6. BOIS DE VINCENNES

 

Indioilarra, rhododendroa eta ni

hirurok

           gosez indioilarra

           egarriz rhododendroa

           eta amodioz ni

joanen gara.

 

Eguzkiaren behatzak markatu gaitu

eta haizearen hegoak garamatza

hirurak, indioilarra, rhododendroa eta ni,

urrutiko zuhaiztira.

 

Kiskaliak erre gaitu

abiadurak desegin,

luma, hosto, azal

norabide gabeen dantza.

 

Indioilarra, rhododendroa eta ni

hirurok

           gosez indioilarra

           egarriz rhododendroa

           eta amodioz ni

joanen gara.