6

Berriro saia ninteke baina

inoiz baino gehiago dira gailendu beharreko oztopoak.

Eguzkiak erretako begiztak etetera doaz

eta ezin gorderik nabil bozkario honen larritasuna.

Gauza galduen zerrendan ezarriko ditut

asebetetzen ez nauten jomugak,

galmen zaizkidan urrats nekatuak,

desagertuko ez diren ainubeak, pilaturiko ezintasunak.

Etorriko denaren geroa baizik ez zait gelditzen

hatzamar egarrituekin zugana egiteko,

instanteen iheskortasunari itzuri eginez,

nora joan ez dakienarentzat

ezin zeharka daitekeen paraleloa baita

horizonte urrun hori