Hamabostgerren jelkhaldia

 

Jelkhi Maitena eta Borttol, Eiheralt eta eiheraltsa, esküiñ.

 

        Borttol

Zien semia dizügü

orai berian ikhusi;

Boztariatü gütüzü

etxen beitükegü nausi.

 

        Maitena

Hau beno hoberagorik

ükheneko güniala

Etzaikü batari ere

orano jin büriala.

 

        Eiheraltsa

Hala hala gü ere

boztariatzen gütüzü,

Emaztegei hoberena

herrian beitü haitatü.

 

Haiñbeste neskatila da

herritik kanpo juaiten:

Hun ziküzü ikhustia

zunbait direla egoiten.

 

        Maitena

Tipi ttipitik dizügü

erakatsi alhabari

Orozbatkoz bizi ledin

etxekara herriari.

 

        Berttol

Eta etxenko ginizün

gure haurra altxatü hor;

Basabürüko primari

dizügü etxaltia zor.

 

        Maitena

Basabüria bestordüz

Basabüria izan düzü;

Jagoitik ere ordian

Basabüria dükezü.

 

        Eiheralt

Ziberuko ohidürer

oso gira etxekiak;

Hargatik hala dirate

aitzina gure gaztiak.

 

        Maitena

Zühaiñ adarretik dira

bi txori hegaltatüko;

Ta zuiñ etxadi eijerra

dien biek egineko!