Ahapetik
Mikel Ibarguren

Kutxa, 2007

 

 

14

 

Elurra ari du gure begirada pausatuan

eta barrunbe hoztuetan zure ferekak sentitu ditut

gero ezerezean desagertzeko.

 

Zuriak dira hemen isiltasunaren ordokiak

zuria zure ahoko hatsa

ezpainetako amildegi ertzean.

 

Dena estalita dagoelarik

elurrak bizi guztirako hotzera

kondenatu gaituen sentsazioa daukat.

 

Ahapetik
Mikel Ibarguren

Kutxa, 2007