J. PAULO APOST.
LEHENBIZIKO GUTHUNA
KORINTHIARREI

I. KAP.

        1 Paulok, Jainkoaren nahiaz Jesukristoren Apostolu izaterat deithuak, eta Sosthenes haren anaiak, 2 Jainkoaren Eliza Korinthan denari, Jesukristok santifikatu eta saindu izateko deithu dituen fidelei, eta Jesukristoren izena diren eta garen lekhu guzietan deithoratzen duten guziei, 3 Jainko gure Aitak eta Jesukristo gure Jaunak dizuela bakea eta grazia.

        4 Eskerrak ematen diotzat bethi ene Jainkoari zuentzat, Jesukristoz egin izan darotzuen graziaz, 5 zeren hartaz aberastuak izan baitzarete ontasun suerte guziez, hitzaren eta jakintzaren dohain guziez, 6 eta hortaz egiaztatua izan baida zuen presunetan Jesukristoz irakatsi izan dena, 7 halako maneraz, non ez baiduzue eskas dohain garabik, Jesukristo gure Jauna ager daiteken begira zaudetelarik. 8 Eta Jainkoak borthiztuko ere zaituzte azkeneraiño, hobenik gabe aurkhi zaiteztentzat Jesukristo gure Jauna ethorriko den egunean. 9 Fidel da Jainkoa, zeiñez deithuak izan baitzarete Jesukristo haren Seme gure Jaunaren partzunezkorat.

        10 Errekeritzen zaituztet bada, ene anaiak, Jesukristo gure Jaunaren izenean, molde berean mintza zaitezten guziak eta ez den zuen artean eskatimarik, aitzitik zareten bat egiñak gogoz eta sentimenduz. 11 Adiarazi darotate ezen Kloe baitakoek zuetaz, ene anaiak, debadioak direla zuen artean; 12 erran nahi dut, zuetarik batbederak diotsala: «Ni behintzat Paulorena naiz» eta «ni Apollorena», «ni berriz Zefasena» eta «ni Jesukristorena». 13 Parthitua othe da Jesukristo? ala Paulo izan da gurutzefikatua zuentzat? ala Pauloren izenean izan othe zarete bathaiatuak? 14 Eskerrak diotzat Jainkoari, zeren ez baidut bathaiatu zuetarik nihor, Krispo eta Kaius baizen, 15 nihork erran ez dezantzat ene izenean bathaiatuak zaretela. 16 Bathaiatu izan dut, bada, Estefanesen familia ere; gainerakoan ez dakusat bertzerik nihor bathaiatu othe dudan.

        17 Zeren ez bainau igorri izan Jesukristok bathaiatzen haritzerat, baiñan bai Ebanjelioaren predikatzerat; eta hala ere ez hitzezko zuhurtzian, ez desegitea gatik Jesukristoren gurutzea. 18 Ezen gurutzeaz erraten dena, galtzen direnei behintzat erhokeria zaie; salbatzen direnentzat ordean, erran nahi da guretzat, berthutea eta indarra. 19 Hargatik ere da eskribatua: «Suntsituko dut zuhurren zuhurtzia eta arbuiatuko jakintsunen jakintasuna». 20 Non da zuhurra? Non da legeko dotora? Non da mundu huntako gauzak jakin beharrez zebillana? Ez du erho eragin Jainkoak mundu huntako zuhurtzia? 21 Ezen munduak bere zuhurtziaz ez baidu ezagutu Jainkoa zuhurtzia dibinoaren obretan; Jainkoaren plazera izan da predikazionearen erhokeriaz salbatzea sinhesten dutenak.

        22 Alabaiñan judutarrak daudez mirakuillu galdez, eta jentillak berriz dabiltza zuhurtziaren bilha. 23 Guk ordean dugu predikatzen Jesukristo gurutzefikatua, judutarrei alabainan eskandala, jentillei berriz erhokeria zaioena, 24 ordean deithuak direnei, hala judutarrei nola jentillei, Kristo, Jainkoaren indarra eta Jainkoaren zuhurtzia dena. 25 Zeren Jainkoa baithan erho diruriena zuhurrago baida gizon guzien zuhurtzia baiño, eta Jainkoa baitan herbal diruriena borthitzago gizon guzien indarra baiño. 26 Ikusazue ezen, ene anaiak, zein diren zuetarik deithuak izan direnak; guti dire haragiaren arauera zuhur direnetarik, guti botheretsu direnik, guti nobletarik. 27 Aitzitik munduaren arauera gutien zuhur direnak ditu Jainkoak hautatu zuhurren konfunditzea gatik; eta munduaren arauera herbal direnak ditu berezi borthitzen direnen konfunditzeko. 28 Munduaren arauera baxoen eta mezprezagarrien direnak, ezdeus ere direnak, ditu hautatu zerbeit direnen desegitea gatik. 29 Handiets ez dadin gizon garabik haren aitziñean. 30 Bide hortaz, bada, zarete Jesukristo baithan, zeiñ izan baida Jainkoaz ifinia, gure zuhurtzia, gure justizia, gure saindutasuna eta gure erresketamendua izateko, 31 eskribatua den bezala: «Glorifikatzen den guzia, Jainkoa baitan dadin glorifika».

II. KAP.

        1 Ni ere ethorri izan naizenean zuen ganat, ene anaiak, Jesukristoren Ebanjelioa kuei irakasterat, ez naiz ethorri izan mintzo ederraren edo zuhurtziaren gorapenean. 2 Ez diot ezen eman ene gogoari deusere nakiela zuen artean, baizen Jesukristo, eta hura ere gurutzefikatua. 3 Eta zuen baitan izatu naizeiño, beheratasunean, izialduran eta ikhara handitan izatu naiz. 4 Eta ez naiz baliatu izan kuei mintzatzean eta predikatzean zuhurtzia humanoaren solhas gogogarriz, bainan bai Izpiritu Sainduaren berthutearen erakustez, 5 zuen fedea izan ez dadintzat gizonen zuhurtziaren gaiñean ifinia, baiñan bai Jainkoaren berthutearen gaiñean.

        6 Hala ere bada predikatzen dugu bai zuhurtzia perfeten artean; zuhurtzia ordean ez mundu huntakoa eta ez mundu huntako prinzeena, zeiñak suntsitzen baidire, 7 baiñan predikatzen dugu misterio bat bezala Jainkoaren zuhurtzia, zeina baida gordea, eta zeiña mende guziez aitziñetik preparatu izan baidu Jainkoak gure gloriako, 8 zeiña mundu huntako prinzeetarik batek ere ez baidu ezagutu izan; baldinetariak ezen ezagutu izan balute, ez zuketen gloriako Jauna gurutzefikatuko. 9 Baiñan eskribatua den bezala: «Begiak ikusi izan ez duena, beharriak aditu izan ez duena, gizonari gogorat ethorri izan ez zaioena da Jainkoak hura maite dutenentzat preparatu izan duena».

        10 Guri ordean agertu daroku hori Jainkoak bere Izpirituaz; Izpirituak ezen penetratzen ditu gauza guziak, bai Jainkoaren sekretu gordeenak ere. 11 Ezen gizonetarik zeiñek daki gizonaren baitan dena, baizen gizonaren Izpirituak, haren baithan denak? Hala Jainkoa baitan dena nihork ez daki Jainkoaren Izpirituak baizen. 12 Bada guk ez dugu mundu huntako Izpiritua errezibitu izan, baiñan bai Jainkoa ganikako Izpiritua, ezagut detzaguntzat Jainkoak egin izan darozkigun emaitzak. 13 Eta hek ditugu irakasten ez gizonen zuhurtziak irakasten duken hizkuntzaz, baiñan Izpirituak irakasten duenaz, gizon izpiritualei gauza izpiritualak antolatzen diotzotegula. 14 Ordean gizon animalak ez ditu konprenitzen Jainkoaren Izpiritutik diren gauzak, erhokeria zaizko ezen, eta ezin konpreni ere detzake, zeren izpiritualki examinatzen baidire. 15 Gizon izpiritualak aitzitik jujeatzen du gauza guziez, eta bera nihork ez du jujeatzen. 16 Ezen nork ezagutzen du Jaunaren gogoa hari konseillu emateko? Guk ordean Jesukristoren Izpiritua dukegu.

III. KAP.

        1 Ni ere, ene anaiak, ezin mintzatu natzaitzue gizon izpiritual batzuei bezala, bainan bai gizon haragikor batzuei bezala, Jesukristo baitan oraiño haur diren batzuei bezala. 2 Eznez hazi izan zaituztet, ez jakiz, ez baitziñeten gai oraiño; eta oraiko orenean ere ez zarete gai, zeren haragikor baitzarete oraiño. 3 Ezen targoak eta jelosiak direnaz geroz zuen artean, ez zarete bada haragikoiak eta ez zabiltzate gizonaren arauera? 4 Batak erraten duenean: «Ni behintzat Paulorena naiz»; bertzeak berriz» Ni Apollorena», ez zarete bada haragikoiak? Zer da bada Apollo eta zer da Paulo?

        5 Haiñaren zerbitzariak, zeiñaren baithan baiduzue sinhetsi, eta batbedera Jaunak partitu dioken dohaiñaren arauera. 6 Nik landadu duket, Apollok ihinztatu; ordean Jainkoa da berretzea eman duena. 7 Hala landatzen duena ez da deus, ez eta ihinztatzen hari dena ere; baiñan berregunea ematen duen Jainkoa da guzia. 8 Landatzen hari dena, bada, eta ihinztatzen hari dena bat dire eta batbederak errezibituko du bere saria bere lanaren arauera. 9 Ezen Jainkoarekien lanean hari garenak gare; zuek berriz zarete Jainkoaren landa eta Jainkoaren edifizioa.

        10 Jainkoak eman izan darotan graziaren arauera nausi zuhur batek bezala ezarri izan dut nik zimendua; bertze bat haren gaiñean bastitzen hari da; baiñan batbederak begira beza nola bastitzen duen zimendu horren gaiñean. 11 Bertze zimendurik ezen nihork ezin ezar dezake, ja ezarria denaz bertzerik, zeiña baida Jesukristo. 12 Baldinetariak nihork zimendu horren gaiñean bastitzeko ematen badu urre, zilhar, barri preziatu, zur, belhar, lasto, batbederaren obra 13 ageri izanen da; Jaunaren egunak ezen emanen du agerian. Zeren suak ageraraziko baidu eta batbederaren obra nolakoa den suak frogatuko baidu. 14 Haren gaiñean bastitu duken zenbaiten obrak irauten badu, saria .errezibituko du. 15 Bertze baten obra erretzen bada, kaltea izanen du; bera bada hala ere salbatuko da; ordean su artetik bezala.

        16 Ez dakizue Jainkoaren tenplua zaretela eta Jainkoaren Izpiritua zuen baitan egoten dela? 17 Bada nihork Jainkoaren tenplua profanatzen badu, suntsituko du Jainkoak haiña; Jainkoaren tenplua ezen saindua da eta zuek zarete tenplu hura.

        18 Nihork ez beza bere burua engana; baldinetariak zuen arteko norbeiti iduritzen bazaio zuhurra dela munduaren arauera, egin bedi erho, zuhur izateko.

        19 Mundu huntako zuhurtzia ezen erhokeria da Jainkoaren aitziñean, eskribatua den bezala: «Atzemanen ditut zuhurrak bere finezian berean». 20 Eta bertze lekhu batean: «Jaunak ezagutzen bide ditu zuhurren gogoetak zein diren banoak». 21 Hala nihork ez beza eman bere gloria gizonetan. 22 Guziak ezen zuenak dire. Nahiz Paulo nahiz Apollo, nahiz Zefaz nahiz mundua, nahiz bizitzea nahiz heriotzea, nahiz presentekoak nahiz ethorkizunekoak, guziak dire zuentzat. 23 Zuek berriz zarete Jesukristoren eta Jesukristo da Jainkoarena.

IV. KAP.

        1 Beha bekigu guri Jesukristoren ministroei bezala eta Jainkoaren misterioen dispentsariei bezala. 2 Orai hemen dispensarietarik galdetzen dena da bakhoitxa leial aurkhi dadin. 3 Nik behintzat antsia guti dut juia nazazuen zuek edo zeinahi gizonek, baiñan ez dut neronek ere neure burua jujeatzen. 4 Ezen neure konzientziak deusere erantzuten ez darotan arren, ez naiteke hargatik justifikatua. Baiñan ni jujeatzen nauena Jainkoa diteke. 5 Hala ez dezazuela jujea denbora gabe Jauna dathorren artean, zeiñek argitarat eman baiditu ilhunbean daudezen gauzak eta ageraraziko bihotzetako sekretu gordeak; eta orduan batbederak izanen duke Jainkoa ganik dagokon laudorioa.

        6 Gauza hauk bada, ene anaiak, proposatu izan ditut neure izenean eta Apollorenean zuen gatik; gure baithan ikhas dezazuentzat ez altxatzen bata bertzearen kontra edozeiñen ariaz nik eskribatu darotzuedanaz gehiago. 7 Nork zaitu ezen berezkotzen? Zer duzu berdin errezibitu izan ez duzunik? Baldinetariak bada errezibitu izan baduzu, zeri handitzen zaizko errezibitu izan ez bazindu bezala? 8 Ja aseak zarete, ja aberastuak zarete; gu gabe erregiñatzen duzue eta oxala erregiñatzen bazindute guk ere zuekien batean erregiña dezaguntzat. 9 Uste dut ezen Jainkoak gu Apostoluetarik azkenekoak mustratzat eman gaituela, heriotzerat destinaturikako jende batzu bezala; halaz eta ikuskari egin gaiztenaz geroz munduari eta aingeruei eta gizonei. 10 Gu erhoak gare Jesukristoren amorea gatik; zuek ordean zuhiarrak zarete Jesukristo baithan; gu flakoak gare, zuek ordean indartsuak; zuek ohoratuak zarete, gu ordean mesprezatuak. 11 Oraiko oreneraiñokoan gosearekien eta egarriarekien dihardukagu, bulhuziak gare, zehatzen gaituzte eta ez dugu ere egoitza soseguzkorik. 12 Lanean eta trabailluan hari gare gere esku propioez; madarikatzen gaituzte eta guk hek benedikatzen ditugu; persekutatuak garabiltzate eta pairatzen dugu; 13 ahakarrez bethetzen gaituzte eta othoitzetan gaudez; orai arteraiñokoan munduko lizunkeriak bezala gaduzkate eta guzietarik arthikitzen diren fits ondarrak bezala.

        14 Ez ditut zuek ahalkarazitzea gatik hauk eskribatzen; aitzitik ene haur maiteei bezala ematen darozkitzuedan abisuak ditezke. 15 Ezen hamar milla nausi bazintuzte ere Jesukristo baithan, ez duzue ordean aita hainitzik, Jesukristo baithan nik Ebanjelioaz jenderatu zaituztedanaz geroz. 16 Othoitz egiten darotzuet, beraz, zareten ene imitatzaille, ni ere Jesukristoren naizen bezala. 17 Hargatik igorri darotzuet Timotheo, ene haur maitea eta Jauna baithan leial dena, segur orhoitaraz zaitzatentzat zer maneraz bizi naizen Jesukristo baithan, Eliza guzietan irakasten dudanaren arauera.

        18 Hauntuak ornen dire zenbait, zuen ganat ethorri behar ez banintz bezala. 19 Ethorriko naiz ordean, eta lauster, Jaunak nahi badu, eta ikusiko dut zer diren hauntu hekien ez hitzak, baiñan eginkariak. 20 Ez dago ezen Jainkoaren erresuma hitzetan, baiñan bai eginetan. 21 Zein nahi duzue? ala ethor nakizuen zigorra eskuan, ala karitatearekien eta eztitasunezko izpirituarekien?

V. KAP.

        1 Segurtzat erraten da badirela zuen artean lohikeriak, eta halako lohikeriak, non jentillen artean ere ez baida ikusten halakorik; hartarainokoan bai, non zenbeit baida bere aitaren emastea dadukanik. 2 Eta hala ere hantuak zarete orgilleriaz, damu eta dolore izan behar bidean zuen artetik khentzekotzat akzione hori egin duena. 3 Nik behintzat gorphutzez hor ez naizen arren, izpirituz ordean hor bainaiz, ja hor banintz bezala eman dut jujeamendu hau akzione hori egin duenaren kontra: 4 Jesukristo gure Jaunaren izenean bildurik zuek eta ene izpiritua Jesukristo gure Jaunaren botherez, 5 izan dadin haiña hura Satani libratua suntsiarazteko haren haragia, arima salbatua izan dadin gatik Jesukristo gure Jaunaren egunean.

        6 Ez dagotzue ungi glorifikatzea. Ez dakizue lebami guti batek gaixtatzen duela orhe guzia? 7 Khen zazue lebami zaharra izan zaiteztentzat orhe berri bat, lebami gabeko ogi garbiak zareten bezala; ezen gure Bazkoa Jesukristo da, imolatua izan dena. 8 Hargatik, bada, egigun gure banketa ez lebami zaharrarekien eta ez maleziaren eta gaixtakeriaren altxagarriarekien, bainan bai sinserotasunaren eta egiaren ogi lebami gabekoekien.

        9 Eskribatu izan darotzuet guthun batean ez zaiteztela balsa presuna lohiekien. 10 Ez dut ordean hori erran mundu huntan diren lohien ariaz edo abariziosen edo bertzeren ontasunen arrapatzailleen edo idolatreen ariaz; bertzela ilkhi behar izanen zinduketen mundu huntarik. 11 Bainan nik eskribatu darotzuedana da, baldinetariak gure anaia daritzenetarik zenbeit lohi bada edo abarizios edo idolatre edo gaixki erraille edo hordi edo arrapari, halakoekien ez dezazuela jan ere. 12 Zertako dut ezen nik kanpoan direnez jujeatzea? Barneko direnez ez duzue zuek jujeatzen? 13 Kanpoan direnak Jainkoak jujeatuko ditu. Zuek khen zazue gaitxto hura zuen artetik.

VI. KAP.

        1 Hauzu da zuetarik zenbeit, egiteko duenean bertze baten kontra, hauzitan haritzerat gaixtaginen aitzinean, eta ez sainduen aitzinean? 2 Ala ez dakizue sainduek jujeatuko dutela mundu hau? Eta baldin zuetaz jujeatua izan beharra bada mundua, ez zarete gai gauzarik xumeenez jujeatzeko? 3 Ez dakizue aingeruak ere jujeatuko ditugula? Zenbatez areago munduko egitekoak?

        4 Baldinetariak, beraz, munduko egitekoen gaiñean hauzi baduzue, har zatzue jujetzat Elizan diren presunarik mendreenak. 5 Zuen ahalkerietan hau erraten dut. Ez da, bada, zuen artean nihor aski zuhur eta gai denik bere anaien artean juje izateko? 6 Baiñan anaia anaiaren kontra hari dadin hauzitan, eta are infidelen aitziñean? 7 Ja bekhatu bat da zuentzat hauziak izatea elkharen artean. Zergatik ez duzue lehenago pairatzen egiten zaitzuen bidegabea? Zergatik ez duzue lehenago sofritzen enganatuak izatea? 8 Aitzitik zebonek egiten diozue bidegabe eta tronperia, eta are anaiei. 9 Ala ez dakizue injustizia egiten dutenak ez direla Jainkoaren Erresumaren jabe izanen? Ez zaiteztela engana: ez lohiak, ez idolakoiak, ez adulteroak, 10 ez gurikeriari, eta ez Sodomako bekhatuari emanak direnak, ez ohoiñak, ez abariziosak, ez hordiak, ez gaixki errailleak, ez arrapatzailleak, ez dire izanen Jainkoaren Erresumaren jabe. 11 Eta horlakoak izatu ohi zarete ere batzu; baiñan garbituak izan zarete, santifikatuak izan zarete, justifikatuak izan zarete Jesukristo gure Jaunaren izenean eta gure Jainkoaren Izpirituaz.

        12 Guziak zilhegi zaizkit, ordean ez dire guziak beharki; guziak zilhegi zaizkit, baiñan ni ez naiz deusen ere menean jarriko. 13 Jatekoak sabelarentzat, eta sabela jatekoentzat; baiñan Jainkoak bai hauk eta bai hek desegiñen ditu; gorphutza ordean ez da lohikeriarentzat, bainan da Jaunarentzat eta Jauna gorphutzarentzat. 14 Bada Jainkoak Jauna biztu izan duen bezala, gu ere biztuko gaitu bere bothereaz.

        15 Ez dakizue zuen gorphutzak Jesukristoren menbroak direla? Idekirik bada Jesukristori bere mienbroak, emasteki galdu baten mienbro egiñen ditut? Balinba ez. 16 Ala ez dakizue emasteki galdu bati datxeikona gorphutz bat egiten dela harekien? Ezen errana da: «Biak haragi bat izanen dire». 17 Ordean Jainkoari datxeikona izpiritu bat eta bera da harekien. 18 Egiozue ihes lohikeriari. Zein nahi bertze bekhatu gizonak egin dezan, gorphutzetik kanpoan daiteke; lohikeria egiten duenak ordean bere gorphutzaren kontra egiten du bekhatu. 19 Ala ez dakizue zuen gorphutza Izpiritu Sainduaren tenplua dela, zeiña zuen baithan egoten baida, zeiña baiduzue Jainkoa ganik, eta ez zaretela zebenak? 20 Erosiak zarete ezen prezio handi batean. Glorifika zazue, beraz, Jainkoa eta erabillazue zuen gorphutzean.

VII. KAP.

        1 Zuek eskribatu izan darozkidatzuen gauzez denaz bezanbatean, on da gizonarentzat emasterik ez ukitzea. 2 Bainan lohikeriaren beldurrez senhar bakhoitxa bizi bedi bere emaztearekien, eta emaste bakhoitxa bere senharrarekien. 3 Senharrak emasteari bihur bihoza zor dioena; hala hala berriz emasteak ere senharrari. 4 Emasteak bere gorphutza ez du bere eskuko, baiñan bai senharrareneko; orobat berriz senharrak ere ez du bere gorphutza bere eskuko, bainan bai emasteareneko. 5 Ez diozazuela ukha elkharri zor diozuena, non ez den akort eta akort eta denbora batetakotz othoitzean egoteko; ondoan berriz bizi zaitezte ohi nola, beldurrez Satanek tenta ez zaitzaten, zuen inkontinentziaz atiza harturik.

        6 Hau ordean erraten darotzuet barkhamenduz bezala, ez manuz. 7 Nahi nuke ezen zuek guziak izan zintezten ni neroni bezala: baiñan batbederak bere donua duke Jainkoa ganik heldu zaioena: batek hunela, bertzeak berriz hala. 8 Diotsotet, bada, ezkonduak ez direnei eta alhargunei on dela hekientzat bere estatuan egon daitezen, ni ere nagoen bezala. 9 Ezin badaudez kontinentzian, ezkon beitez; hobeago da ezen ezkontzea ezen ez erretzea. 10 Ezkonduak direnei berriz ordenatzen diotedana, ez nik baiñan Jaunak, da, emastea ez dadin bere senharra ganik aldara. 11 Baldinetariak aldaratzen bada, dagoela ezkondu gabe, edo bake dadillala bere senharrarekien; eta senharrak ere ez dezala utz bere emastea.

        12 Ezen bertzeei nik diotet erraten, ez Jaunak: Baldinetariak gure anaietarik zenbeit ezkondua bada emaste pagano batekien eta hunek gogo badu harekien egoteko, ez dezala utz emaztea. 13 Eta baldin emazte giristino zenbeit ezkondua bada giristino ez den gizon batekien eta hunek gogo badu harekien egoteko, ez dezala utz senharra. 14 Santifikatua da ezen senhar fedea ez duena emaste fedea duenaz, eta santifikatua da emaste fedegabea senhar fedea duenaz; bertzela zuen haurrak lohiak litezke, orai ordean saindu dire. 15 Baldinetariak fedea ez duena partitzen bada, dohala, ezen gure anaia edo arreba ez dire bahituak horlako ordutan; aitzitik bakezko estatu batetarat deithu izan gaitu Jainkoak. 16 Zer dakizu ezen, emastea, ez othe duzun salbatuko zure senharra; edo zuk, senharra, zer dakizu ez othe duzun zure emastea salbatuko?

        17 Bainan batbederak egin beza Jainkoa ganik izan duen dohainaren arauera eta Jainkoaz deithua izan den arauera: eta hori da nik Eliza guzietan irakasten dudana. 18 Zirkonzidatua zen gizon bat deithua izan denean, ez beza khen zirkonzisionearen seiñalea; zirkonzidatua izan gabe deithua izan bada bertze bat, ez bezate zirkonzidaraz. 19 Zirkonzidatua izatea ez da deusetako eta zirkonzidatua ez izatea ez da deusetako; bainan guzia Jainkoaren manamenduen begiratzean dago. 20 Batbedera zer ere estatutan izan baida deithua, eta bego hartan. 21 Esklabo ziñen deithua izan zarenean? Ez darotzula horrek penarik, baiñan baldin are libertatea ardiets ahal badezazu, hanbat hobe; balia zaite. 22 Ezen esklabo dela Jaunaz deithua dena, Jaunaren libertateko egiten da; orobat libro dela deithua dena, Jesukristoren esklabo egiten da. 23 Garastia erosiak zarete; ez zaiteztela egin gizonen esklabo. 24 Batbedera zer ere estatutan izan baida deithua, ene anaiak, eta bego hartan Jainkoaren aitzinean.

        25 Birjinez denaz bezanbatean Jaunaren manurik ez dut; baiñan huna nik ematen daroedan konseillua, Jaunaren zerbitzari fidel naizen bezala berak egin izan darotan miserikordiaz. 26 Uste dut, bada, on dela hori bizitze huntako beharkizun nekhagarrien gatik ere; diot, on dela gizonarentzat ez ezkontzea. 27 Amarratua zare emaste batekien? Ez zabiltzala libratu nahiz. Emazte gabe zare? Ez zabiltzala emastekietan. 28 Baldinetariak emastea hartu baduzu, ez duzu hortan bekhatu egin. Eta baldin ezkontzen bada neskatxa bat, ez du hortan bekhaturik egiten; ordean haragiaren nekheak izanen dituzte haina bek. Nik behintzat guphida zaituztet horren gaiñean.

        29 Hauxe da bada, ene anaiak, nik zuei errateko dudana: denbora labur da, eta hala emasteak dituztenak ere, izan beitez ez balute bezala; 30 eta nigarrez daudezenak, nigar egiten ez balute bezala; alegera direnak, alegera ez balire bezala; erosten hari direnak, deusen jabe ez balire bezala; 31 mundu huntako gauzez baliatzen direnak, baliatzen ez balire bezala; iragaitzean doha ezen mundu hunen figura. 32 Nik nahi nukena da ordean zuek grina gabe izan zaitezten. Emasterik ez duenak bere artha guzia Jaunaren gauzetako du eta Jainkoaren gogarako izateko. 33 Emastea duenak ordean bere arthak munduko gauzetako ditu eta gauzak bere emastearen gogara egiteko; eta hala partitua da. 34 Halaber ezkondua ez den emastekiak eta birjinak gogoa Jaunaren gauzetan du, sainda izateko gorphutzez eta izpirituz; aitzitik ezkondua denak gogoa munduko gauzetan du eta senharraren gogara egin nahian. 35 Bada hau zuen probetxutan erraten darotzuet, ez sarea zuei etxatu nahiz, bainan bai xoilki zuek erakharri nahiz zuentzat hoberen denerat eta zuen othoitzak Jainkoari trabarik gabe egiteko estatuan eman ahal zaitzaketenerat.

        36 Baldin nihori desohore bazaio haren alabak adiñak iragatea ezkondu gabe eta hala behar bada, egin beza nahi duena; ez du bekhatu eginen ezkontzen bada. 37 Ezen nihork mengoarik izan gabe eta nahi duena egin ahal dezakela, deliberatzen badu zinki bere bihotzean eta jujeatzen badu bere baithan bere alaba birjina iduki behar duela, ungi egiten du. 38 Orobat bere alaba ezkontzen duenak ere ungi egiten du eta ezkontzen ez duenak are hobeki egiten du.

        39 Emastea amarratua da ezkontzaren legeaz haren senharra bizi deiño; bainan hiltzen bada haren senharra, libro da; ezkon bedi nahi duenarekien, solamente egin bedi Jaunaren arauera. 40 Dohatsuago ordean izanen da alhargun egoten bada, nik konseillatzen diodan bezala; uste dut, bada, nik ere Jainkoaren Izpiritua dudala.

VIII. KAP.

        1 Idolei sakrifikatzen zaizten gauzez denaz bezanbatean, badakigu eki gutarik nihork ez duela ignoratzen horren gaiñean jakiteko dena. Ordean jakiteak hauntzen du nihor; xaritateak du berriz edifikatzen. 2 Baldiñetariak, bada, edozeinek uste badu zerbeit badakiela, ez du oraiño ezagutzen nola behar duen jakin ere. 3 Baiñan norbeitek maite badu Jainkoa, haiña ezagutua da Jainkoaz. 4 Idolei sakrifikatuak diren gauzetarik jateaz denaz bezanbatean, badakigu deusere ez dela idola munduan, eta ez dela bertze jainkorik Jainko bakhar bat baizen. 5 Ezen diren arren jainko deitzen direnak nahiz zeruan eta nahiz lurrean (balire bezala hainitz jainko eta hainitz jaun), 6 guretzat ordean ez da Jainko bakhar bat baizen; hura da Aita, zeiña ganik baidire gauza guziak eta zeiñarentzat baigare gu ere. Eta ez da Jaun bakhar bat baizen; hura da Jesukristo, zeiñez baidire gauza guziak eta hartaz gare gu ere.

        7 Ordean guziek ez dakite hori; badire ezen zenbeit, zeiñek uste dutelarik oraiño bere konszientzian idola zerbeit dela, jaten baidute idolei ofrendatuak izan diren jakitatik; eta hekien konszientzia flakoa izanez, hidoiztatzen da hortaz. 8 Jateak ez gaitu Jainkoaren gogarako egiten, ezen jaten badugu ez gare izanikago izanen, eta jaten ez badugu ez gare deusetan gutituko. 9 Begirautzue ordean zuen libertate horrek eskandalisa ez detzan flakoak.

        10 Baldiñetariak hetarik zenbeitek ikusten badu jakintasun gehiago duen bat idolategian mahaiñean jarria, bere konszientziak, zeren duen flakoa, ez du bada ekharriko idolakitarik jaterat? 11 Eta zure jakintasunak galaraziko baidu anaia flako hura, zeiña gatik Jesukristo hil izan baida? 12 Bada horla bekhatu egiteaz zuen anaien kontra eta hekien konszientzia flakoa zaurtzeaz, Jesukristoren kontra egiten duzue bekhatu. 13 Hargatik beraz, baldinetariak nik jaten dudanak eskandalisatzen badu ene anaia, ez dut janen haragirik sekulerenean, ene anaia ez eskandalisatzea gatik.

IX. KAP.

        1 Ez naiz ni libro? Ez naiz Apostolu? Ez dut Jesukristo gure Jauna ikusi? Ene obra ez zarete zuek Jauna baithan? 2 Eta bertzeentzat Apostolu ez banaiz ere, bederen zuentzat banaiz, ezen ene apostolutasunaren zigillua zuek zarete Jauna baithan. 3 Hori da ene errepusta, deusetan behartzen nautenei egiten daroedana: 4 Ala ez dugu zuzen, jateko eta edateko? 5 Ala ez dugu. zuzen gure arrebetarik bat gurekien erabiltzeko, bertze Apostoluek, Jaunaren anaiek, eta Zefasek bezaiñ ungi? 6 Ala Barnabe eta ni gare bakharrak hori egiteko boillerea ez dugunak? 7 Nork gerla egiten du bere despendioz behinere? Nork landatzen du mahasti bat eta ez du jaten hango fruitutarik? Nork bazkatzen du arthalde bat eta ez du jaten haren esnetik?

        8 Naski gizonaren arauez hauk erraten baiditut? ala legeak ere ez ditu gauza berak erraten? 9 Eskribatua da ezen Moiseren legean: «Ez diozu ahoa estekatuko bihitzen hari den idiari». Naski idiez baidu griña Jainkoak? 10 Ala guretzat othe du hobeki hori erraten? Alabaiñan guretzat eskribatua da hori, halaz eta laborantzan hari dena esparantzarekien hari denaz geroztik lurreko fruituetan parte izateko; eta ogi jotzen hari dena ere bai, hartan parte izateko.

        11 Zuen baithan gauza izpiritualak erein ditugun ondoan, bain da gauza handia zuen ontasun tenporaletarik guk zerbeit biltzen badugu? 12 Baldin bertzeak baliatzen badire zuzen hortaz zuen alderat, zergatik gu aitzitik ez gare baliatuko? Bizkitartean ez gare baliatu bothere hortaz; aitzitik guziak jasaten ditugu Jesukristoren Ebanjelioari trabarik batere ez ematea gatik. 13 Ez dakizue tenpluaren zerbitzuan hari direnak tenpluko diren gauzetarik bizi direla? Eta aldarea zerbitzatzen dutenek parte badutela aldareko ofrendetan? 14 Orobat ordenatu izan daroe Jaunak ere Ebanjelioa predikatzen dutenei: bizi daitezen Ebanjeliotik.

        15 Halarik ere ni ez naiz baliatu izan zuzen horietaz; eta ez darozkitzuetet hauk eskribatzen, horla egin dezazuen gatik ene alderat; nahiago nuke ezen hill, ezen ez nihork eraman diezadan gloria hori. 16 Ezen baldin predikatzen badut Ebanjelioa, ez dut zeren gloriatu; egin beharrez egiten baidut; zorigaitz legoke ezen enetzat Ebanjelioa predikatzen ez banu. 17 Baldinetariak ezen gogo onez egiten badut, saria izanen dut; baldin ordean gogoaren bortxa egiten badut, fidatu izan zaitana ematea xoilki dut egiten. 18 Zertan dut, beraz, saria izateko burupea? Ebanjelioa predikatzean eta nihori deusik gosta gabe predikatzean, abusa ez dezadantzat Ebanjelioaren predikatzean dudan bothereaz.

        19 Ezen libro nintzelarik, guzien alderat guzien zerbitzari egin naiz, jende gehiago irabaztea gatik. 20 Egin izan natzaie judutarrei judutar bezala, judutarrak irabaztea gatik; 21 legearen azpiko direnei, legearen azpian izan banintz bezala, legearen azpian gehiago ez nintzen arren, legearen azpian zirenak irabaztea gatik; lege gabe zirenei, lege gabe izan banintz bezala, Jainkoaren legea dudan arren (Jesukristoren legea dudanaz geroz), lege gabe zirenak irabaztea gatik. 22 Egin izan naiz flakoekien flako, flakoak irabaztea gatik; guziei guzietako izan natzaie, guziak salbatzea gatik. 23 Horiek guziak ordean egiten ditut Ebanjelioa gatik, hartan parte izatea gatik.

        24 Ez dakizue karrera batean lausterka hari direnak, guziak dohazela lausterka, ordean batek duela eramaten golardoa? Egizue bain lauster, non golardoa atzeman baidezakezue. 25 Bada borrokan garaitzerat lehiatzen dena guzietarik debekatzen da; eta hek alabaiñan hori egiten dute khoroa ustelkor bat atzematea gatik; guk ordean ustel ez daiteken bat dugu igurikitzen. 26 Nik behintzat lauster egiten dut, ez nola ez dakidala; gudukatzen naiz, ez aireari jazartzen banio bezala, 27 bainan gastigatzen dut ene gorphutza eta gathibutasunean ezartzen, beldurrez ezen, bertzeei predikatu ondoan, neroni erreprobatua ediren ez nadin.

X. KAP.

        1 Nahi dut, bada, dakizuen, ene anaiak, gure aitak izan direla guziak hedoiaren azpian eta guziek Itsaso Gorria iragan izan dutela, 2 guziak Moiseren gidaren azpian bathaiatuak izan direla hedoiean eta itsasoan, 3 guziek jan izan dutela jaki izpiritual beretik, 4 eta guziek edan izan dutela edari izpiritual beretik; edan zuten ezen hei zarraikoten barri izpiritualaren uretik; eta barri hura zen Jesukristo. 5 Bainan nonbre handi hartarik gutiak ziren Jainkoaren gogarako zirenak; halaber suntsituak izan ere ziren desertuan.

        6 Bada gauza horiek figura batzu izan dire guri behatzen zaizkigun gauzenak, gutizia ez gaitezentzat gauza gaixtoez, hek gutiziatu izan ziren bezala. 7 Hala ez zaiteztela egin idolakoi, hetarik zenbeit egin izan ziren bezala; zeinez eskribatua baida: «Jarri zen populua jaten eta edaten, jaiki ziren gero dostetarat». 8 Ez dezagula egin lohikeriarik, hetarik zenbeitek egin izan zuten bezala eta bill izan baitziren egun batez hogoi eta hirur milla. 9 Ez dezagula tenta Jesukristo, hetarik zenbeitek tentatu izan zuten bezala, eta sugez hillak izan baitziren.

        10 Ez dezazuela eras, hetarik zenbaitek erasi izan zuten bezala, eta suntsiarazi baitzituen Aingeru Exterminatzailleak. 11 Horiek guziak, bada, figuretan gerthatzen zitzaizten hei eta dire eskribatuak gure erakutspenetan, zeiñak aurkhitzen baigare denboren akhabantzan. 12 Hala bada uste duenak tieso dagoela, begira duela eror ez dadin. 13 Tentazionerik orainokoan ez duzue izatu, gizonkarakorik baizen; bada fidel da Jainkoa eta ez du permetituko izan zaiztezten tentatuak zuen indarrez gorago; aitzitik atheraraeiko ere darotzue tentazionetik probetxu, iraun ahal dezakezuentzat.

        14 Hargatik bada, ene maiteak, egiozue ihes idolatriari. 15 Jende prudentei bezala mintzo natzaitzue; jujea zazue zebonek erraten dudanaz. 16 Benedizionezko kalixa guk benedikatzen duguna, ez da Jesukristoren odolaren partzunezkoa? Eta guk hausten dugun ogia, ez da Jaunaren gorphutzaren partzunezkoa? 17 Hala hainitz garelarik, ogi bat eta gorphutz bat gare, ogi berean partzuner garen guziak. 18 Ikusazue Israel haragiaren arauerakoa, hea biktimak jaten dituzten guziak ez diren parzuner aldarekoetan. 19 Zer diot, beraz? Idolei sakrifikatua izan zaiena zerbeit dela edo idola zerbeit dela? 20 Aitzitik, jentillek ofrendatzen dituztenak deabruei diotzate ofrendatzen eta ez Jainkoari; eta ez dut nahi deabruekien parzunezkorik duzuen. Ezin dezakezueke Jaunaren kalixetik eta deabruaren kalixetik. 21 Ezin dukezue parterik Jaunaren mahaiñean eta deabruen mahaiñean. 22 Ala jelosia eman nahi diogu Jaunari? Naski borthitzago baitgare hura baiño? Guziak zilhegi zaizkit, ordean guziak ez dire konbeni.

        23 Guziak zilhegi zaizkit, ordean guziek ez dute edifikatzen. 24 Nihork ez beza bilha beretzat on zaioena, baiñan bai bertzeentzat on dena. 25 Karnazerian saltzen diren guzietarik jan zazue deusez ere galdegin gabe, konszientzia gatik. 26 Jaunarena da lurra eta bai lurrak dagokan guzia. 27 Baldinetarik infideletarik zenbeitek gonbidatzen bazaituzte eta nahi baduzue goan, aitzinean ematen zaitzuen guzietarik jan zazue, deusez ere galdegin gabe konszientzia gatik. 28 Baldin ordean nihork erraten badarotzue: «Hau idolei ofrendatua izatua da»; ez dezazuela jan abisatu izan zaituztena gatik eta konszientziagatik. 29 Konszientzia diot ordean, ez zuena, baiñan bertzearena gatik. Zergatik ezen ene libertatea kondenaraziko dut bertzeren konszientziaz? 30 Baldinetariak nik jaten badut eskerrak bihurtzen ditudalarik, zergatik behar dut nitaz gaixki mintzarazi gauza baten gatik, zeiñetaz eskerrak baiditut bihurtzen?

        31 Nahiz, beraz, jan dezazuen nahiz edan dezazuen edo zernahi gauza bertze egin dezazuen, guziak Jainkoaren gloriako egitzitzue. 32 Ez diozozuela eman eskandalisatzeko biderik, ez juduei, ez jentillei, ez eta Jainkoaren Elizari, 33 ni ere gauza guzietan guzien gogarako izaterat entseiatzen naizen bezala, ez bilhatuz neuretzat on zaitana, bainan bai hainitzen probetxuko dena, hek salba daitezentzat.

XI. KAP.

        1 Zareten ene imitatzaille, ni ere Jesukristoren imitatzaille naizen bezala. 2 Laudatzen zaituztet bada, ene anaiak, zeren gauza guzietan nitaz orhoit zareten eta atxikitzen ditutzuen nik emanikako erregelamenduak, utzi darozkitzuedan bezalatsu. 3 Nahi dut, bada, jakin dezazuen gizon guziek dutela Jesukristo buruzagi, emasteak duela berriz gizona buruzagi eta Jesukristok duela Jainkoa buruzagi. 4 Gizon burua estalirik othoitz egiten edo profetatzen duen guziak desohoratzen du bere burua. 5 Berriz emaste burua estalia izan gabe othoitz egiten edo profetatzen duen guziak desohoratzen du bere burua, ezen murritztua balitz bezala da. 6 Ezen baldin estaltzen ez bada emastekia, motz bekio illea. Baldin ordean itsusi bada emasteki batentzat illeak moixtuak edo murritztuak izatea, estal beza bere burua.

        7 Gizonak alabaiñan ez du estali behar bere burua, zeren Jainkoaren imajina eta gloria baida; emastea ordean gizonaren gloria da. 8 Ezen gizona ez da emastea ganik atheratua, baiñan bai emastea gizona ganik. 9 Halaber ez da kreatua izan gizona emastea gatik, baiñan bai emastea gizona gatik. 10 Hargatik behar du emasteak ekharri aingeruen gatik ere bere buruaren gaiñean seiñalea, gizonaren botherearen azpiko dela. 11 Guziarekien ere ez gizona da emastea gabe, ez eta emastea gizona gabe gure Jauna baithan. 12 Ezen emastea gizonetik atheratua izan ohi den bezala, halaber gizona emastea ganik sortzen da eta guziak Jainkoa ganik heldu dire.

        13 Jujea zazue zebonek: ungi dagoka emaste bati burua estalia izan gabe Jainkoari othoitz egitea? 14 Naturalezak berak ere ez darotzue irakasten gizon batentzat desohore dela ille luzeak erabiltzea, 15 emaste batentzat berriz ohore dela ille luzeak ekhartzea? Zeren eta illeak estalkitzat bezala eman izan baitzaizko. 16 Baldinetariak, bada, zenbaitek lakhet badu ihardukitzeaz, guk ez dugu horlako kostumarik, ez eta Jainkoaren Elizak ere.

        17 Huna oraiño nik exleitzen darotzuedana, ez baidut laudatzen zuen onetan elkhar ganat bildu behar bidean, bill zaitezten zuen kaltetan. 18 Lehenbizikorik, bada, Elizarat biltzen zaretenean, aditu dut erraten eskatimak direla zuen artean eta parte sinhesten ere dut. 19 Ezen halabeharra da heresiak ere izan daitezen, ager dadintzat zuen artean zein diren prestu frogatuak.

        20 Zuek elkharganat biltzen zareten maneran, bada, ez da ordu onean Jaunaren afaria jatea; 21 batbedera ezen jartzen da bere afaritako duenaren jaten, bertzeen begira egon gabe; eta horla batzuk ez dute deusere jateko, bertzeek sobera jaten duten denboran. 22 Ez ditutzue zuen etxeak han jateko eta edateko? ala mezprezatzen duzue Jainkoaren Eliza eta nahi ditutzue ahalkarazi deusik ez dutenak? Zer erranen darotzuet? Laudatzen zaituztedala? Ez segur, hortan ez zaituztet laudatzen.

        23 Ezen nik Jauna ganik ikhasia dut zuei halaber irakatsi darotzuedana: Jesus Jaunak libratua izan behar zuen gau berean hartu zuela ogia; 24 eta eskerrak bihurturik hautsi zuela eta erran zuela: «Har zazue eta jan zazue; hau ene gorphutza da, zuentzat libratua izanen dena. Egizueke hau ene orhoitzapenetan». 25 Orobat hartu izan zuen kalixa ere afaldu zen ondoan, erraten zuelarik: «Kalix hau testament berria da ene odolaz. Egizueke hau edaten duzuen guzian ene orhoitzapenetan. 26 Ezen ogi hau janen duzuen guzian eta kalix hau edanen duzuen guzian Jaunaren heriotzea duzue irakatsiko dathorren artean». 27 Bada nork ere janen baidu ogi hau eta edanen baidu Jaunaren kalixa indigneki, hobendun izanen da Jaunaren gorphutzaz, eta odolaz.

        28 Froga beza beraz gizonak bere burua eta horla jan beza ogi hartarik eta edan kalix hartarik, 29 ezen indigneki jaten duenak eta edaten duenak bere jujeamendua jaten eta edaten du, ez baidu berezten Jaunaren gorphutza. 30 Horrengatik dire zuen artean bainitz eri eta hagoatu, dauntza ere hillak hainitz. 31 Bada gere buruak jujea bagintza, duda gabe ez gintezke izan Jainkoaz jujeatuak. 32 Horla jujeatuak garenean ordean, Jaunak gaitu gaztigatzen mundu hunekien kondenatuak izan ez gaitezentzat. 33 Bada, ene anaiak, othruntza hetarat biltzen zaretenean, zaudete batzu bertzeen begira. 34 Baldin nihor gose bada jan beza bere etxean, zeben kondenazionetan bill ez zaiteztentzat. Gainerako diren gauzak nathorrenean erregelatuko ditut.

XII. KAP.

        1 Dohain izpiritualez denaz bezanbatean bada, ene anaiak, ez dut nahi zaudezten behar dena jakin gabe. 2 Orhoitzen zarete eki pagano ziñetenean idola mutuen ondoan ziñabiltzatela, nola baitziñarabilzazten, eta hala. 3 Deklaratzen darotzuet, bada, nihork ere Jainkoaren Izpirituz mintzo denek ez dioela erraten anathema Jesusi; eta nihork ezin derrakela, «Jesus da Jauna», non ez den inspiratua Izpiritu Sainduaz.

        4 Graziak bada diferentak dire, ordean Izpiritu bera da. 5 Ministerioak diferentak dire, ordean Jaun bera da. 6 Obrak diferentak dire, ordean Jainko bera da guziak guzien baithan obratzen dituena. 7 Batbederari ordean ematen zaizko Izpiritu Sainduaren dohain ageri direnak Elizaren probetxutan. 8 Batari alabaiñan ematen dio Izpiritu Sainduak zuhurtziarekien mintzatzeko dohaiña; bertzeari berriz ematen dio Izpiritu berak jakintzarekien mintzatzekoa; 9 bertze bati Izpiritu berak ematen dio fedea; bertze bati Izpiritu berak ematen dio erien sendatzeko grazia; 10 bertze bati mirakuilluen egiteko botherea; bertzeari profeziazko dohaiña; bertzeari Izpirituen ezagutza; bertzeari lengoaia diferentez mintzatzeko dohaiña; bertzeari lengoaia hekien interpretatzekoa. 11 Horiek guziak, bada, egiten ditu Izpiritu batek eta berak, partitzen daroztelarik dohain horiek batbederari plazer duen bezala.

        12 Ezen gorphutz bakhar batek mienbro hainitz duen bezala, ordean gorphutzeko menbro guziak hainitz direlarik, hala ere gorphutz bakhar diren bezala, gauza bera da Jesukristoz ere. 13 Alabaiñan Izpiritu beraz guziak bathaiatuak gare, gorphutz bat eta bera izateko, ala judutarrak, ala jentillak, ala esklaboak, ala libroak; eta guziak Izpiritu batez eta beraz edaranak gare.

        14 Halaber gorphutza ez da mienbro bakhar bat, bainan bai hainitz menbro. 15 Baldin erran baleza oiñak: Nola ez bainaiz ni eskua, ez naiz gorphutzeko, ez othe liteke hargatik gorphutzeko? 16 Eta baldin erran baleza beharriak: Nola ez bainaiz ni begia, ez naiz gorphutzeko. Ez othe liteke hargatik gorphutzeko? 17 Baldinetariak gorphutz guzia begi balitz, non liteke aditzea? Baldin guzia aditze balitz, non liteke usna? 18 Baiñan ezarri izan ditu Jainkoak mienbroak gorphutzean eta mienbro bakhotxa nahi izan duen bezala. 19 Eta baldin guziak mienbro bat eta bera balire, non liteke gorphutza? 20 Alabaiñan ordean hainitz mienbro dire eta ez da gorphutz bat baizen. 21 Ezin erran diozoke ere, bada, begiak eskuari: «Ez dut zure laguntzaren beharrik». Ez hain guti buruak oinei: «Ez naiz zuen behar». 22 Aitzitik gorphutzeko mienbro flakoen diruritenak dire beharretsienak. 23 Eta are gorphutzeko mienbro mezprezagarrien direla uste dugunei diotegu ohorerik gehiena egiten; eta gutien honest direnak ditugu estaltzen artha eta honestasun gehiagorekien. 24 Honestak direnek ezen ez dute horlako beharrik, bainan Jainkoak moldatu izan du gorphutza halako maneraz, non ohoragarri ez zenari ohore gehiago errendarazitzen baidio, 25 izan ez dadintzat eskatimarik gorphutzean, aitzitik mienbro guziak batak bertzeaz artha izan dezatentzat. 26 Halaber baldin deusik pairatzen badu mienbro batek, bertze guziek ere sofritzen dute; eta ohoratua baldin bada mienbro bat, bertze guziak bozten dire harekien batean.

        27 Bada zuek zarete Jesukristoren gorphutza eta batzu bertzeen mienbroak. 28 Hargatik ezarri izan ditu Jainkoak Elizan lehenbizikorik Apostoluak; bigarrenean profetak; hirurgarrenean doktorak; gero mirakuilluen egiteko berthutea dutenak; ondoan erien sendatzeko grazia dutenak, bere anaien laguntzeko dohaina dutenak; gobernatzeko dohaina dutenak; lengoaia diferentez mintzatzeko dohaina dutenak; hekien interpretatzeko dohaina dutenak. 29 Naski guziak baidire Apostolu? ala guziak profeta? ala guziak dotor? 30 Naski guziek dituzte egiten mirakuilluak? ala guziek dute erien sendatzeko grazia? ala guziak dire mintzo hainitz lengoaia diferentez? ala guziek dute dohaina hekien interpretatzeko?

        31 Dohain horien artean lehiarik gehiena izan zazue hoberenentzat; ordean are bide exelentago bat erakusterat nohatzue.

XIII. KAP.

        1 Baldinetariak gizonek eta aingeruek dakizkiten lengoaia guziez mintza banendi ere, karitatea ordean ez badut, soiñu egiten duen kobre bat edo habarrots egiten duen zinbala bat naiteke. 2 Baldin profeziazko dohaiña banu, baneakizki ere misterio guziak eta jakiteko diren guziak; baldin banu ere izan ahal daiteken fede guzia, mendiak bere lekhutik aldaratzeraiñokoan, karitatea ordean ez badut, deusik ez naiz. 3 Baldin parti banetza ene ontasun guziak pobreen hazteko eta eman baneza ere gorphutza erretzerat, karitatea ordean ez badut, horiek guziak deusere ez litzaizkit balia.

        4 Karitatea pairakor da, amultsu da, karitatea ez da bekhaiztia, ez du deusere egiten behargaberik, ez da hauntzen; 5 ez da handi nahia, ez dabilla bere intres propioen bilha, ez da hasarratzen, ez da itzalgaitzkatzen; 6 ez du atseginik injustiziaz, atsegin du ordean egiaren arauera denaz; 7 guziak jasaten ditu, guziak sinhesten ditu, guziez du esparantza, guziak pairatzen ditu.

        8 Karitatea ez da behiñere ahitzen; profeziak eskastuko dire, lengoaiak geldituko dire, jakintasuna suntsituko da: 9 Ezen orai partez dugu ezagutzen eta partez dugu profetisatzen. 10 Ordean estatu perfetean izanen garenean, urmariatuko da partez baizen ez dena. 11 Haurra nintzenean, mintzo nintzen haur bezala, jujeatzen nuen haur bezala, arrozoinatzen nuen haur bezala; ordean gizon egin naizenean, utzi izan ditut haurreko maiñak. 12 Orai miraill batean bezala ikusten dugu eta enigmen azpian; baiñan orduan ikusiko dugu karaz kara. Orai partez dut ezagutzen; baiñan orduan ezagutuko dut neroni ezagutua naizen bezala. 13 Orai bada daude hirur gauza hauk: fedea, esparantza, karitatea; hautarik handiena ordean da karitatea.

XIV. KAP.

        1 Zarraizkote karitateari, bilha zatzue dohain izpiritualak, gehienik ordean profeten dohaiña. 2 Ezen lengoaia arrotzez mintzo dena ez zaie gizonei mintzo, baiñan bai Jainkoari, nihork aditzen ez duenaz geroztik eta Izpirituz mintzo denaz geroztik gauza gordeez. 3 Baiñan profetisatzen duena gizonei mintzo zaie hek edifikatzekotz, exortatzekotz eta konsolatzekotz. 4 Lengoaia arrotzez mintzo denak bere burua edifikatzen du; ordean profetatzen duenak Eliza du edifikatzen. 5 Nahi nuke bada guziek zinduketen lengoaiaren dohaiña, baiñan gehiago are profetatzekoa; ezen gehiagokoa da profetatzen duena ezen ez lengoaia arrotzez mintzo dena, non ez duen interpretatzen berak erraten duena Eliza edifikatua izan dadintzat.

        6 Orai bada, ene anaiak, heldu banintzatzue lengoaia atzez mintzo natzaitzuela, zer probetxutako ninduzueke, non ez natzaitzuen mintzatzen edo errebelazionez edo jakintzaz edo profeziaz, edo dotrinaz instruitzen zaituztedalarik? 7 Alabaiñan gauza arima gabe direnek ere eta soiñu ematen dutenek, ala xirolak ala harpak, baldin tonu diferentak ematen ez badituzte, nola jakinen da zer jotzen da xirolaz edo harpaz? 8 Eta baldin soiñu deusik seignalatzen ez duen bat jotzen badu klaroinak, nor preparatuko da gudurat? 9 Hala zuek ere baldinetariak bertze lengoaia batez mintzatzean ez bazarete klarki explikatzen, nola adituko dute zer erraten duzuen? Airetan mintzo zarete ezen. 10 Hanbat lengoaia suerte ohi da munduan eta ez da ere populurik bere lengoaia ez duenik. 11 Baldinetariak beraz ez badakit hitzek zer erran nahi duten, barbaro izanen natzaio mintzo natzaioenari, eta niri mintzo zaitana barbaro izanen zait niri. 12 Hala zuek ere dohain izpiritualen gutizios baitzarete, lehia zaitezte hainitz izaterat Elizaren edifikatzeko.

        13 Eta aria hortaz lengoaia arrotz batez mintzo denak galde beza interpretatzeko dohaina. 14 Ezen baldin lengoaia arrotz batean egiten badut ene othoitza, ene gogoak egiten du othoitz, ordean ene Izpiritua eta adimendua fruitu gabe da. 15 Zer egiñen dut beraz? Eginen dut othoitz gogoz, baiñan eginen dut ene othoitza adi daiteken bezala; kantatuko dut ahoz, baiñan kantatuko dut ene kantua adi daiteken bezala. 16 Bertzela baldinetariak gogoz hari bazare Jainkoaren benedikatzen, bere lengoaia baizen ez dakitenen arteko gizon batee nola ihardetsiko du, Amen, zure benedizionearen gaiñean, zer erraten duzun ez dakienaz geroz? 17 Zuk bada ungi egiten duzu eskerrak errendatzeaz, bainan bertzea ez da edifikatua. 18 Eskerrak ematen diotzat ene Jainkoari, zeren bainaitzaitzue guziei zeben lengoaian. 19 Baiñan nahiago dut Elizan bortz hitz neuronek aditzen ditudanak erran, bertzeak ere instruitzeko, ezen ez hamar milla lengoaia atze batean.

        20 Ene anaiak, ez zaiteztela izan haur adimenduzko gauzetan, baiñan izan zaitezte haur maleziazkoetan; adimenduz ordean zareten gizon egiñak. 21 Eskribatua da legean: «Mintzatuko natzaio populu huni bertze lengoaia batzuz eta bertze akzentu batzutan eta hala ere ez naute adituko», dio Jaunak. 22 Hala lengoaien dohaiña seiñaletzat baliatzeko da ez sinhesten dutenei, baiñan sinhesten ez dutenei; profeten dohaiña berriz ez da sinhesten ez dutenentzat, baiñan bai sinhesten dutenentzat. 23 Baldinetariak bada Eliza guzia bildua denean guziak mintzo balire lengoaia diferentez eta sar balitez ignorantak edo infidelak, ez lezakete erran zoratu zaretela? 24 Baldin ordean guziek profetatzen badute eta sar badadi infidel bat edo ignorant bat, guziek bentzutzen dute, guziek jujeatzen dute; 25 bihotzean gordea zuena agertzen da, eta hala ahuzpez jarririk adoratuko du Jainkoa, eta erranen du egiazki dela Jainkoa zuen artean.

        26 Zer da beraz zuek egin behar duzuena, ene anaiak, baldin bilduak zaretenean bata inspiratua bada Jainkoaz kantiko bat moldatzeko, bertzea instruitzeko, bertze bat Jainkoaren sekretuak agertzeko, bertze bat lengoaia arrotzez mintzatzeko, bertze bat berriz interpretatzeko? Guziak egin beitez edifikazionetan. 27 Nihor baldin bada lengoaia arrotz batean mintzo denik, ez beitez mintza aldian bia edo gehienerat hirur baiño gehiago eta hek ere mintza beitez aldizka eta interpreta beza norbeitek hek erran duketena. 28 Baldin ordean ez bada interpretatzaillerik, bego ixillik Elizan mintzatu gogo zuena, eta bere buruari mintza bekio eta Jainkoari. 29 Profetak berriz bia edo hirur mintza beitez aldian, eta bertzeek jujea bezate hekien erranez. 30 Baldin jarririk daudezenetarik bertze zenbeiti zerbeit errebelazione heldu bazaio, ixil bedi lehen mintzo zena. 31 Profeta dezakezue ezen guziek nork bere aldian, guziek dezatentzat ikhas eta guziak izan daitezentzat exortatuak. 32 Hala hala profeten izpirituak profeten azpiko ditezke. 33 Jainkoa ezen bakezko Jainko bat da, ez eskatimazkoa, eta hori da sainduen Eliza guzietan nik irakasten dudana.

        34 Emastekiak elizetan beudez ixillik, zeren ez baitzaie zilhegi mintzatzea, baiñan sumetituak egon behar baidute legeak erraten ere duen bezala. 35 Baldin zerbeit ikhasi nahi badute, galdegin biozate etxean bere senharrari, itsusi da ezen emaste batentzat Elizan mintzatzea. 36 Ala zuetarik ilkhi othe da Jainkoaren hitza, ala zuen ganat xoilki heldu izan othe da? 37 Baldinetariak zenbeitek uste badu profeta dela edo bertze dohain izpiritualik duela, ezagut beza nik eskribatzen darozkitzuedanak Jaunaren mezuak direla. 38 Baldin zenbeitek ezagutzen ez baditu, bera ere ez da ezagutua izanen. 39 Hala, ene anaiak, lehia zaitezte izaterat profeten dohaiña, eta ez dezazuela debeka lengoaia arrotzez mintzatzetik. 40 Ordean guziak egin beitez bidezki eta ordenurekien.

XV. KAP.

        1 Orhoitarazi behar zaituztet bada orai, ene anaiak, predikatu izan darotzuetedan Ebanjelioaz, zeiña errezibitu baiduzue eta zeiñetan zinez baitzaudezte, 2 zeiñetaz salbatzen ere baitzarete; ikus dezazuentzat hea orhoit zareten zer moldez predikatu izan darotzuetedan, baldin alferretan ez baduzue izan sinhetsi. 3 Irakatsi izan darotzuet ezen lehenbizikorik neronek ikhasi izan dudana, Jesukristo hill izan dela gure bekhatuen gatik Eskrituren arauera; 4 izan dela ehortzia eta biztu izan dela hirur garren egunean, Eskrituren arauera halaber; 5 agertu izan zaioela Zefasi eta ondoan hameka Apostoluei; 6 gero ondoan berriz agertu izan zaiela bortz ehun anaia baino gehiagori aldi batez, zeinetarik hainitz baidire oraiño biziak eta zenbeit hillak; 7 geroztik agertu izan zaioela Jakoberi, ondoan berriz Apostolu guziei; 8 guzietako azkenenik bada agertu izan zaitala niri ere, zeiña ez bainaiz haur arthiki bat baizen. 9 Ni naiz ezen Apostoluetarik mendreena eta Apostolu izena merezi ere ez dudana, zeren persekutatu izan baidut Jainkoaren Eliza. 10 Jainkoaren graziaz naiz ordean naizena eta haren grazia ene baithan ez da agor izatu; aitzitik hek guziak baiño gehiago trabaillatu izan naiz; ez bada ni, baiñan Jainkoaren grazia enekien. 11 Ezen nahiz nik eta nahiz hek hori dugu predikatzen eta hori duzue ere sinhetsi.

        12 Predikatzen zaitzuenaz geroztik, beraz, Jesukristo biztu izan dela hilletarik, nola diote zuen artean zenbeitek ez dela hilen bizterik? 13 Ezen baldinetariak hillen bizterik ez bada, Jesukristo ere ez da biztu izan. 14 Baldinetariak berriz Jesukristo ez bada biztu izan, alferrik beraz dugu predikatzen eta alferrik halaber duzue sinhesten. 15 Lekhuko falso ere gare edireten Jainkoaren alderat, zeren Jainkoaren kontra errendatu baidugu lekhukotasun bau: biztu izan duela Jesukristo, zeiña ez baiduke biztu, baldin hillak bizten ez badire. 16 Ezen baldin hillak bizten ez badire, Jesukristo ere ez diteke biztu izan. 17 Eta baldin Jesukristo ez bada biztu izan, alfer diteke zuen sinhestea; oraiño ezen zuen bekhatuetan zauntzate. 18 Beraz Jesukristo baithan hill izan direnak ere galduak ditezke. 19 Baldinetariak Jesukristo baithan dugun esparantza ez bada bizitze huntako baizen, gizon guzietarik dohakabeenak gu gaitezke.

        20 Bai ordean, Jesukristo biztu izan da hilletarik eta eta da hillen primezia. 21 Alabainan bada gizon batez ethorri izan da heriotzea eta halaber gizon batez heldu da biztea ere. 22 Eta nola guziak Adamen baithan hiltzen baidire, hala hala guziak dire biztuko Jesukristo baithan. 23 Ordean nor bere herrunkan: Jesukristo lehenbizikorik, gero Jesukristoren direnak, haren ethortzea sinhetsi dutenak. 24 Ondoan diteke akhabantza, noiz eta ere emanen baidioke bere erresuma bere Jainkoari eta bere Aitari, eta ezeztatu baiduke nausitasunik den guzia, bothere den guzia, authoritate den guzia. 25 Behar du ezen Jesukristok erregiñatu, Aitak ezarri diotzoken artean bere etsai guziak bere oiñen azpian. 26 Eta azken desegiñen den etsaia izanen da heriotzea, guziak ezen ezarri diotza oiñen azpian. Erraten duenean bada: 27 «Gauza guziak ezarri zaizko bere azpiko», duda gabe da aditua hainaz landan, zeiñek ezarri izan baidiotza gauza guziak bere azpiko. 28 Ezarri zaizkoenean bada gauza guziak bere azpiko, orduan Semea bera ere jarriko da gauza guziak haren azpiko ezarri dituenaren azpiko, izan dadin Jainkoa guzietan guzia.

        29 Bertzela zer egiñen dute hillentzat bathaiatzen direnek, baldin guziz hillak bizten ez badire? Zergatik bathaiatzen ere dire hillentzat? 30 Eta gu ere zergatik perilletan ematen gare oren guziez? 31 Egun guziez hiltzen hari naiz; bai, ene anaiak, zuen ganik Jesukristo gure Jauna baithan heldu zaitan gloriaz zaituztet seguratzen. 32 Gizon bezala mintza nadin, zer probetxu dut zeren bestien kontra gudukatu naizen Efesan, baldin hillak bizten ez badire? «Jan zagun eta edan zagun; berdin bihar hillen gare». 33 Ez zaiteztela engana: gaizkoatzen dituzte hazkuntza onak ere solhas gaixtoek. 34 Atzar zaitezte, justuak, eta begira zaitezte bekhatu egitetik; badire ezen zenbait Jainkoa ezagutzen ez dutenik; zuen ahalkerietan mintzo natzaitzue.

        35 Ordean erranen duke norbaitek: «Nola biztuko dire hillak? Nolako gorphutzetan ethorriko dire?». 36 Zoroa!, zuk ereiten dukezuna ez da bizten, baldin lehenago ez bada hiltzen. 37 Eta ereiten duzuna ez da ethorri behar duen gorphutz bera, baiñan bihi hutsa, hala nola ogi bihia edo bertze zerbeit bihi. 38 Jainkoak ordean ematen dio nahi duen bezalako gorphutza, eta hazi bakhoitxari dagokon gorphutza.

        39 Haragi guzia ez da haragi bera; bainan bertze da alabaiñan gizonena, bertze berriz bestiena, bertze hegastiñena, bertze are arraiñena. 40 Badire halaber gorphutz zerutiarrak eta gorphutz lurtiarrak; bainan bertzelakoa da zerutiarren distiadura eta bertzelakoa lurtiarrena. 41 Bertze da iguzkiaren klartasuna, bertze berriz ilhargiarena; eta bertze oraino izarrena; izarren artean ere bata distiantagoa da bertzea baiño. 42 Gauza bera izanen diteke hillen biztean ere; gorphutza hazi bat bezala ematen da orai lurrean ustelgunean eta biztuko da ezin usteldukotzat. 43 Ematen da lurrean guzia hidoiztua, eta biztuko da guzia glorios. Ematen da lurrean guziak etheldua, eta biztuko da indarrez bethea. 44 Gorphutz animal bat da lurrean ematen dena, gorphutz espiritual bat izanen da biztuko dena. Baldin bada gorphutz animal bat, bada halaber gorphutz izpiritual bat ere, eskribatua den bezala: 45 «Adam lehenbiziko gizona kreatu izan da arima bizi batekien, eta Adam bigarrena bethea izan da Izpiritu bitzaille batez». 46 Ordean ez da lehenik ethorri izan izpiritual dena, bainan bai animal dena; ondoan ethorri da izpiritual dena. 47 Lehenbiziko gizona lurtiarra da, lurretik heldu dena; bigarren gizona zerutiarra da, zerutik heldu dena. 48 Nolakoa baitzen lurretikakoa, halakoak dire halaber lurretikako gizonak, eta nolakoa baida zerutikakoa, halakoak dire halaber zerutikako gizonak. 49 Nola bada ekharri izan baidugu lurretikako gizonaren imajina, ekhar dezagun hala hala zerutikakoarena.

        50 Hau bada erraten darotzuet, ene anaiak, zeren haragia eta odola ezin izan baiditezke Jainkoaren Erresumaren jabe, ez eta ustelgunea ezin ustelduaren jabe. 51 Huna misterio bat erraterat noatzuena: guziak behindik behin biztuko gare, ordean guziak ez gare mudatuko. 52 Instant batez, begi kolpe batez, azkeneko klaroiña soiñuan —joren du ezen klaroiñak— eta hillak biztuko dire ezin ustelduko direntzat, eta gu orduan gare mudatuko. 53 Ezen gorphutz ustelkor hunek behar du izan bestitua ezin ustelduko den bezala, eta gorphutz hilkor hunek behar du izan bestitua ezin hillen den bezala.

        54 Noiz eta ere bada gorphutz hilkor hau izanen baida bestitua ezin hillen den bezala, orduan konplituko da Eskriturako hitz hau: «Suntsitua izan da herioa biktoriaz. 55 O herioa, non da hire garaikoa? O herioa, non da hire eztena?». 56 Herioaren eztena bada bekhatua da: eta bekhatuaren indarra berriz legea. 57 Baiñan eskerrak dituela Jainkoak, zeiñek eman baidaroku biktoria Jesukristo gure Jaunaz.

        58 Hala, ene anaia maiteak, zaudezte tieso eta higitu ere gabe, bethi hari zaretela eta geroago are eta gehiago Jaunaren lanean, dakizuelarik zuen lana ez dela galdua Jaunaren aitzinean.

XVI. KAP.

        1 Sainduentzat biltzen ohi direnez bezanbatean, egizue zuek ere Galaziako Elizei exlejitu izan diotedan molde berean. 2 Asteko lehenbiziko egunean zuetarik batbederak eman beza apart bere baitan gorderik plazer duena, ni nathorkenean biltzen hasi gabe. 3 Hor naitekenean, guthunez zuek nor ere markatu baidarozkidatzueke, eta hek igorri ditut eramaterat zuen liberalitateak Jerusalemerat. 4 Baldinetariak ungi bada neroni ere nohan, enekien ethorriko dire.

        5 Ethorriko naiz bada zuetarat Mazedonia iragan dukedanean, ezen Mazedonian iraganen naiz. 6 Eta zuen baithan egonen naiz agian, edo dut negua iraganen ere, zuek gida nazazuentzat norat ere goanen bainaiz, eta harat. 7 Ez zaituztet ezen oraingotik iragatez xoilki nahi ikusi, baiñan esparantza dut zenbeit denboraz egonen naizela zuen baithan, baldin Jaunak permetitzen badu. 8 Egonen naiz bada Efesan Pentekoste arteraiño. 9 Ikusten dut ezen athe handi bat dagokidala idekia eta hainitzek kontra egiñen darotedala.

        10 Baldinetariak Timotheo ethortzen bazaitzue, duzuen artha beldurrik gabe izan dadin zuen artean, Jaunaren lanean ezen hari da ni bezala. 11 Ez beza beraz nihork hura mezpreza; aitzitik gida zazue bakean, ethor dadin ene ganat; haren begira nago ezen, eta gure anaien. 12 Ene anaia Apolloz denaz bezanbatean, erranen darotzuet othoitztu dudala hainitz zuen ganat goaiteaz gure anaietarik zenbaitekien; baiñan guziarekien ere ez zaio ungi orai goatea; ethorriko zaitzue astia duenean.

        13 Zaudete atzarriak; zaudete tieso fedean; duzuen animo eta har zazue indar. 14 Egiten duzuen guzia egizue amudiorekien. 15 Othoi behintzat, ene anaiak. Ezagutzen duzue Estefanesen familia, Fortunatena eta Akaikorena; badakizue hek direla Akaiako primeziak eta sainduen zerbitzurat bere buruak emanak dituztela. 16 Othoitz egiten darotzuet, bada, ekhartzeaz errespetu halako presunei eta bai gu laguntzen gaituzten eta gu bezala trabaillatzen diren guziei. 17 Boztua naiz Estefanas, Fortunato eta Akaiko neurekien izateaz, zeren zuen aldetik eskas zena hek bethe izan baidute. 18 Deskantsatu izan dute ezen bai ene izpiritua eta bai zuena; ezagutzatzue bada horlako direnak.

        19 Goraintzi darotzue Asiako elizek, goraintzi darotzue hainitz Jauna baithan Akillak eta Priszillak, zeinen baithan bainago, bai eta hekien etxeko elizak. 20 Goraintzi darotzue gure anaia guziek. Saluta zazue elkhar musu saindu batez.

        21 Huna nik Paulok zer dudan neure eskuz eskribatzen zuen goraintzitzat. 22 Baldinetariak nihor bada Jesukristo gure Jauna maite ez duenik, izan dadillala anathema. Maran, atha. 23 Jesukristo gure Jaunaren grazia dela zuekien. 24 Ene amudioa zuek guzietarat hedatzen da Jesukristo baithan. Amen.