BETIEREKOTZ ANAI!

                        Bi Garaztar fraidetu egunean

Zeru-korona horrekin zoin eder zaizten orai,

Bihotz-gogoak hoin hartsu, behakoa hoin arrai...

Ara nun garen gaur-goiti betierekotz anai!

Eskainiak dituzue hoin maite haur-xokoak.

Eskainiak ditutzue amodioz Garaziko gozoak

Eta suz ta zorionez piztu zauzte Jainkoak.

Ez zaizte bertzekin aiko ostatuetan kantuz

Bainan zer kantu beroak, mozkor Jainkoz ta zeruz,

Ditugun guk kantatuko, elgar funski maitatuz.

Maite zaituztet, anaiak, bihotz guziaz maite,

Besoak zerurat zabal, gogotik hil bainaite

Jainkoaren betearen beteaz zaizten bete...

14-8-44