4. QUAI DE MONTOBELLO

 

Panta rei ziotson Heraklito zaharrak

eta Senak daramatza

urak eta baporeak.

 

Senak daramatza baporearen kubiertako

soinujolearen doinuak

eta bikoteen dantzak.

 

Ertzetako untzak eta zuhaitz adarrek

bakarrik jarraitzen diete

doinu eta dantzariei

erritmo linburkoian.

 

Notre Dameko orratzak, arrosetoiak

ojibak eta matakanak

geldi diraute,

ingurugunearen islada,

denboratasun ihatzailearen

barre eta hatzapar.