Lehen jelkhaldia

 

Jelkhi Borttol eta Maitena Basabürü, esküiñ.

 

        Maitena

Gai eta egün Xaxi dit

thai gabe alhen goguan,

Hiri handila beitzaikü

juanik aspaldixkuan.

 

        Borttol

Orano berri dizkützü

berri hunak igorririk:

Eztüzü, Maitena, zertzaz

hola erreüs izaterik.

 

        Maitena

Xaxi da gure alhaba

eta düzü gure haurra;

Lüzaz badikezü arren

orano gure beharra.

 

Haiñ hürrün düzü galdürik

oraiko egün tzarretan,

Ta nuiz nahi heltübada

jarririk beharrünetan.

 

        Borttol

Gaixtua jinen zaiküla

eztü behar gogulatü;

Hortan egoiten bagira

bizitze hunik eztüzü.

 

        Maitena

Zihaurk ere badakizü

nula joiten dian minak

Eta lotzen zitzaizküla

zalhetto eritarzünak.

 

Hiri handi hoietan

zer nahigabe da heltzen,

Doi doia gure herrian

beitütügü borogatzen.

 

Entzüten düzü gaintika

destorbiak kharriketan,

Itsuskeria, uhuiñtza,

kolpatze ere orotan.

 

        Borttol

Bena eztizügü behar

gaiza horier phentsatü,

Zeren, heben, han bezala,

oro agit ditaketzü.

 

        Maitena

Phekü handi hanitx zaie

erorten pe horietan,

Gure alhaba, bentüraz,

izan daite galbidetan.

 

        Borttol

Itsas naiaka badüzü

hirietan bizi jente:

Zentako gure alhaba

baztertü behar litzate?

 

        Maitena

Zalhe die lagün gaixtuek

hun beratiarra bildürik

Eta enjeiñü ziezü

ikhustia eroririk.

 

        Borttol

Xaxi haur huna dizügü

untsa beita altxatürik,

Eta berjabe delakoz

ezta zeihartzen bidetik.

 

        Maitena

Batere aiher izan gabe

okherra ziküzü jiten:

Telebixta aitzinian

haiñbeste beniz ni lazten.

 

        Borttol

Holako odol gaixtorik

etzazüla egin othoi!

Gure bizitze orotan

egon gitian bihoztoi.

 

Udan bertan lanartetan

jinen ziküzü etxerat:

Eztit uste junnen dela

berhala heben tik harat.