LEIHOAK HETS ETA...

                        Begi-beltx arreba

                        Komentuan sartuko?

Leihoak hets eta pitz hiru xirio,

Diogun: Gloria Patri et Filio...

        Ohe estalkiz jauntzirik

        Ni apez eta zu bettar,

        Gelan argiak pizturik

        Kantuz ginauden oro kar.

        Kamtuz ginauden ta kantuz

        Gogoa hegal eta su,

        Mundu huntarik airatuz

        Zeruan bezein dohatsu.

        Ez zait histuko sekulan

        Ez niri, ez eta zuri

        Haur-otoizño luze hoitan

        Piztu Amets kartsu hori.

Leihoak hets eta pitz hiru xirio

Diogun: Gloria Patri et Filio...

        Oi ene Jainko-lorea,

        Hets leihoak, utz mundua.

        Ene Jenofa maitea,

        Jainkoaren hautatua

        Apal, garbi eta arin,

        Amodioz zora ziten,

        Etor oraino nerekin

        Gauden gaur zeruz amesten.

        Bai etor eta Jainkoak

        Airez aire joanen ditu,

        Joanen gure bihozñoak

        Su, zorion eta kantu...

        Leioak hets eta pitz hiru xirio...

           Zato, arreba, zato!

    Diogun: Gloria Patri et Filio...

        Et Spiritui Sancto.

Baionarakoan, 4-5-44