3. Adanen bidea

Paradisuko atea utzi ondoren

biderik ez zegoen lurrean.

Adan aurrera begira jarri zen

eta zuen galdetu:

nora joan orain hemendik?

Eta ez zuen erantzunik aurkitu.

Zain ta zain egondu zen.

Eta ez zuen erantzunik aurkitu

Joaten hasi zen

joaten

Paradisutik urrungo norabait

urrun

nora ezean

Zerbaiten nahiak bultzatzen zion

Bazegoen bideren bat beretzat egina.

Begiak ilun utzi zizkion

aingeruaren su madarikatuak.

Ilunpe hartan

bere haragia galdera bat zen

Paradisua zergatik utzi zuen ere

ia ia ahaztu egin zitzaion.

Goazen hemendik —esan zuen Adanek.