Bostgerren jelkhadia

 

Jelkhi Xaxi eta Izarra lagün bat, esküiñ.

 

        Izarra

Udüritzen zitadazü

arhin arhina zirela;

Segür nüzü zuretako

zerbait berri hun badela.

 

        Xaxi

Aisa atzamaiten naizü

egün ni boztariutan,

Zeren bertan banuazü

phausatzera lanartetan.

 

        Izarra

Bai, enthelegatzen zütüt;

zure ber xedetan nüzü.

Beste güziek bezala

merexi dügü deskantsü.

 

        Xaxi

Gure lan eta gaixtuak

aldi bat bazter ütz eta,

Guri ere hun ziküzü

herriaren gozaxeta.

 

        Izarra

Eta gure aitetamen

berriz ere. ikhustia,

Goiz arrats gure haidürü

arauz beitie asia.

 

        Xaxi

Egün oroz ari nüzü

ni bethik phentsamentükan

Hunako nizatianez

harat juan ordükuan.

 

        Izarra

Nihaur ere hortan nüzü

eta ez arrajiteko,

Ahal oroz lothüko niz

herrian lan ükheiteko.

 

        Xaxi

Heben düdan bizitziaz

eztik dolürik ükhenen,

Ez eta eniz haboro

handien menpe egonen.

 

Hürrün herriz-bestetzera

aitzinetik juan nintzan;

Enükezü aski ellho

arrajuaiteko geruan.