Hogeitaseigerren jelkhaldia

 

Jelkhi Lajaunie, Marceau, Deschamps, Leriche, exker.

 

        Lajaunie

Lan egitera direla

Ziberuan abiatzen,

Ardüra egün hoietan

han eta hor die aiphatzen.

 

        Marceau

Erran horiek dititzat

entzünik aspaldixkuan;

Horra zentako gei düdan

harat egoitera juan.

 

        Deschamps

Bethik ere hun ziküzü,

lagüngüa delarik,

Irabazi handixkuak

elkh ditzagün diren lekhütik.

 

        Leriche

Saltzeko beita borda bat,

berehala dit erosten,

Eta hareki botian

lür phuxka bat dit hartüren.

 

        Deschamps

Herrian behin jar eta

erres dükezü lotzia:

Lagünguak ükhen eta

erres ere azkartzia.

 

        Marceau

Hanko Ziberotar hoiek

eztie nahi arrotzik;

Begitharte eijer arren

ikhus dezen gütarik.

 

        Lajaunie

Bethik badüzü ahala

saihetsetarik sartzia,

Aminixtraziunian

khideko edireitia.

 

        Leriche

Urthe zunbait dizügü

ükhena baliatüko,

Hantik gero nurapait

beste soskara juaneko.

 

Zeren ez tügü goguan

herriaren zerbütxia,

Bena ahal dügün bezaiñ

sosaren baliatzia.

 

Sar Pette, Phordoi, Xilhanko, esküiñ.

 

        Pette

Adixkidiak, iratzar

ta egon erne geroko,

Guaita bezala beitira

hebenko gaizen jateko.

 

        Phordoi

Aztaparrak tzorrotz titzie:

bethik hola dütükezü:

Orotarik bat batetan

jauzi nahian dütüzü.

 

        Xilhanko

Arrunt egürüki gabe

guatzan oro bühurtzera,

Hoik herriaren jabe

ez othoi ütz lehentzera.

 

        Pette

Debrin ez deüs hiotiak,

ez düzie hola eginen:

Sosa badüzielakoz

herria ez erosiren.

 

        Phordoi

Nahian zideie orai

gure bizitzia eho,

Lillüratürik herria

düziela etxekiko.

 

Hilabete batez üdan

biziko da agorrilan?

Urthe arrastarentako

izanen da ülhünpian.

 

        Xilhanko

Mihian düzie ükhen

dena hun dela zientako,

Herriari düziela

hazkürria emaneko.

 

Eta holaz düziela

orori lan eskentüko,

Herriko sal-erospenak

ere handiaraziko.

 

Zien bihotzen erditan

düzie gorde gezürra,

Baiezik eta zidela

gü orori etxekara.

 

Ekharrarazten dütüzie

pettarretik langiliak,

Hürrüntik ere harginak

eta argi-ezarliak.

 

        Pette

Ahalke etzideia,

ttipi girela zientako?

Lehertüko zütiegü

agertü beitzide otso.

 

Ziek besten bizkar zide

bizi izan bethi danik;

Bestiak oro dütüzie

etxekitzen zaphatürik.

 

Aldi huntan etzidie

hürrünago ezkapiren,

Eskü hoietzaz zideie

orai heben eroriren.

 

Egin güdüka. Etsaiak hil.

 

        Pette

Zien gatik günükia

behar galdü izatia,

Ta egün lizatekia

soltadüraren galtzia?

 

Satanek eraman etsaiak.

 

        Pette (khanta)

Eskerrak diotzüt nik egün

zelüko Jinko Jaunari,

Gure güdüka gaitzetan

lagüngüa dü ekharri.

 

Etsai hanitx aizatürik

geruari so gabiltza,

Herrian huntarzün bethik

oroek dezagün gora.

Lagünak erretira.