Eta berak joan ziran. Berriz atera zan eguerdirontz, eta iruretako ordurontz, eta orobat egin zuen.

        6. Eta atera zan arratsaldeko bostetarontz, eta arkitu zituen beste batzuek zutik zeudenak, eta esaten diote: Zer egiten dezute emen egun guzian alperrik?

        7. Esaten diote: iñork ez digulako alogerean deitu. Esaten diote: Zoazte zuek ere nere mastira.

        8. Etorririk bada arratsa, esaten dio mastiaren jaunak bere kontuartzalleari: Dei itzatzu langilleak, eta eman zaiozute alogera, asirik azkenekoetatik lenengoetaraño.

        9. Etorri ziranean bada arratsaldeko bostetako inguruan etorri ziranak, artu zituzten bakoitzak bere denarioa.

        10. Eta etorri ziradenean lenbizikoak, uste izan zuten geiago artuko zutela, artu zuten ordea berak ere bakoitzak denario bat.

        11. Eta artzen zutela zerasaten etxeko jaunaren kontra,

        12. Esaten zutela: Azkeneko oiek ordu batean egin dute, eta berakin berdindu gaituzu gu, eraman degunok egunaren eta beroaren nekea.

        13. Eta berak erantzunaz aietatik bati, esan zion: Adiskidea, ez dizut egiten bidegaberik. Ez al ziñan itztuta gelditu nerekin denario batean?

        14. Ar zazu zurea dana, eta zoaz, bada nai diot azkeneko oni ere eman zuri bezela.

        15. Edo ez zat neri zillegi nai dedana egitea? Zure begia gaiztoa al da, ni ona naizalako?

        16. Onela izango dira lenengoak azkenak, eta azkenak lenengoak. Zeren asko dira deituak, gutxi berriz autuak.

        17. Eta igoten zala Jesus Jerusalena, artu zituen amabi ikasleak berezituan, eta esan zioten:

        18. Ona emen non igotzen geran Jerusalena, eta gizonaren semea saldua izango zaiote Apaizen buruai, eta Eskribai, eta iltzeko erabagia emango zaiote.

        19. Eta emango diote jentillai, izan dedin isekatua, eta azotatua, eta gurutzean josia, eta irugarren egunean biztuko da.

        20. Orduan alderatu zan beragana Zebedeoren semeen ama bere semeakin, adoratzen zuela, eta eskatzen ziola zerbait.

        21. Berak esan zion: Zer nai dezu? Emakumeak esan zion: Esan zazu eseri diteztela nere seme bi oiek, bata zure eskuian, eta bestea ezkerrean zure erreinuan.

        22. Eta erantzunik Jesusek esan zion: Ez dakizute zer eskatzen dezuten. Edan bai al ditzatzuteke nik edango dedan edaontzia? Berak esaten diote: Badezaguke.

        23. Esaten diote: Egiaz nere edaontzia edango dezute, esertzea ordea nere eskuian, edo ezkerrean ez dagokit neri ematea zuei, baizik aiei zeintzuentzat nere Aitak prestatua izan dan.

        24. Eta aditzean amarrak, aserretu ziran bi anaiakin.

        25. Eta Jesusek deitu zituen beragana, eta esan zioten: Badakizute jentillen agintariak dauzkatela menpean beren erriak, eta aundiagoak diranak eskubidearekin darabiltzatela.

        26. Ez da izango onela zuen artean; baizik zuen artean aundiena izatea nai duen edozeiñ, izan bedi zuen morroia.

        27. Eta zuen artean nai duena lenengoa izan, izango da zuen serbitzaria.

        28. Nola gizonaren semea ez zan etorri serbitua izatera, baizik serbitzera, eta ematera bere anima askoren erospenerako.

        29. Eta irteten zutela berak Jerikotik, jarraitu zion jende talde askok.

        30. Eta ona emen non bi itsuk, eserita zeudenak bidearen ondoan, aditu zuten Jesus igaroten zala, eta deadar egin zuten, esaten zutela: Jauna, Dabiden semea, errukitu gaitzatzu.

        31. Jende taldeak berriz errierta egiten zioten, isildu zitezten. Baña berak geiago deadar egiten zuten, esaten zutela: Jauna Dabiden semea, erruki gaitzatzu.

        32. Eta gelditu zan zutik Jesus, eta deitu zituen, eta esan zioten: Zer nai dezute dagizutedan?

        33. Esaten diote: Jauna, idikiak izan diteztela gure begiak.

        34. Eta errukiturik Jesus berakin, ukitu ziotzaten beren begiak. Eta bereala ikusi zuten, eta jarraitzen zioten.

OGEITA BATGARREN KAPITULUA

Jesusen sarrera Jerusalenen Elizatik botatzen ditu saltzalleak Zer eskuz egiten dituen bere egite miragarriak Bi semeen, mastizaien, eta etxeburuko arriaren irudipenak

        1. Eta alderatu ziranean Jerulasena, eta etorri Bethfajera Olibeteko mendira, orduan Jesusek bialdu zituen bi ikasle,

        2. Esaten ziotela: Zoazte zuen aurrean dagoan erri orretara, eta bereala arkituko dezute asto eme bat lotuta, eta astokumea berarekin, askatu ezazute, eta ekarzkidazute.

        3. Eta iñork zerbait esango balitzute, esan zaiozute, Jaunak oien premia duela. Eta bereala utziko ditu.

        4. Au guzia berriz izandu zan egiña, betetasuna iduki zezan, esana izan zanak Profetaren bitartez, zeñak esaten duen:

        5. Esan zaiozute Siongo alabari: Ona emen non zure erregea datorren zuretzat otsana, eserita astoemearen gañean, eta astokumea, uztarriaren azpian dagoanaren semea.

        6. Joanik bada ikasleak, egin zuten Jesusek agindu zioten bezela.

        7. Eta ekarri zituzten asto emea, eta astotxoa, eta ipiñi zituzten beren soñekoak, eta berari gañean eseri erazo zioten.

        8. Jende talde askok berriz zabaldu zituzten beren soñekoak bidean: beste batzuk berriz ebakitzen zituzten ostoak zuaitzetatik, eta zabaltzen zituzten bidean:

        9. Eta aurretik, eta ostetik zijoazen jende taldeak, deadar egiten zuten, esaten zutela: Hosana Dabiden semeari, bedeinkatua izan bedi datorrena Jaunaren izenean, Hosana goienetan.

        10. Eta sartu zanean Jerusalenen, arazotu zan uri guzia, esaten zutela: Zein da au?

        11. Erriak berriz esaten zuten: Au da Jesus Nazareth Galileako profeta.

        12. Eta sartu zan Jesus Jaungoikuaren Elizan, eta botatzen zituen saltzen eta erosten ziarduten guziak Elizan, eta naasi zituen kanbialarien maieak, eta uso saltzallen esertokiak.

        13. Eta esaten diote: Eskribatua da: Nere etxea erreguko etxea izango da deitua: zuek berriz egin dezute lapurren leizea.

        14. Eta alderatu ziran beragana itsuak, eta errenak elizan, eta sendatzen zituen.

        15. Ikusirik bada Apaiz buruak, eta Eskribak egin zituen mirariak, eta aurrak deadarrez elizan, eta esaten zutela: Hosana Dabiden semeari, aserretu ziran,

        16. Eta esaten zioten: Aditzen bai al dezu oiek zer esaten duten? Eta Jesusek esan zioten: Bai. Beñere ez al dezute irakurri: Aurren, eta bularretakoen aotik atera zenuen alabantza?

        17. Eta utzirik aiek, joan zan kanpora uritik Bethaniara, eta an egon zan.

        18. Eta goizean itzulirik urira, gose izan zan.

        19. Eta ikusirik piko arbola bat bidearen ondoan, etorri zan beragana, eta ez zuen ezer arkitu, baizik ostoak bakarrik, eta esan zion: Arren bada beñere ez al dek iregandik fruturik jaioko gaur gero. Eta legortu zan bereala pikoa.

        20. Eta ikusirik ikasleak, miretsi ziran, esaten zutela: Nola bereala legortu da?

        21. Eta erantzunik Jesusek, esan zioten: Egiaz esaten dizutet, bazenukete sinistea, eta ez baziñateke zalanzan jarriko, ez bakarrik egingo dezute pikoarena, baita ere mendi oni esango baziñiokete: Ken adi ortik, eta bota adi itsasora egiña izango da.

        22. Eta eskatzen dezuten edozein gauza erreguan sinistzen dezutela, artuko dezute.

        23. Eta etorririk elizara, alderatu ziran beragana irakasten ari zala Apaiz buruak, eta erriko zarrak, esaten zutela: Zer eskubiderekin oiek egiten dituzu? Eta nork eman dizu eskubide au?

        24. Erantzuten ziotela Jesusek, esan zioten: Galdetuko dizutet nik ere itz bat, zeña esaten badidazute, nik ere esango dizutet, zer eskubiderekin oiek egiten ditudan.

        25. Joanen bataioa nondikakoa zan? Zerutikakoa, ala gizonetatikakoa? Eta berak pentzatzen zuten beren artean esaten zutela,

        26. Esango bagenuke, zerutikakoa, esango digu: Zergatik bada ez ziñioten sinistu? Esango bagendu ordea, gizonetatikoa, jende taldearen bildur gera; zeren guztiak zeukaten Joan Profeta bezela.

        27. Eta erantzun zioten Jesusi, esaten ziotela: Ez dakigu. Esan zioten berak ere: Nik ere ez dizutet esaten zer eskubiderekin oiek egiten ditudan.

        28. Zer deritzazute bada? Gizon batek zituen bi seme, eta alderaturik lenengoagana, esan zion: Semea, zoaz gaur, egizu lanean nere mastian.

        29. Berak erantzunaz, esan zion: Ez det nai. Gero berriz damuturik, joan zan.

        30. Eta alderaturik besteagana, esan zion berdin. Eta berak erantzunaz, esan zion: Banoa, Jauna, eta ez zan joan.

        31. Bietatik zeñak egin zuen aitaren borondatea? Esaten diote: Lenengoak. Esaten diote Jesusek: Egiaz esaten dizutet, Publikanuak eta emakume galduak joango dirala zuen aurretik Jaungoikoaren erreinura.

        32. Zeren etorri zan zuek gana Joan zuzentasuneko bidean, eta ez ziñon sinistu. Publikanuak ordea eta emakume galduak sinistatu zuten. Eta zuek ikusten zendutela ez zenduten damurik ere iduki gero, sinistatzeko berari.

        33. Beste irudi bat aditu ezazute: Bazan gizon etxeko jaun bat, landatu zuena mastia, eta esiz ingurutu zuen, eta atxurtuaz egin zuen dolarea, eta altxatu zuen torre bat, eta urrutira joan zan.

        34. Alderatu zanean bada frutuen denbora, bialdu zituan bere serbitzariak mastizaiak gana, artu zitzaten bere frutuak.

        35. Eta nekazariak arrapaturik bere serbitzariak, bata zauritu zuten, bestea il zuten, besteari berriz arrika egin zioten.

        36. Berriz bialdu zituen beste serbitzari batzuek lenengoak baño geiago, eta orobat egin zioten.

        37. Azkenik bialdu zioten bere semea, esaten zuela: Lotsa ekarriko diote nere semeari.

        38. Baña nekazariak ikusi zutenean semea, esan zuten beren artean: Au da primua, atozte, il dezagun, eta idukiko degu bere primutza.

        39. Eta eldurik berari, bota zuten mastitik kanpora, eta il zuten.

        40. Datorrenean bada mastiaren jauna, zer egingo diote nekazari aiei?

        41. Esaten dute aiek: Gaiztoak gaizki galduko ditu, eta bere mastia emango diote errentan beste nekazari batzuei, pagatuko diotenai frutua bere denboretan.

        42. Esaten diote Jesusek: Beñere ez dezute irakurri Eskrituretan: Etxegilleak zokora bota zuten arria, au izan da ipiñia etxe buruan? Jaunak egiña da au, eta da arrigarria gure begietan?

        43. Argatik esaten dizutet, kendua izango zatzutela Jaungoikoaren erreiñua, eta emana izango zaiola, bere frutuak egiten dituan jendeari.

        44. Eta erortzen dana arri onen gañera, izango da zatitua, eta berau gañera erortzen zaiona, izango da puskatua.

        45. Eta aditurik Apaiz buruak, eta Fariseoak bere irudipenak, ezagutu zuten berak gatik itz egiten zuela.

        46. Eta nai ziotela eldu berari, jendediaren beldur ziran, zeren profeta bezela zeukaten.

OGEITA BIGARREN KAPITULUA

Ipintzen diote Jesusek Juduai eztaien irudipena Billatzen dute beragatik gaizki esateko gaia Erakusten diote Sadduzetarrai illen piztuera, eta Fariseoai beraren Jaungoikotasuna

        1. Eta erantzunik Jesusek, berriz itz egin zioten irudipenetan, esaten ziotela:

        2. Zeruetako erreiñua da, gizon errege baten, bere semeari eztaiak egin ziozkanaren antzekoa.

        3. Eta bidaldu zituen bere morroiak otsegitera eztaietara deituak zeudenak, eta ez zuten nai etorri.

        4. Berriz bidaldu ziezten bere morroe batzuek, esaten zietela: Esan zaiozute deituak ziranai, ona emen nere bazkaria prestatua det, nere zezenak, eta abere gizenduak illak dirade, eta guziak daude gertuak, atozte eztaietara.

        5. Aiek berriz mezprezatu zuten gaztigua, eta joan ziran bata bere sorora, bestea berriz bere saldu erosietara.

        6. Besteak berriz eskuak egotzi ziezten bere serbitzariai, eta iraiñez beteta il zituzten.

        7. Eta errege, aditu zuenean, aserretu zan, eta bidaldurik bere martizdiak galdu zituen eralle aiek, eta beren uriari su eman zion.

        8. Orduan esan zioten bere morroiai: Eztaiak egiaz prestatuak daude, baña deituak ziradenak ez ziran diña.

        9. Zoazte bada bide gurutzetara, eta arkitzen dituzuten guziak deitu itzatzute eztaietara.

        10. Eta irtenik bere morroiak bidetara, bildu zituzten arkitu zituzten guziak, gaiztoak eta onak, eta beteak izan ziran eztaiak deitutakoz.

        11. Sartu zan bada errege ikusteko maiean eseriak zeudenak, eta ikusi zuen an gizon bat eztaietako jantziarekin jantzi gabe.

        12. Eta esan zion: Adiskidea, nola onara sartu zera ez dezula eztai jantzia? Eta bera mututu zan.

        13. Orduan esan zioten erregeak bere morroiai: Loturik bere eskuak eta oñak, botatu ezazute kanpoko illunetara, an izango da negarra, eta ortz garraskotsa.

        14. Zeren asko dira deituak, gutxi berriz autuak.

        15. Orduan joaten zirala Fariseoak, biltzarrea egin zuten, arrapatzeko bera izketan.

        16. Eta bidaltzen dizkiote beren ikasleak Herodestarrakin esaten ziotela: irakaslea, badakigu egiatia zerana, eta Jaungoikoaren bidea egian erakusten dezuna, eta ez dezu zuk iñoren ajolarik, zeren ez dezu begiratzen gizonetan nor nor dan.

        17. Esan zaguzu bada, zer deritzazu, zillegi da zentzoa ematea Zesarreri, ala ez?

        18. Ezaguturik berriz Jesusek beren gaiztakeria, esan zioten: Zergatik tentatzen nazute ongezurrak?

        19. Erakutsi zadazute zentzoko dirua. Eta berak aurkeztu zioten denarioa.

        20. Eta esan zioten Jesusek: Zeñaena da irudi au, eta gañean eskribatua?

        21. Esaten diote: Zesarrena. Orduan esan zioten: Biurtu zaiozute bada Zesarrena dana, Zesarri, eta Jaungoikoarena dana, Jaungoikoari.

        22. Eta aditu zutenean, miretsi ziran, eta utzirik bera joan ziran.

        23. Egun artan alderatu ziran beragana Sadduzearrak, esaten dutenak, ez dala piztuera berririk, eta galdetu zioten,

        24. Esaten ziotela: Erakuslea, Moisesek esan zuen: Norbait ilko balitza semerik gabe, bere anaia ezkondu dedilla aren emaztearekin, eta eman bezaio ondorioa bere anaiari.

        25. Izandu ziran bada gure artean zazpi anaia, eta lenbizikoa ezkonduta, il zan, eta nola ez zuen aurrik, utzi zion bere emaztea bere anaiari.

        26. Berebat bigarrena, eta irugarrena zazpigarreneraño.

        27. Guzien ondoren berriz emaztea ere il zan.

        28. Piztuera berrian bada, zazpietatik zeñaena izango da emaztea?

        29. Eta erantzunik Jesusek esan zioten: Uts egiten dezute, ez dakizkizutela Eskriturak, ez Jaungoikoaren ala.

        30. Zeren piztuera berrian ez dira ezkonduko, ez ezkonduak izango, baizik izango dira Jaungoikoaren Aingeruak zeruan bezala.

        31. Illen piztuera berriaren gañean berriz ez al dezute irakurri Jaungoikoak esana izan zana, esaten dizutela:

        32. Ni naiz Abrahamen Jaungoikoa, eta isaazen Jaungoikoa, eta Jakoben Jaungoikoa? Ez da illen Jaungoikoa, baizik biziena.

        33. Eta aditzen zutela jende taldeak, miresten ziran bere erakutsian.

        34. Fariseoak berriz aditu zutenean, ixildu arazi ziotela Sadduzetarrai, bildu ziran batean.

        35. Eta galdetu zion beretako batek legearen erakusleak, tentatzen zuela:

        36. Erakuslea, zeña da agindu aundia legean?

        37. Esan zion Jesusek: Maitatuko dezu zure Jaun Jaungoikoa zure biotz guzitik, eta zure anima guzitik, eta zure gogo guzitik.

        38. Au da agindu aundiena, eta lenbizikoa.

        39. Eta bigarrena onen antzekoa: Maitatuko dezu zure lagun urkoa, zu zerori bezala.

        40. Agindu bi oiei Lege guzia ditxeka, eta Profetak.

        41. Eta zeudela bildurik Fariseoak galdetu zioten Jesusek,

        42. Ziotela: Zer deritzatzute Kristo gatik? Zeñaen semea da? Esaten diote: Dabidena.

        43. Esaten diote Jesusek: Nola bada Dabidek espirituan deitzen dio Jauna, esaten diola:

        44. Esan zion Jaunak nere Jaunari, eseri zaite nere eskuietatik, ipiñi ditzadan bitartean zure etsaiak zure oñen alkitzat?

        45. Baldin Dabidek deitzen badio Jauna, nola bere semea da?

        46. Eta iñork ezin zion erantzun itzik, eta ez zan ere iñor benturatu egun artatik, geiago berari galdetzera.

OGEITA IRUGARREN KAPITULUA

Moisesen erakustokiaren gañean eseriak daudenai, nola aditu bear zaioten Jesusek errierta egiten diote Eskribai, eta Fariseoai Nola izango dan arrasatua Jerusalen

        1. Orduan itz egin zioten Jesusek jende taldeai, eta bere ikasleai,

        2. Ziotela: Moisesen erakustokiaren gañean eseri ziran Eskribak, eta Fariseoak.

        3. Esaten dizkizuten gauza guztiak, eta edozertzuk bada, gorde eta egin itzatzute, ez itzatzute ordea egin beren egiten araura, zeren esaten dute, eta ez dute egiten.

        4. Zeren lotutzen dituzte zama pisuak, eta eraman eziñak gizonen sorbaldetan, beren beatzarekin ordea ez diote nai zirkiñik erazi.

        5. Beren egite guziak bada egiten dituzte, gizonak ikusiak izan ditezten, Zabaltzen dituzte ezen beren larru ualak, eta aundizkitzen dituzte ertzak.

        6. Eta maite dituzte lenbiziko etzintokiak aparietan, eta lenbiziko esertokiak Sinagogetan,

        7. Eta diosalak plazan, eta gizonak deituak izatea Erakusleak.

        8. Zuek ordea ez ezazute nai izan deituak Erakusleak, zeren bat da zuen Erakuslea, zuek guziok berriz anaiak zerate.

        9. Eta ez zaiozute iñori aita deitu lurraren gañean, zeren bat da zuen Aita zeruetan dagoana.

        10. Ez zaiezute ere elkarri deitu Erakusleak, zeren bat da zuen Erakuslea, Txristo.

        11. Zuen artean aundiena dana, izango da zuen morroia.

        12. Zeren goratzen dana, izango da beeratua, eta beeratzen dana, izango da goratua.

        13. Ai berriz zuen zorigaiztokoak Eskriba, eta Fariseo ongezurrak. Itxitzen dezutenak zeruetako erreiñua gizonen aurrean. Zeren zuek ez zerate sartzen, eta sartzen ari diradenai ere ez diozute sartzen utziten!

        14. Ai zuen zorigaiztokoak Eskriba eta Fariseo ongezurrak, jaten dituzutenak alargunen etxeak, otoiz luzeak egiñik, argatik artuko zazute kontu zorrotzagoa!

        15. Ai zuen zorigaiztokoak Eskriba, eta Fariseo ongezurrak, zeren ingurutzen dezute itsasoa, eta lurra egiteko Judu berri bat, eta egiña danean, egiten dezute infernuko seme, zuek baño bi aldiz geiago!

        16. Ai zuen zorigaiztokoak, gialari itsuak, esaten dezutenak: Edozeñek juramentu egiten badu Eliza gatik, utsa da, egiten duenak ordea Elizako urrea gatik, zor du!

        17. Eroak, eta itsuak! Zer da ezen aundiagoa, urrea, ala eliza, santututzen duena, urrea?

        18. Eta edozeñek juramentu egingo balu aldarea gatik, utsa da, edozeñek ordea juramentu egingo balu, bere gañean dagoan eskeñia gatik, zor du.

        19. Itsuak! Zer da ezen aundiago, eskeñia, ala aldarea, santututzen duena, eskeñia?

        20. Juramentu egiten duenak bada aldarea gatik, juramentu egiten du bera gatik, eta bere gañean dauden gauza guziak gatik.

        21. Eta juramentu egiten duen edozeñek eliza gatik, juramentu egiten du beragatik, eta bertan bizitu dana gatik.

        22. Eta juramentu egiten duenak zerua gatik, juramentu egiten du Jaungoikoaren esertoki goia gatik, eta aren gañean eserita dagoana gatik.

        23. Ai zuen zorigaiztokoak Eskriba, eta Fariseo ongezurrak! Amarrentzen dezutenak menda, eta ezamillua, eta kumiñoa, eta utzi zenduzten legearen pisuenak diranak, zuzentasuna, eta errukia, eta sinistea. Oiek egin bear ziran, eta besteak ez utzi.

        24. Zuzentzalle itsuak, iragazten dezutenak eltxoa, gamelua berriz iresten dezutenak.

        25. Ai zuen zorigaistokoak Eskriba, eta Fariseo ongezurrak, garbitzen dezutenak edanontziaren, eta plateraren kanpoko aldea, barrendik ordea zaudete lapurreriaz, eta loikeriaz beteak!

        26. Fariseo itsua, garbitu ezak edanontziaren eta plateraren barrenean zeagoana, garbia egiña izan zeadin, kanpoko aldetik zeagoana.

        27. Ai zuen zorigaiztokoak Eskriba, eta Fariseo ongezurrak, zeren zerate illen obia zurituen, gizonai kanpotik ederrak dirudiztenen antzekoak, barrendik ordea daude illen ezurrez, eta zikinkeri guziaz beteak!

        28. Onela zuek ere kanpo aldetik egiaz dirudizute gizonai zuzenak; barrenean berriz zaudete ongezurrez, eta gaiztakeriaz beteak.

        29. Ai zuen zorigaiztokoak Eskriba eta Fariseo ongezurrak, egiten dituzutenak profeten ill obiak, eta apaintzen dituzutenak justuen illobia ederrak,

        30. Eta esaten dezute: izandu bagiña gure gurasoen egunetan, ez giñan izango beren lagunak profeten odolean.

        31. Ala bada lekuko zerate zuek zuei, zeratela, profetak il zituztenen beren semeak.

        32. Eta zuek bete ezazute zuen gurasoen neurria.

        33. Sugeak ziraun arrazak, nola igestuko zerate infernuko epaitik?

        34. Argatik ona non nik bidaltzen ditudan zuetara profetak, eta jakintsuak, eta erakusleak, eta beretatik ilko dituzute, eta gurutzean josiko dituzute, eta beretatik azotatuko dituzute zuen sinagogetan, eta persegituko dituzute uritik urira:

        35. Etorri dedin zuen gañera odol oben gabeko guzia, isuria izan zana lurraren gañean, Abel oben gabearen odoletik, Zakariasen, Barakiasen semearen, elizaren eta aldarearen bitartean il zendutenaren odoleraño.

        36. Egiaz esaten dizutet, etorriko dirade oiek guziak gizaldi onen gañera.

        37. Jerusalen Jerusalen ilten dituzuna profetak, eta arrika egiten dietezuna, zure gana bidalduak diranai, zenbat aldiz nai nituen bildu zure semeak, olloak biltzen dituen bezala txitoak egoen azpian, eta ez zenuen nai izan?

        38. Ona emen non utzia izango zaizute zuen etxea mortua.

        39. Zeren esaten dizutet, ez nazute ikusiko oraindandik, esan dezazuten bitartean: Bedeikatua datorrena Jaunaren izenean.

OGEITA LAUGARREN KAPITULUA

Adierazotzen du Jaunak Jerusalengo eliza arrasatua izango dala Agertzen diezte ikasleai laburgoan, munduan gertatuko diran jazoerak Ebanjelioa predikatzen dan denboratik, munduaren bukaeraraño Erakusten du zer egin bear duten kristau egiazkoak, kristau gezurrezkoak engañatu ez ditzaten Esaten diote ere beti esnai egon bear dutela, ustekabean arrapatu ez ditzaten Jaunaren bigarren etorrerak

        1. Eta irtenik Jesus elizatik, zijoan. Eta alderatu zitzaizkon bere ikasleak, erakusteko berari elizako murru eder eta aundiak.

        2. Berak berriz erantzunaz, esan zioten: ikusten dituzute oiek guziak? Egiaz esaten dizutet, ez da izango utzia emen arririk arriaren gañean arrasatua izan gabe.

        3. Zegoala berriz bera eseririk Olibeteko mendiaren gañean, alderatu ziran beragana ikasleak ixillean, esaten ziotela: Esan zaguzu, noiz izango dira oiek? Eta zer siñale zure etorrerarena, eta gizaldiaren bukaerarena?

        4. Eta erantzunaz Jesusek esan zioten: Begiratu ezazute iñork ez zaitzatela engañatu.

        5. Zeren asko etorriko dira nere izenean, esaten dutela: Ni naiz Txristo, eta engañatuko dituzte asko.

        6. Zeren adituko dituzute gerrak, eta gerren ospeak. Begira ez zaiteztela kezkatu. Zeren oiek egiñak izan bear dute, baña ez da oraindikan atzena.

        7. Jaikiko da ezen jendea jendearen kontra, eta erreiñua erreiñuaren kontra, eta izango dirade izurriteak, eta goseteak, eta lurrikarak asko lekutan.

        8. Oiek guziak berriz oñazen asierak dira.

        9. Orduan emango zaituzte atsekabetuak izateko, eta ilko zaituzte, eta izango zerate jende guziak gorrotatuak nere izena gatik.

        10. Eta orduan gaizbidea artuko dute askok, eta elkar salduko dute, eta gorrotatuko dute elkar.

        11. Eta asko gezurrezko profeta jaikiko dira, eta engañatuko dituzte asko.

        12. Eta nola ugarituko dan gaiztakeria, oztuko da askoren karidadea.

        13. Dirauena ordea atzeneraño, au izango da salbatua.

        14. Eta izango da predikatua erreiñuko ebanjelio au mundu guzian, agiritzat jende guzientzat, eta orduan etorriko da atzena.

        15. Ikusten dezutenean bada, toki santuan dagoala galdumeneko naska, esana izan zana Daniel profetaren bitartez; irakurtzen duenak, adi beza.

        16. Orduan Judean daudenak, iges egin bezate mendietara.

        17. Eta tellatuan dagoana, ez bedi jatxi artzera zerbait bere etxetikan.

        18. Eta landan dagoana, ez bedi biurtu artzera bere tunika.

        19. Aurdun daudenen, eta aurrak azitzen dituztenen zorigaiztokoak egun aietan!

        20. Erregutu ezazute bada, zuen igestea ez dedin egin neguan, edo larunbatean.

        21. Izango da ezen orduan atsekabe aundia, nolakoa izan ez zan munduaren asieratik onaraño, eta ez da izango ere.

        22. Eta laburtuak izango ez balirade egun aiek, ez litzateke salbatua izango aragirik batere, baña autuak gatik izango dirade laburtuak egun aiek.

        23. Orduan iñork esango balizute: Begira, Kristoa dago emen, edo an, ez zaiozute sinistu.

        24. Jaikiko dirade ezen Kristo gezurrezkoak, eta profeta gezurrezkoak, eta emango dituzte siñale aundiak, eta mirariak, alako moduan non (al balitza) gezurra sinistu eraziko liozkake, autuai ere.

        25. Ona non lenagotik esan dizutet.

        26. Esango balizuteke: ona emen eremuan dago, ez zaitezte irten, ona non dagoan etxeko tokirik ezkutuenean, ez zaizkiezute sinistu.

        27. Zeren nola tximista ateratzen dan Sortaldetik, eta agiri dan Sartalderañotik, ala izango da gizonaren semearen etorrera ere.

        28. Nonnai dagoala gorputza, an bilduko dira arranoak ere.

        29. Eta egun aien atsekabearen ondoan bereala, eguzkia illunduko da, eta illargiak ez du emango bere argia, eta izarrak eroriko dira zerutik, eta zeruko birtuteak izango dira mugituak.

        30. Eta orduan agertuko da gizonaren semearen siñalea zeruan, eta orduan negarrez egongo dira, eta otska ariko dirade lurreko leñu guziak; eta ikusiko dute gizonaren semea datorrela, zeruko odoietan al aundiarekin, eta itzalarekin.

        31. Eta bidalduko ditu bere Aingeruak tronpetarekin, eta boz aundiarekin, eta bilduko dituzte bere autatuak lau aizetatik, zeruen gorenetatik beren mugetaraño.

        32. Piko zuaitzetikan bada ikasi ezazute iduripena; bere adarra beraa danean, eta ostoak jaioak, badakizute aldean dala uda.

        33. Ala zuek ere, ikusten dituzutenean oiek guziok, jakin ezazute aldean dala atetan.

        34. Egiaz esaten dizutet, ez dala iragoko gizaldi au, oiek guziak egiñak izan ditezten bitartean.

        35. Zerua, eta lurra iragoko dira, nere itzak ordea ez dira iragoko.

        36. Egun huraren gañean berriz, eta orduaren gañean iñork ez daki, ez da zeruetako Aingeruak ere, baizikan Aitak bakarrik.

        37. Nola bada Noeren egunetan, ala izango da gizonaren semearen etorrera ere.

        38. Nola ezen zeuden ugoldea baño lenagoko egunetan jaten zutela, eta edaten zutela, ezkontzen zirala, eta ezkontzarako emanak zirala, Noe arkan sartu zan egun artaraño,

        39. Eta ez zuten ezagutu ugoldea etorri zan arteraño, eta eraman zituen guziak: ala izango da gizonaren semearen etorrera ere.

        40. Orduan bi egongo dirade landan, bata izango da artua, eta bestea izango da utzia.

        41. Bi emakume ariko dira eotzen errotan, bata izango da artua, eta bestea izango da utzia.

        42. Zaudete bada esnai, zeren ez dakizute zer ordutan zuen Jauna etorriko dan.

        43. Au bada jakin ezazute, baldin etxeko jaunak baleki zer ordutan lapurra etorriko dan, esnai egongo liteke noski, eta ez luke utziko zulatua izaten bere etxea.

        44. Argatik zuek ere zaudete gertuak, zeren ez dakizuten orduan, gizonaren semea etorriko da.

        45. Zein uste dezu dala morroe leial, eta zurra, bere jaunak ipiñi zuena bere familiaren gañean, eman diozaten jaten denboran?

        46. Doatsua morroe hura, zeña datorrenean bere jauna, arkitzen duen ala egiten duela.

        47. Egiaz esaten dizutet, bere ondasun guzien gañean ipiñiko du.

        48. Esango balu ordea morroe gaizto ark bere biotzean: Berantzen zaio nere jaunari etortea;

        49. Eta asiko balitza jotzen bere morroe lagunak, eta jaten, eta edaten ordiakin.

        50. Etorriko da morroe huraren jauna itxedoten ez dion egunean, eta ez dakian orduan.

        51. Eta kenduko du, eta bere partiltasuna ipiñiko du ongezurrakin. An izango da negarra, eta ortz garraskotsa.

OGEITA BOSTGARREN KAPITULUA

Sendatzen du Jaunak irago dan kapituluan esan dana, birjiña eroen, eta zurren iduripenarekin Ipintzen du beste bat oraindikan geiago indartzeko Bere etorrera, kontuak artzera: orduko gertaerak

        1. Orduan izango da zeruetako erreiñua amar birjiñen antzekoa, zeñak artzen zituztela beren argiontziak, irten ziran ezkonberriai bidera.

        2. Beretako bost bada ziran eroak, eta bost zurrak.

        3. Baña bost eroak artzen zituztela argiontziak, ez zuten artu olioa berekin.

        4. Zurrak berriz artu zuten olioa beren pitxarretan argiontziakin.

        5. Beranduturik bada ezkonberriaren etorrera, lo kuluskatu ziran guziak, eta loak artu zituzten.

        6. Gau erdian berriz, deadarra aditu zan: Ona emen ezkonberria dator, irten zaikizkiote bidera.

        7. Orduan jaiki ziran birjiña guzi aiek, eta apaindu zituzten beren argiontziak.

        8. Eroak berriz zurrai esan zioten: iguzute zuen oliotikan, zeren gure argiontziak itzaltzen dirade.

        9. Erantzun zuten zurrak esaten zutela: Ustekabean asko izan ez dedin guretzat, eta zuentzat, zoazte saltzalletara, eta erosi ezazute zuentzat.

        10. Erostera zijoazen bitartean berriz, etorri zan Ezkonberria, eta gerturik zeudenak sartu ziran berarekin eztaietara, eta itxia izan zan atea.

        11. Atzenean berriz badatoz beste birjiñak ere, esaten dutela: Jauna, Jauna, idiki zaguzu.

        12. Eta berak erantzunaz, esan zuen: Egiaz esaten dizutet, ez zaituztet ezagutzen.

        13. Zaudete bada esnai, zeren ez dakizute eguna, ez ordua.

        14. Zeren nola gizon urrutirako irtetzen danak, deitu zituen bere morroiak, eta eman zizkioten bere ondasunak:

        15. Eta bati eman zizkion bost talentu, besteari berriz bi, besteari ordea bat, bakoitzari bere indarraren araura, eta irten zan bereala.

        16. Joan zan bada bost talentu artu zituena, eta asi zan saldu erosian berakin, eta irabazi zituen beste bost.

        17. Orobat bi artu zituenak ere, irabazi zituen beste bi.

        18. Bat artu zuenak berriz, joanik aitzurtu zuen lurrean, eta gorde zuen bere jaunaren dirua.

        19. Denbora askoren buruan berriz, etorri zan morroe aien jauna, eta egin zituen kontuak berakin.

        20. Eta alderaturik bost talentu artu zituena, eskeñi zizkion beste bost talentu, esaten ziola: Jauna, bost talentu eman ziñizkidan, ona emen beste bost aiez gañera irabazi ditut.

        21. Esan zion bere Jaunak: Ederki morroe ona eta leiala, gutxian leiala izan zeralako, askoren gañean ipiñiko zaitut, sartu zaite zure jaunaren pozean.

        22. Alderatu zan bada bi talentu artu zituena ere, eta esan zion: Jauna, bi talentu eman ziñizkidan, ona emen beste bi irabazi ditut.

        23. Esan zion bere Jaunak: Ederki morroe on, eta leiala, gutxian izan zeralako leiala, askoren gañean ipiñiko zaitut, sartu zaite zure Jaunaren pozean.

        24. Alderatzen zala bada talentu bat artu zuena ere, esan zion: Jauna, nik dakit gizon zorrotza zerala, itaitzen dezu, ereiñ ez zenduan lekuan, eta biltzen dezu barreatu ez dezun lekuan.

        25. Eta beldur izanik joan nintzan, eta ezkutatu nuen zure talentua lurrean, ona emen non dezun zurea dana.

        26. Eta erantzunaz bere Jaunak, esan zion: Morroe gaiztoa, eta alperra, baekien ik itaitzen dedala ereintzen ez dedan lekuan, eta biltzen dedala, barreatu ez dedan lekuan:

        27. Bear uen bada eman ere dirua irabazian, eta ni etorten niñoanean artuko nikan egiaz nerea dana obariarekin.

        28. Kendu zaiozute bada talentua, eta eman zaiozute amar talentu dituenari.

        29. Zeren duen guziari emango zaio, eta izango du ugariago, ez duenari ordea, duela uste duena ere, izango zaio kendua.

        30. Eta morroe gauza eza, bota ezazute kanpoko illunetara, an izango da negarra, eta ortzen garraskotsa.

        31. Datorrenean bada gizonaren semea bere aunditasunean, eta Aingeru guziak berarekin, orduan eseriko da bere aunditasuneko alkian.

        32. Eta bilduak izango dira bere aurrean jende guziak, eta banakatuko ditu elkargandikan, artzaiak banakatzen dituen bezela ardiak antxumeak gandik.

        33. Eta ipiñiko ditu ardiak egiaz bere eskuietatik, antxumeak ordea ezkerretatik.

        34. Orduan esango diote erregek bere eskuietatik egongo diranai: Atozte, nere Aitaren bedeikatuok, artu ezazute munduaren asieratik zuentzat prestatuta dagoan zeruko erreiñua.

        35. Zeren gose nintzan, eta eman ziñidaten jaten; egarri nintzan, eta eman ziñidaten edaten; arrotza nintzan, eta etxean artu ninduzuten.

        36. Billosa nengoan, eta estali ninduzuten; gaxo nentzan, eta ikusi ninduzuten; itxian nengoan, eta ikustera etorri zintzazkidaten.

        37. Orduan erantzungo diote onak, esaten diotela: Jauna, noiz ikusi zindugun gosetua, eta eman giñizun jaten; egarritua, eta eman giñizun edaria?

        38. Eta noiz ikusi zindugun arrotza, eta etxean artu zindugun; edo billosa, eta estali zindugun?

        39. Edo noiz ikusi zindugun gaixoa, edo itxian, eta etorri giñan zuregana?

        40. Eta erantzunaz erregek, esango diote: Egiaz esaten dizutet, nere anaia txikien oietako bati egin ziñiotena, neri egin ziñidaten.

        41. Orduan esango diote ezkerretatik egongo diranai: Zoazte nigandik madarikatuak betiko sutara, prestatuta dagoanera deabruarentzat, eta bere Aingeruentzat.

        42. Zeren gose nitzan, eta ez ziñidaten eman jaten; egarri nintzan, eta ez ziñidaten eman edaten;

        43. Arrotza nintzan, eta ez ninduzuten etxean artu; billosa nengoan, eta ez ninduzuten estali; eri, eta itxian, eta ez ninduzuten ikusi.

        44. Orduan erantzungo diote berak ere, esaten dutela: Jauna, noiz ikusi zindugun gosetua, edo egarritua, edo arrotza, edo billosa, edo eri, edo itxian, eta ez giñizun lagundu?

        45. Orduan erantzungo diote, esaten diotela: Egiaz esaten dizutet: Txikitxo oietatikan bati egin ez ziñiotenean, neri ere ez ziñidaten egin.

        46. Eta joango dirade oiek betiko oñazera; onak berriz betiko bizitzara.

OGEITA SEIGARREN KAPITULUA

Jesusen Pasioaren asiera

        1. Eta gertatu zan, akabaturik Jesusek itzaldi guzi oiek, esan zioten bere ikasleai:

        2. Badakizute bi egunen buruan Paskoa egingo dala, eta gizonaren semea saldua izango da gurutzean josia izateko.

        3. Orduan bildu ziran apaiz buruak, eta erriko zarrak Apaiz Nagusiaren, Kaifas zeritzanaren atarian:

        4. Eta biltzarrea egin zuten Jesus marroz arrapatzeko, eta iltzeko.

        5. Esaten zuten ordea: Ez jai egunean, matxiñadaren bat errian atera ez dedin.

        6. Zegoala berriz Jesus Betanian Simon legenartiaren etxean,

        7. Alderatu zan beragana emakume bat zuela alabastrozko ontzi bat ukendu baliotzoz betea, eta isuri zuen bere buruaren gañera, etziñik zegoanarenera.

        8. Ikusirik ordea ikasleak, aserretu ziran, esaten zutela: Zertarako galtzapen au?

        9. Zeren saldua izan zitekean au garesti, eta emana eskaleai.

        10. Jakiñik ordea Jesusek, esan zioten: Zergatik atsekabea ematen diozute emakume oni? Egite ona ezen egin du neregan.

        11. Zeren beti dituzute eskaleak zuekin, ni ordea beti ez nazute.

        12. Isuririk ezen onek ukendu au nere gorputzean, ni obiratzeko egin du.

        13. Egiaz esaten dizutet, nonnai predikatua izan dedilla ebanjelio au mundu guzian, esango da ere onek egin duena bere oroipenean.

        14. Orduan joan zan amabietako bat, Judas Iskariote zeritzana apaizen buruetara:

        15. Eta esan zioten: Zer nai didazute eman, eta nik salduko dizutet? Eta berak eskeñi ziozkaten ogeita amar diru zillarrezko.

        16. Eta geroztik billatzen zuen mugona bera eskuratzeko.

        17. Legami gabeko ogien lenbiziko egunean berriz, alderatu ziran ikasleak Jesusen gana, esaten ziotela: Non nai dezu gertutu dezazugun jateko Paskoa?

        18. Eta Jesusek esan zioten: Zoazte urian urliaren gana, eta esan zaiozute: Erakusleak dio: Nere denbora aldean dago, zure etxean egiten det Paskoa nere ikasleakin.

        19. Eta egin zuten ikasleak Jesusek agindu zioten bezela, eta prestatu zuten Paskoa.

        20. Etorririk bada arratsea, zegoan eserita maiean bere amabi ikasleakin.

        21. Eta berak jaten ari ziradela, esan zioten: Egiaz esaten dizutet, zuetako batek salduko nauela.

        22. Eta txit atsekabeturik, asi ziran bakoitza esaten: Ni ote naiz Jauna?

        23. Eta berak erantzunaz esan zuen: Sartzen duenak nerekin eskua plateran, onek salduko nau.

        24. Gizonaren semea badijoa egiaz, beragatik eskribatua dan bezela, baña doakabea gizon urarena, zeñak saldua izango dan gizonaren Semea; obe izango zaion, jaio ez balitza gizon hura.

        25. Eta erantzunaz Judasek, zeñak saldu zuen, esan zion: Ni ote naiz Erakuslea? Esan zion Jesusek: Zuk esan dezu.

        26. Apaltzen ari zirala bada berak, artu zuen Jesusek ogia, eta bedeikatu zuen, eta ebaki zuen, eta eman zien bere ikasleai, esanaz: Artu, eta jan ezazute, au da nere gorputza.

        27. Eta arturik edanontzia, eskerrak eman zituen, eta eman zioten, esanaz: Edan ezazute emendikan guziok.

        28. Au da ezen testamentu berriko nere odola, askogatik isuria izango dana, bekatuen barkaziorako.

        29. Esaten dizutet berriz, ez det edango oraindandik onetatik egun artaraño, edango dedaneraño zuekin berria nere Aitaren erreiñuan.

        30. Eta eskerrak emanik, irten ziran Olibeteko mendira.

        31. Orduan esaten diote Jesusek: Zuek guziok okerrerako bidea artuko dezute nigan, arratse onetan. Eskribatua da ezen: Joko det arzaia, eta sakabanatuko dira artaldeko ardiak.

        32. Piztutzen naizen ondoan ordea, zuek baño lenago joango naiz Galileara.

        33. Erantzunaz berriz Pedrok, esan zion: Guziak gaitzerako bidea artuko balute ere zugan, nik iñoiz ez det gaitzbiderik artuko.

        34. Esan zion Jesusek: Egiaz esaten dizut, arrats onetan ollarrak jo baño lenago, iru aldiz ukatuko nazula.

        35. Esan zion Pedrok: Zurekin il bear banu ere, ez zaitut ukatuko. Orobat beste ikasleak ere esan zuten.

        36. Orduan etorri zan Jesus berakin, Jethsemani deritzan baratzara, eta esan zioten bere ikasleai: Eseri zaitezte emen ara joan, eta erregutu dezadan bitartean.

        37. Eta arturik Pedro, eta Zebedeoren bi semeak, asi zan goibeltzen, eta antsiatua egoten.

        38. Orduan esan zioten: Goibel da nere anima il arteraño; zaudete emen, eta esnai egon zaitezte nerekin.

        39. Eta joanik aurrerasheago piska bat, auzpeztu zan bere arpegiaren gañean, otoiz egiten, eta esaten zuela: Ene Aita, al baldin bada, irago bedi nigandik kaliza au. Alaere, ez nik nai dedan bezela, baizik zuk bezela.

        40. Eta etorri zan bere ikasleakgana, eta arkitu zituen lo zetzazala, eta esaten dio Pedrori: Onela ezin izan zerate ordu batean esnai egon nerekin?

        41. Zaudete esnai, eta erregutu ezazute sartu ez zaitezten tentazioan. Espiritua egiaz prest dago, baña aragia argala.

        42. Berriz bigarren aldiz joan zan, eta erregutu zuen, esanaz: Ene Aita, ezin baditeke irago kaliza au, nik edan gabe, egin bedi zure borondatea.

        43. Eta etorri zan berriz, eta arkitu zituen lo zatzazala. Zeren zeuden beren begiak pisuak.

        44. Eta utzirik aiek, berriz joan zan, eta erregutu zuen irugarrenez, itz aiek berak esanaz.

        45. Orduan etorri zan bere ikasleak gana, eta esaten diote: Lo egin zazute onezkero, eta atseden zazute; ona emen alderatu da ordua, eta gizonaren semea ipiñia izango da bekatarien eskuetan.

        46. Ots jaiki zaitezte, goazen. Ona emen alderatu da etsaien eskuetan ipiñiko nauena.

        47. Oraindik bera izketan ari zala, ona emen Judas amabietako bat etorri zan, eta berarekin jende talde asko ezpatakin, eta makillakin, apaizen buruak, eta erriko zarrak bidalduak.

        48. Saldu zuenak berriz, eman zioten siñalea, esanaz: Musu ematen diodan edozein, hura da, eldu zaiozute.

        49. Eta bereala alderaturik Jesusengana esan zion: Agur Erakuslea. Eta musu eman zion.

        50. Eta esan zion Jesusek: Adiskidea, zertara etorri zera? Orduan alderatu ziran, eta eskuak ezarri ziozkaten Jesusi, eta eldu zioten.

        51. Eta ona non Jesusekin zeudenetako batek luzeturik eskua, atera zuen bere ezpata, eta zauriturik Apaiz Nagusiaren morroia, ebaki zion bere belarria.

        52. Orduan esan zion Jesusek: Biur zazu zure ezpata bere tokira, zeren ezpata artzen duten guziak, ezpataz galduko dirade.

        53. Uste al dezu ezin dizaiokedala erregutu Aitari, eta emango dizkidala oraintxe Aingeruzko amabi samalda baño geiago?

        54. Nola bada beteak izango dirade Eskriturak: Onela egiñak izan bear dutela?

        55. Ordu artan esan zioten Jesusek jende taldeai: Lapur baten gana bezala atera zerate ezpatakin, eta makillakin ni arrapatzera; egunoro nengoan eserita zuen artean erakusten elizan, eta ez ziñidaten eskurik ezarri.

        56. Au guzia bada izan zan egiña, beteak izan zitezten Profeten Eskriturak. Orduan ikasle guziak, utzirik bera, iges egin zuten.

        57. Eta berak zeukatela Jesus, eraman zuten Kaifas Apez nagusiaren gana, non Eskribak, eta zarrak bildu izan ziran.

        58. Pedrok berriz jarraitzen zion Apaiz nagusiaren atariraño. Eta sarturik barrena, zegoan eserita morroiakin, ikusteko atzena.

        59. Apaiz Nagusiak berriz, eta biltzarre guziak billatzen zuten lekukotasun gezurrezkoa Jesusen kontra, emateko bera eriotzarako.

        60. Eta ez zuten arkitu, alderatu arren lekuko gezurrezko asko. Atzenean ordea etorri ziran bi lekuko gezurrezko,

        61. Eta esan zuten: Onek esan zuen: Arrasatu dezaket Jainkoaren eliza, eta iru egunen buruan berriz egin.

        62. Eta jaikirik Apaiz Nagusia, esan zion: Ez dezu ezer erantzuten oiek zure kontra esaten dituzten gauzetara?

        63. Jesus ordea ixillik zegoan. Eta Apaizen Nagusiak esan zion: Otoiz menatzen zaitut Jainko biziaren izenean, esan zaguzula, zu zeran Kristo Jaungoiko biziaren semea.

        64. Esaten dio Jesusek: Zuk esan dezu. Baita ere esaten dizutet, emendik gutxi batera ikusiko dezute gizonaren semea eseria Jaungoiko indartsuaren eskuietatik, eta datorrela zeruko odoietan.

        65. Orduan Apaizen Nagusiak arraskatu zituen bere soñekoak, esaten zuela: Añenekoa bota du. Onezkero lekukoen zer premia degu? Ona emen non orain aditu dezuten añenekoa.

        66. Zer deritzazute? Eta berak erantzuten zutela, esan zuten: Eriotzaren obendun da.

        67. Orduan txistua bota zioten bere arpegira, eta ukabillakin jo zuten, besteak berriz masallekoak bere arpegian eman ziozkaten,

        68. Esaten zutela: Asma zaguk, Kristo, nor dek jo aukana?

        69. Pedro berriz zegoan eserita kanpoan atarian, eta alderatu zan beragana neskame bat, esaten ziola: Zu ere Jesus Galileakoarekin ziñan.

        70. Baña berak ukatu zuen guzien aurrean, esanaz: Ez dakit zer esaten denan.

        71. Irtenik ordea hura atera, ikusi zuen beste neskame batek, eta esaten zioten an zeudenai: Au ere zegoan Jesus Nazarethkoarekin.

        72. Eta berriz ukatu zuen ziñarekin: Ez dedala ezagutzen alako gizonik.

        73. Eta denbora labur baten buruan, alderatu ziran an zutik zeudenak, eta esan zioten Pedrori: Egiaz zu ere aietakoa zera, zeren zure izketak ere agertzen zaitu.

        74. Orduan asi zan biraoka eta zinka, ez zuela ezagututzen alako gizonik. Eta bereala ollarrak jo zuen.

        75. Eta oroitu zan Pedro Jesusen itzarekin, esan zionarekin: Ollarrak jo baño lenago, iru bidar ukatuko nazu. Eta irtenik kanpora, negar egin zuen saminkiro.

OGEITA ZAZPIGARREN KAPITULUA

Jesusen Pasioaren atzena Bere obiratzea

        1. Eta etorririk goiza, batzarrea egin zuten Apaizen Nagusi guziak, eta erriko zarrak Jesusen kontra, bera eriotzara emateko.

        2. Eta loturik eraman zuten, eta eman zioten Ponzio Pilato Judeako Agintariari.

        3. Orduan ikusirik Judasek, saldu zuenak, izan zala kondenatua biurtu ziezten ogeita amar diruak Apaizen Buruai, eta zarrai,

        4. Esanaz: Bekatu egin det, salduaz odol oben gabea. Eta berak esan zioten: Zer guri? Erorrek ikusi ezak.

        5. Eta botarik zillar diruak elizan, alde egin zuen, eta joanik urkatu zan.

        6. Apaizen Nagusiak ordea arturik zillarrezko diruak, esan zuten: Ez da zillegi botatzea berak elizdiru tokira, zeren odolaren saria da.

        7. Eta elkar aditurik, erosi zuten berakin eltzegille baten soroa, lurpetzeko arrotzak.

        8. Argatik deitu zitzaion soro hurari, Hazeldama, au da, odol soroa, gaurko eguneraño.

        9. Orduan betea izandu zan esana izandu zana Jeremias Profetaren bitartez, zeñak esaten duen: Eta artu zituzten ogeita amar diru zillarrezko, saldua izan zanaren saria, zeña izan zan Israelko semeak eskeñia.

        10. Eta eman zituzten eltzegillearen soroa gatik, Jaunak agindu zidan bezala.

        11. Jesus bada izan zan eramana Judeako Agintariaren aurrera, eta galdetu zion Agintariak, esanaz: Zu zera Juduen erregea? Esaten dio Jesusek: Zuk diozu.

        12. Eta izanik Apaizen Buruak, eta zarrak salatua, ez zuen ezer erantzun.

        13. Orduan esaten dio Pilatok: Ez dezu aditzen zenbat lekukotasun esaten dituzten zure kontra?

        14. Eta ez zion erantzun itz batera ere, alako modutan non, andizki arritu zan Eraentzallea.

        15. Egun andian bada, oituta zegoan Judeako Agintaria, erriari askatuta ematera, berak nai zuten, lotuta zegoan bat.

        16. Zeukan bada orduan lotuta ospetsu bat, Barrabas zeritzana.

        17. Bildurik bada aiek, esan zioten Pilatok: Zeiñ nai dezute askatu dizazutedan? Barrabas, ala Jesus, deritzana Kristo?

        18. Bazekien ezen, bekaikoz, eraman ziotela.

        19. Zegoala bada epai esertokian, bidaldu zuen beragana bere emazteak, esanaz: Ez gero justu orrekin eginkizunik artu. Bada gaur ametsetan gauza asko burura orren gatik etorri zazkit.

        20. Apaizen Buruak ordea, eta zarrak Barrabasen ganerazi zituzten erriak, eskatzeko hura Jesus berriz galtzeko.

        21. Erantzunaz ordea Agintariak, esan zioten: Bietako zeiñ nai dezute eman dizazutedan? Eta berak esan zuten: Barrabas.

        22. Esaten diote Pilatok: Zer egingo det bada Jesus, Kristo deritzanarekin?

        23. Diote guziak: Gurutziltzatua izan bedi. Esan zioten Eraentzalleak: Baña zer gaitz egin du? Eta berak geiago deadar egiten zuten: Gurutziltzatua izan bedi.

        24. Ikusirik bada Pilatok ez zuela ezer aurreratzen, baizik geituaz zijoala iskanbilla, arturik ura, garbitu zituen eskuak erriaren aurrean, esanaz: Kutsutu gabea naiz ni obenik gabeko onen odolean, zuek ikusi ezazute.

        25. Eta erantzunaz erri guziak, esan zuen: Bere odola gure gañera, eta gure semeen gañera.

        26. Orduan askaturik Barrabas eman zioten, eta azotaturik Jesus eman zioten izan zedin gurutziltzatua.

        27. Orduan Eraentzallearen soldaduak, artzen zutela Jesus, eta eramaten zutela auzigelara, bildu zuten beragana martizdi guzia.

        28. Eta billostzen zutela bera, granazko mantu bat jantzi zioten.

        29. Eta eotzen zutela koroa bat arantzakin, ipiñi zioten bere buruaren gañean, eta kanabel bat bere eskuian. Eta isekatzen zuten, esaten ziotela: Agur, Juduen Erregea.

        30. Eta txistu urtika ari ziradela berari, artu zuten kañabela, eta jotzen zuten bere buruan.

        31. Eta bera isekatu ezkero, kendu zioten mantua, eta jantzi zuten bere soñekoakin, eta eraman zuten gurutziltzatzera.

        32. Ateratzen ziradela ordea kanpora, arkitu zuten gizon bat Zirenearra, izenez Simon, oni artu eragin zioten Jesusen gurutzea.

        33. Eta etorri ziran, Golgota deritzan toki batera, zeña dan Buru ezur tokia.

        34. Eta eman zioten edaten ardoa beazunarekin nahasia. Eta dastaturik, ez zuen nai izan edan.

        35. Eta bera gurutziltzatu ezkero, berezitu zituzten bere soñekoak, suertea botaten zutela; betea izan zedin, esana izan zana Profetaren bitartez, zeñak esaten duen: Berezitu zituzten beren artean nere soñekoak, eta nere soñekoaren gañean bota zuten suertea.

        36. Eta eseriak zeudela, gordetzen zuten.

        37. Eta ipiñi zuten bere buruaren gañean, bere kausa eskribaturik: Au da Jesus Juduen Erregea.

        38. Eta orduan gurutziltzatuak izan ziran berarekin bi lapur, bata eskuietatik, bestea ezkerretatik.

        39. Eta andik iragoten ziranak iraintzen zuten, zerabiltzatela beren buruak,

        40. Eta esaten zutela: Adizak, Jainkoaren eliza arrasatu, eta iru egunean berriz egiten dekan orrek, ere burua libratu ezak, Jainkoaren semea baaiz, jetxi adi gurutzetik.

        41. Berebat Apaizen Buruak ere burlatzen ziotela Eskribakin, eta zarrakin, esaten zuten:

        42. Besteak libratu zizkian, bera ezin dek libratu. Israelko errege badek, jetxi zeadilla orain gurutzetik, eta sinistatuko zioagu.

        43. Jaungoikoagan zuen ustea, libratu dezala orain, maite badu, zeren esan zuen: Jaungoikoaren semea naiz.

        44. Eta berarekin gurutziltzatuta zeuden lapurrak ere, orobat isekatzen zuten.

        45. Eguerdiko amabietatik berriz, izan ziran illunak lur guziaren gañean, arratsaldeko iruretaraño.

        46. Eta arratsaldeko irurak alderatu ziradenean deadar egin zuen Jesusek boz andi batekin, esanaz: Eli, Eli, lamma sabakthani? Au da, Ene Jainkoa, ene Jainkoa, zergatik utzi nazu?

        47. An zeuden batzuk bada, au aditurik, esaten zuten: Eliasi deitzen ziok onek.

        48. Eta bereala korrika joanik beretako batek, artu zuen arroki bat, bete zuen ozpiñez, eta ipiñi zuen kanabel baten erpiñean, eta ematen zion edaten.

        49. Besteak berriz esaten zuten: Utz, ikusi dezagun ote datorren Elias bera libratzera.

        50. Jesusek ordea, berriz deadar egiñik boz aundi batekin, eman zuen atzenengo asnasa.

        51. Eta ona emen non elizako oiala urratu zan bi zatitan goienetik beeneraño. Eta lurra dardaratu zan, eta arriak zarrakatu ziran.

        52. Eta obiak idiki ziran, eta illak ziraden santu askoren gorputzak, piztu ziran.

        53. Eta ateratzen ziradela obietatik, beren piztze berriaren ondoren, etorri ziran uri santura, eta agertu zitzaizkan askori.

        54. Euntaria berriz, eta berarekin zeudenak zaitzen Jesus, ikusirik lur dardara, eta iragotzen ziran gauzak, beldurtu ziran andizki, esaten zutela: Egiaz Jaungoikoaren semea zan au.

        55. Zeuden berriz an emakume asko jarraitu ziotenak Jesusi Galileatik, serbitzen zutela bera.

        56. Zeintzuen artean zegoan Maria Madalena, eta Maria Santiagoren, eta Joseren ama, eta Zebedeoren semeen ama.

        57. Allegaturik bada arratsea, etorri zan gizon aberats bat Arimateakoa, zeritzana Jose, zeña ere zan Jesusen ikaslea.

        58. Au joan zan Pilatoen gana, eta eskatu zion Jesusen gorputza. Orduan Pilatok agindu zuen emana izan zekiola gorputza.

        59. Eta arturik gorputza, Josek bildu zuen maindire garbi batean.

        60. Eta ipiñi zuen bere obia berri, arri bizian idiki erazi zuenean. Eta estali zuen arlosa aundi batekin obiaren sarrera, eta joan zan.

        61. Zegoan berriz an Maria Magdalena, eta beste Maria, eseriak obiaren aurrean.

        62. Beste egunean berriz, zeña dan Prestaerako egunari darraikana, bildu ziran Apaiz buruak, eta Fariseoak, eta joan ziran Pilatoen gana.

        63. Ziotela: Jauna, oroitzen gera, gezurti ark esan zuela oraindikan bizirik zegoala: iru egunen buruan biztuko naiz.

        64. Agindu ezazu bada, zaitua izan dedilla obia irugarren eguneraño. Benturan etorri ez ditezten bere ikasleak, eta ebatsi ez dezaten, eta esan ez dizaioten jendeari: Biztu zan illen artetik, eta izango da azkeneko utsegitea gaiztoagoa lenbizikoa baño.

        65. Esan zioten Pilatok: Badituzute gordetzalleak, zoazte, gorde ezazute dakizuten bezela.

        66. Berak berriz joaten ziradela, ertsi zuten obia, silluturik arria, gordetzalleakin.

OGEITA ZORTZIGARREN KAPITULUA

Jesusen piztzea illen artetikan Agertzen zaiote emakume onai, eta ikasleai Nola bidaltzen dituen bere Apostoluak

        1. Larunbataren arratsaldean bada, beste astearen lenbiziko egunaren egun sentian, etorri ziran Maria Magdalena, eta beste Maria ikustera obia.

        2. Eta ona emen non lurrikara andi bat egin izan zan. Zeren Jaunaren Aingerua jetxi zan zerutik, eta alderaturik irauli zuen arlosa, eta zegoan eserita bere gañean.

        3. Zan berriz bere arpegia tximista bezelakoa, eta bere soñekoa elurra bezelakoa.

        4. Bere beldurraz berriz, izutu ziraden gordetzalleak, eta illak bezelatu ziran.

        5. Eta asirik izketan Aingerua, esan zioten emakumeai: Ez ezazute beldurrik iduki zuek; badakit ezen, Jesus gurutziltzatua izan zana billatzen dezutela.

        6. Ez dago emen, piztu da ezen, esan zuen bezela. Atozte, eta ikusi ezazute tokia, non izan zan ipiñia Jauna.

        7. Eta laster joaten zeratela, esan zaiozute bere ikasleai, piztu dala, eta ona emen non dijoan zuen aurretikan Galileara, an ikusiko dezute. Ona emen non lenagotikan esan dizutedan.

        8. Eta atera ziraden bereala obitikan, beldur eta poz aundiarekin, korrika zijoazela adiraztera bere ikasleai.

        9. Eta ona emen non Jesus bidera irten zitzaioten, esanaz: Jaungoikoak gorde zaitzatela. Aiek berriz alderatu ziran, eta eldu zioten bere oñetatik, eta adoratu zuten.

        10. Orduan esan zioten Jesusek: ez zaitezte beldur izan, zoazte, eta esaiezute nere anaiai, dijoazela Galileara, an ikusiko naute.

        11. Emakume aiek joan ziradenean, ona emen non gordetzalletako batzuek etorri ziran urira, eta adierazo zizkioten Apaizen Buruai, gertatu ziraden gauza guziak.

        12. Eta bildurik zarrakin, elkar aditurik, dirutze aundi bat eman zioten soldaduai,

        13. Esaten zietela: Esan zazute, bere ikasleak etorri zirala gauez, eta ebatsi zutela, gu lotan geundela.

        14. Eta Eraentzalleak aditua izango balitza au, guk sinistu eragingo diogu, eta zaituko zaituztegu.

        15. Eta aiek, arturik dirua, egin zuten, erakutsiak izan ziran bezela. Eta barreatu zan itz au Juduen artean gaurko eguneraño.

        16. Amaika ikasleak bada joan ziran Galileara, Jesusek agindu zioten mendira.

        17. Eta ikusi zutenean bera, adoratu zuten, baña batzuk zalantzan zegozten.

        18. Eta alderaturik Jesus, itz egin zioten, esanaz: Emana izan zait neri eskubide guzia zeruan, eta lurrean.

        19. Joaten zeratela bada, eman zaiozkatzute erakutsiak jende guziai, bataiatzen dituzutela Aitearen, eta semearen, eta Espiritu Santuaren izenean.

        20. Erakusten dieztezutela berai, gordetzen, agindu dizkizutedan gauza guziak. Eta ona emen non ni zuekin nagoan egun guzietan munduaren azkeneraño.

SAN MATEOREN EBANJELIOARI ADIGARRIAK

        K.1.B.18. Elkarganatu baño lenago. Ez du iñork emendik atera bear, gero aragiz elkartu zirala, zeren beti garbi bizi izan ziran. San Jeron.

        K.1.B.25. Egin zuen bitartean. Emendik ere ezin atera lezake, gero elkartu zirala. S. Jeron.

        K.1.B.25. Lenbizi sortua. Itz onek esan nai zuen Juduen artean, lenago besterik izan gabea. S. Jeron.

        K.2.B.1. Magoak. Onela deitzen zitzaioten jakintsuai, batezere izar eta zeruko beste gauzetan. Emen aipatzen diranak ziran erregeak, edo errietako agintariak.

        K.2.B.4. Eskribak: Lege jakintsu eta Erakusleak.

        K.3.B.11. Suan: karidadekoan. San Juan Krisost.

        K.3.B.12. Larraña. Eliza da larrañ bat, aotsa eta gari alea, au da, onak eta gaiztoak nasturik daudena. Egunen baten izango dira berezituak. S. Agust.

        K.3.B.15. Zuzentasun guzia. Au da, Aita zerukoaren erabagi eta aginte guziak. S. Juan Krisost.

        K.5.B.19. Esan nai du, ez dala sartuko zeruan. S. Agust.

        K.5.B.29. Au da, eskuia eta begia bezin gauza bearrak. S. Hilar. S. Hieron.

        K.5.B.34. Premia gabe; baña bai egiarekin, zuzentasunarekin eta premiarekin. Hierem. K.4.B.2.

        K.6.B.25. Emen eragozten da ajola geiegia. S. Tom.

        K.8.B.20. Eskriba onek jarraitu nai zion Jesusi, munduko ondasun eta agintaritzen itxaropenarekin. S. Juan Krisost.

        K.9.B.16. Irudi onekin adirazten diote Jesusek bere ikasleai, ez zirala oraindikan, zeruko bidean aurreratuak daudenen irakatsi eta egiteen duiñak. S. Juan Krisost.

        K.9.B.24. Au da, Jesusek biztu lezakeala, lo datzan bat esnatzen dan erraztasunarekin. S. Juan Krisost.

        K.10.B.34. Ezpata: iltzeko nor beraren amorio eragabea, mundu gaiztoa, eta aragia. San Juan Krisost.

        K.11.B.14. Bera da Elias. Ez izatez, baizik lantegian. S. Greg.

        K.12.B.31. Ez da izango parkatua. Esan nai du, nekezago parkatua izango dala, zeren ez dago pekaturik barkatua izan ezin lezakeanik. S. Juan Krisost.

        K.12.B.46. Anaiak, au da, senide urkoak. Kalm.

        K.13.B.12. Asko artu eta ongi erantzuten dutenai, ugaritu zizte: gutxi artu eta gaizki erantzuten dutenai ordea, urritu. S.Agust.

        K.15.B.11. Aoan sartzen danak... Ez baldin bada Jaungoikoaren legeak edo Elizak galerazia. Duamel.

        K.15.B.13. Irakatsi ta siniste gaizto guzia. S. Jeron.

        K.15.B.24. Etorri zan guzien onerako, baña bakarrik Israeldarrai izan zitzaten eskañia. S. Agust.

        K.16.B.19. Giltzak, au da, bekatuak parkatzeko edo ez parkatzeko eskubidea. Natal. Alex.

        K.16.B.23. Satanas. Galerazitzen didazu egitea Jaungoikoak nai duena. Duam.

        K.17.B.12. Orain eta len esaten du egia: zeren orain aipatzen du Juan Bautista eta leen Elias Profeta. S. Krisost.

        K.18.B.10. Beren Aingeruak, salatuko dituzte Aita Zerukoaren aurrean. Natal. Alex.

        K.18.B.22. Irurogeita amar bidar zazpiraño: esan nai du, beti. S. Jeron. S. Agust.

        K.19.B.12. Zeruetako erreñua gatik... Irenduak, ez gorputzak, baizik gura zikiñak. S. Agust.

        K.20.B.15. Begia gaiztoa, aditzen da, ondamua. Prob. 6.

        K.20.B.28. Askoren: guzien. S. Pabl. 2.ad. Korinth. K.5.B.14.

        K.21.B.44. Arri au Jesukristo da. S. Agust.

        K.22.B.11. Eztai jantzia da karidadea: au ez duena izango da aldendua onen artetik juizioko egunean. Duam.

        K.23.B.9. Ez du galerazitzen Jesusek gurasoai Aita deitzea, baizik adirazi zeruan degula Aita obe bat, Krisost.

        K.24.B.24. Au da, bizturik Jesus, zein dan gorputza, santuenak ere bizturik eta berriztaturik arranoak bezela, inguratuko dutela. S. Hilar.

        K.26.B.25. Zuk esan dezu. Juduen artean adirazten zuten: Bai, ala da. Duam.

        K.27.B.3. Damuturik. Judasen damua etzan izan ona, zeren etzion lagundu itxaropenak. S. Agust.

        K.27.B.34. Edari au zan zentzunak konkortzeko, eta onela penak ez sentitzeko: orregatik etzuen edan Jesusek. Natal. Alex.