5. Adanen eskaria

bilutsik

narru gorrian

hutsaren

eta nire odolaren jabe

egia osoa eskatzen dut

justizia osoa eskatzen dut

hutsaren jabe

karraxiaren jabe

desesperazioaren jabe

nik —Adanek—

eskatzen dut

ez nire abokatuak

ez nire amak

ez nire enplegoak

nik —Adanek—

eskatzen dut

bilutsik

kateen jabe

haizearen jabe

ezerezaten jabe

egia osoa eskatzen dut

behin ta betiko

nire hitzaren indarrarekin bakarrik

erantzuna zor zait

nondik, zeinek

ez dakit

biluts

eta odolaren jabe sortu nauenak

jakin behar luke

eta inork ez banau sortu

nik sortuko dut nire sortzailea

eta bitartean

bilutsik

eta hutsaren

eta nire odolaren jabe

lurrean etzanda

lurraren aurka

egia osoa eskatzen dut

justizia osoa eskatzen dut

behin ta betiko

hire hitzaren indarrarekin bakarrik.