17. Adan primitiboa

Urrun hartan

urrunera begira

Adanen gogoa oroitzapenez estali zen:

aintzinako zuhaitzak

aintzinako frutuak

aintzinako aingeruak

Urrun hartan

urrunera begira

oroitzapenak nagusitu zitzaizkion Adani

Eta Adan primitiboaren arnasa etorri

Adan primitiboa

gogo zaharra

aintzinako izatea

lehengo bizitza

betiko egia

aspaldiko sentipena

eguzkiaren semea

lurraren jauna

Gizon primitiboa

Gizon simplea

Gizon betikoa

Gizon oraingoa

Gizon gizona

Bi oin, bi esku

bi begi, buru bat

gorputz tente bilutsean

instinto eder bat

Bular zabalean haize betea

Zainetan odol gorri mantsua

Pentsamenduz jantzitako burua

Gizon eder, gizon primitiboa

Gogo bat

Bizitze bat

Mundu bat

Gizon bat

Hitz gabeko egiak

eta sentimendu gabeko maitasunak;

aintzinako eskolan ikasitako gauzak

irakaspen gabeko legeak

Anima zahar baten jabe izanik

betiko eguzkiaren adoratzaile

sentipen sakratuzko gogo garbia

errukirik gabeko eskaria

sinismen osoa

bizitzearen mitoa

Olatu mantsu bat bare bare

Olatu zabal bat bare bare

Guzti-guztia iberarengan

Neurri gabeko instinto betetzailea

Gizadiaren lege zoragarria

Hantxe

ezerezean

bat batean

egun batez

zoramenduz

gogoa sortu zen

gogo aintzinakoa

aintzin-aintzinakoa

gogo sakratuaren sua

gizonaren gogoa, Adan

Eta eguzkiaren indarra xurgatuz

Eta hilargiaren argitan garbituz

gogo aspaldiko hura

gogo nahastu hura

olatu zabal bihurtu zen

nahiaren mende

nahiaren mende sekulako

gizadi osoaren kimu

gizadi osoaren jabe

egarri zabala

Aspaldi hartan

mirakulu hura gertatu zen

gizaldien harrigarri

Aspaldi hartan

lurra gelditu egin zen

aizea ixildu egin zen

eta gogo gizakoia jaio zen

gizadiaren errai-erraietatik

Eta mututasun hartan

Eta itsutasun hartan

gogo hark eskuak zabal zituen

eta besarkatu egin zuen

zen dena

arnasa batetan

agur batetan

Une sakratu hartan

gogo belaunikatu hark

guztia agurtu zuen

ezin besteko maitasunez

derriorrezko instintoz

Izate zahar-zahar baten errai-erraietan

gizonaren gogoa

aintzin-aintzinako gizon primitiboaren

gogoa luze etzan zen

betetasunez

eta adoramenduz

lurraren frutu

misterio izkutuaren adoratzaile

izatearen adoratzaile

mitoaren animaz

momentuko eternidadez

Hitz gabean

Begi gabean

Belarri gabean

Ikutze gabean

Hantxe

gogo huts hura

izan nahi izaten hasi zen

desio ikaragarri batetan

eta bere nahiaren legepera

makurtzen hasi ziren gauzak

Nahi ta izan

erabateko betetasun

ta desio kunplitu

pentsamendu bakarreko gogo sinple

amets gabeko zorion

gogo aintzinako

Adanen gogoa