Hirugerren jelkhaldia

 

Jelkhi Addar eta Tusuri Satanak

 

        Addar

Tusuri, üdüri zitak,

ehait haboro ikhusten;

Nitarik hürrün egoitez

zer othe deitak gordatzen?

 

        Tusuri

Jauna, lan gaitzetan nüzü

thai gabe egünak oso,

eztezazüla uste ükhen

egiten düdala nik lo.

 

        Addar

Bai, bai, izaten ahal dük,

bena eztük ez ageri;

Burrunbak handi badützak

ebakitzen dük saill güti.

 

        Tusuri

Bena huni edo horri

nula loth nintake?

Zeren bazter orotarat

badit bethi indarkatze.

 

        Addar

Hor dük hor ogen handia:

eztük nihuiz ikhasiko!

Aphürri arren loth hadi

lan hun baten egiteko.

 

        Tusuri

Bethidanik zira, Jauna,

zü orotan ene nausi;

Eginen dit zük errana:

orai beha nüzü zuri.

 

        Addar

Entzün düka Basabürü

bai eta Basabürüsa?

Pette, potiko gaztia,

entzün düka, errak, phutsa?

 

        Tusuri

Xaxiri zer heltüko den

arrenküra badizie:

Holako franko badüzü

lürra bethatzen beitie.

 

        Addar

Hor dük, gaizo totolua,

guri jiten zaikün phasta:

Ta Xaxiren galerazten

berhala gitian planta.

 

Horiek ahatz ditzadan

lana hasi beno lehen,

Emaiteko txistian nük

hireki jauzi zunbaiten.

 

Dantza.

 

        Tusuri

Bihotzaren azkartzeko,

ni ere, ala brintxua!

Bi ürhatsen emaitera

zütarik landa banua.

 

Dantza.

 

        Addar

Zankuak gano hunian

beitütügü biek egün,

Phüntü horik arhinki

hortxetan eman ditzagün.

 

Biak dantza.