Egunsenti izoztua. Batbatean
gaua beltz luzearen ondotik
trenaren etengabeko ritmo hirukoia
mutu geratu zen. Ixilune izoztua
batbatean. Jaun Zuria.
Urrutitik etorri amets zurrunbiloa
bata bestearen ondotik
marmol-irudiz bihurtu zen.
Multsoaren ale guztiak
bata bestearen ondoren
etenik, bereizturik
A-le-rik-a-le-bat-ba-te-an
ba-kan-du-ak-a-le-tu-ak.
Ene iratxoetan iharrenak enekin neramazkin
zazpi-urte-geroz gibeleratuak.
Denbora etena. Geldo gotortua.
Ene begiak haundiz haundi ideki nituen
eta kolpean berriro hiriko
kalbario mendia agertu
mixeriazko txabolak
lerroz lerro lurrean etzanikan
doi-doiak muņoari atxikiak.
Mendi muņo kaska-motza
mixeriaren azidoak errea.
Azken egunean agian
gizonaren soada diteken bezelakoa.
Hemen zegoen egon gizona
txaplata beltz iduria
errukigabeko eguzkipean
bidexiorrean kixkaldua
ari litsetan xahutzen ari den
marrazki beltz asaldatua.
