Ahapetik
Mikel Ibarguren

Kutxa, 2007

 

 

2

 

Beti gaude halabebarrez

errealitateak markatzen digun norabidearen mende,

aldian-aldiko ekinaldiek sentiarazten gaituztenera

    emanak,

iraupen soilen gaindi dihardut egunak kateatzen

asebeteko nauen keinu horren bila,

hondoratutako konfidentziak berreskuratuz.

 

Horregatik entzun da zure ahotsa

urruti lehertzen den ekaitz isilaren antzera,

iragan garaiak ez dira berriro itzuliko

baina hartu duzu etsiari aurre egiteko modua,

orain lilurarik gardenena lortu duzunean

bila zenezake nire azal berrituan

zure oinaze zaharra.

 

Ahapetik
Mikel Ibarguren

Kutxa, 2007