1. MUGAK — TGV

 

Injineriek markatu dizkigute

bidaia eremurako mugak,

leihoak, gortinak eta norberaren Itacara

garamatzaten gurpilak.

 

Injineriek markatu dizkigute

hasierarako latitudea eta longitudea,

norberak erabaki eta onar ditzan

amaierakoak.

 

Bitartean, ilunabarreko landatan

futbolean ari diren haurrak gara,

            unez unekoak arauak

            markagailurik gabekoak

            ostikadak penaltiak eta golak.

 

Iritsi, saiatu eta irten.

Zer inporta dio Donibane Lohitzun,

Miarritze, Baiona ala Paris Montparnasse

deitzen diren

geltokiak?