49

Zure herrian gaua denean

nire munduan eguna da.

Deskriba ezin diren gogamenak dakarzkizut ondora

zure arnas epela lo-suman dagoenean.

Konpartitu gabeko azalpenek bizi gaituen garaiotan

ez dirudi gauzak asko aldatu direnik.

Aitzina begiratzen dugu besterik gabe

hitzen ondotik datozen isilaldiak pairatuz.

Distantziak distantzia izaten jarraitzen du

batzuetan hurbilagokoa, bestetan urrunagokoa.

Non zure munduan eguna denean

nire herrian gaua den.