n. CLAUDE MONET — les Nympheas

 

Arratsalde hartan,

aspaldiko partez,

amodioaren aurpegia

agertu zitzaidan

zirrararen xamurtasunez.

 

Gezilariaren gezia agian,

musikalariaren doinua

eta ninfa baten nenufarra...

baina amodioaren zauriz

jo ninduen

arratsalde batez.

 

Ez dakit nork

ez dakit nola

baina, geziarena, doinuarena ala lorearena,

nigan dago zauria

              kiskalgarri

              izugarria

beharbada denak batera sortua,

gezi, doinu eta nenufarrez.