luis mari mujika

 

      Lizartzan (Gipuzkoa) sortua, 1939-ko urriaren 10-ean. Aita Sakramentinoa. Arnas eta Olerti-n argitaratu ditu bere poemarik gehienak. Gainera, poesi liburu bi argitaratu ditu: Bide-giroak, Bilbao, 1963; Urdin eta Burni, Donostia, 1965.

 

 

GIROAN...

 

Udako arnasak

giroan igeri,

siesta-ametsak,

ardiak loti.

Maitasun ixil,

usaiak jostari,

fruta berazko

ahogozo guri.

 

Idealaren

uda gizen,

poza,

—irabazpen—,

udaren fruta

heldu ta

goza.

 

Pasa zan garratza,

pasatu ekaitza,

iritxi txaropena,

goizetu arratsa.

 

Han, goian, dana

ez da zaborra,

goiko metala

ez da zigorra.

Iritxi naiz pakera,

beraz ezkontzera.

Alaitasun argal,

itxu,

hauskorra.

 

Itxaropenak bihotza

pozera darama,

ni olatuen gorrotoeri

begira ta begira,

animak lodiagoa

barrengo atsegiña.

 

Idealaren

uda gizen,

poza,

—irabazpen—,

udaren fruta

heldu ta

goza.