Urdaneta-ko Andres aundiari
bere talluntzaren agerkeran

        (1904)

Seme jatorrak, o, Urdaneta,

egun pozgarri onetan,

makurtzen gera zure talluntza

goitituaren oñetan;

omen aundiko gizonak beti

izan dira euskaldunetan:

Elkano, Legazpi ta beste asko,

zu bereziya denetan.

Mejikotik joan ziñan

Filipiñetara,

itxumenian zeuden

baztar aietara;

gurutzearen argiz

zuk fedea para,

ta illunpetik irten

ziran argitara.

Urdanetako Andres

jakintsu aundiyak,

Billafrankako seme

aiñ miragarriyak,

ta zure lagun portitz

Legazpi argiyak,

bedeinka gaitzatzute

zerutikan biyak.

                Buenos Aires, junio de 1904