ESPERPENTO

 

Ihauteria da

eta ihauteri gauean

kale ixiletan barna goazela

ipar-aldeko hiri haundi honetan galdurik

burdelak ikusten

larehun pesetakoak eta irurehunekoak

gure boltza urriarentzat nahikoa ehunekoak.

Denak dira emakumeak

eta gorputz uxatuen xarma ustela bilatzen dugu.

 

Mauka ta mauka ar-emeak

izorkeria egiten eliz-zaharreko paret bazterrean.

 

Berdin da bakardade honetan

arpegi ederrak hala itsusiak

emakume denen arpegietan

halako animalikeria somatzen dut

zoramena arpegi-idorra mirada fijoa.

 

Ihauteria da ihauteri gaua

ta inork ez daki bakoitzaren bakardadearen berri.

Argi bakoitza itzalean hiltzen da

agoni ixilean

nola Kristo profanatu hori bilhutsik

bide bazterrean hain desesperatuki etsia

agonian infernuetara jetxia

hirugarren egunik gabeko Kristoa

sinesten dut.

Eta argiak milaka izanik ez dute argi egiten.

Tarteka gaua da jabe.

 

Hala gu hala gure bakardadean

ihauteri gabeko hirurak eta bost inguruan.