Hogeitahirugerren jelkhaldia

 

Jelkhi Pette, Ezpondabürü, Kharrikabürü,

Akhoze, esküiñ.

 

        Pette

Berritzapen egiteko

lagüntza galtheginik dit;

Zerbait okher delakuan,

paperak ützültzen diztatzi.

 

Aski beno haboro dit

nahaskeria horietzaz,

Nihaur lanari lotzeko

enüzü egonen lüzaz.

 

        Ezpondabürü

Berhala berantü gabe

hola dügü egin behar;

Deüs ez egürük kanpotik

ta gure bizkar lana har.

 

Gaztiak orai beitira

herrian egon nahian,

Jeiki behar ginikezü

lantegi ere heiñian.

 

        Kharrikabürü

Aitzineko denboretan

ofizialdünak baziren,

Lotsa gabe oraikuak

eztireia ahal jarten?

 

        Akhoze

Badakit hebentik kanpo

zer den egün bizitzia,

Ta zieki egoitia

hartü dit arren xedia.

 

        Ezpondabürü

Aspaldian lagüngua

hanitx dizie aiphatzen,

Bethik aphürñi bat baizik

aldiz guri ez eskentzen.

 

        Kharrikabürü

Bakhotxian balinbada

nahiküntia lehenik,

Gure ametsak dirade

bertan izanen betherik.

 

        Akhoze

Ziberotarrek dizie

maite berebertarzüna;

Zentako ez egin behin

laneko alkhartarzüna?

 

        Pette

Erran bezala lagüntza

egürükitzen badügü,

Uste dit orano lüzaz

giratekiala haidürü.

 

Bestalde egon gitian

lothürik izatiari,

Gure jakitatiari

ta gure mintzajiari.

 

        Akhoze

Hori bagünü güziek

oro untsa jun litezü,

Herria ta herritarrak

salbatürik litakezü.

 

        Kharrikabürü

Zunbat dirade ahalke,

zunbat ere ükhazale!

Ta izaten ahal deia

nur haiñ behera aphaltze?