Hogeitabostgerren jelkhaldia

 

Jelkhi Addar eta Tusuri Satanak.

 

        Addar

Entzün diatzat aiñgüriak

aphez ments dela herrian,

Eta nigarrez dioie

dela galbide handian.

 

        Tusuri

Beste althekuak phenan

ikhusten dütügülarik,

Ezarten gitü, uste dit,

Satan, boztariatürik.

 

        Addar

Senditzen diat Ziberuan

bühürtü nahian direla;

Hartakoz heben-harat lo,

othoi, egon ehadila.

 

        Tusuri

Badakizü ihuiz ere

ekhüratzen enizala,

Ta ezin egonareki

bethik aidian nizala.

 

        Addar

Debrü Ziberotarreki

ehiz bertan phausatüren;

Ez dük ahal aitzinetik

jakiten zer den heltüren.

 

        Tusuri

Lan, lantegi, berritzapen,

han herritarrak berjabe,

Ziberuko jakitate

nahi die eta mintzaje.

 

Hoik oro gaiza baliusak

eta beharrünenak;

Engoitik biltzen dütie

herriko ahal güziak.

 

Zuiñ gaintitarat eztakit

orai ützüliko nizan

Ta berantegi dateke

egoiten baniz ezbaian.

 

        Addar

Arrotzak jinaraz itzak.

bestetarik sosareki.

Herria galdüren diagü

bere izatiareki.