21. Adanen inozentzia

Bat batean

—momentu zoragarria—

uso zuri baten romantizismoz

eta ekaitz baten erasoz

Adanek

garbitasunaren oroitza sentitu zuen

aspaldiko melodia

triste baten eran

Ausentzia urrun bat

haragi bihurtu zitzaion

Adanek

—miloika urte atzera—

ume izan zela sentitu zuen

eta umearen garbitasuna

nagusitu zitzaion

Adanen oroitza handitzen handitzen

errebelazio bat edukiz bezala joan zen

Nork ez du maite inozentzia?

—galdetu zuen Adanek

Nork ez du gorrota grina, grina errea?

Ta ez dio inporta zergatik

Egun hartan, Adanek

zihur zihur eta betirako jakin zuen

inoiz ez zuela inozentzia galdu

ezin zezakeela ezerk

Adanen bihotza zikindu