ILOBAÑO

                        Begi urdini seme bat sortu

Ilobaño begi urdin

Ene ametsek sortua,

Ilobaño bihotz arin,

Entzun Ottoren kantua.

Euskal-soinuz doakizu

Ene arima urtua;

Eta soinuz sendi zazu

Ottoren lehen musua.

Ez zinen-ta-jada nuen

Ezautzen zure bihotza,

Hain zitzaitan usu galtzen

Zuri amesten otoitza.

Zoin kartsuki ari nintzen

Moldarzen zure bihotza,

Eta sutzen ta maitatzen

Ni, zure Otto apeza.

Ilobaño maiteñoa,

Xurru-xurrungan lo ari,

Ilobaño so lañoa,

Loloan pentsa Ottori.

Ene ttiki-ttikiñoa,

Osoki Otto iduri,

Zato fite, maiteñoa,

Eta pott eman Ottori.

17-7-46