32

Nire gorputzak ezpainon oroimena gordetzen du,

zure usainaren memoria du,

hutsunearen akidura.

Zure izena lekutu da nire ahoan

baina orain bazoaz niri bizkarra emanez

arnasbeheran hustutako birikak behelainoz beteta

Estreinakoz imajinatu zaitut

zeure formarik ezkutuenean bilduta

azal transparente baten barnean hertsirik

betazalei etengabe kolpeka.