XIRIORAT UKURTUAK...

                        Gaua. Negua. Kanpoan: aize, uri, galerna.

                        Elizan, ximixt-argirik ez.

Kaputxa buruan eta xiriorat ukurtuak,

                Ilunpean aitu gare

                Lehengo fraiden pare;

Xiriorat ukurtuak, xirultzen salmo kantuak.

Kanpoan aize burrunban, marruma eta hil-sistu;

                Elizan daldara-dantzan

                Zeru itzalak zabiltzan;

Kanpoan denek hil-sistu, eta guk kantu-ta kantu.

Jainkoraino gogoz joanak, ez ganikien nun ginen,

                Xirioa xoraturik

                xortaka zoakularik...

Ez ginakien nun ginen, ez eta ere baginen.

Kantuz-kantu ukurtxago, begiek ezin ikusiz

                Baginauden tin-tinki bat

                Azken ezko pindarrerat,

Nigarka ezin ikusiz eta nigarka goi-argiz...

                      * * *

Kaputxa buruan eta goi-argirat airatuak,

                Zeruetan aiko gare

                Anaiekin betiere;

Goi-argirat airatuak, xirultzen salmo kantuak

15-11-44