Poema bilduma
Amaia Lasa / Mikel Lasa

Herri Gogoa, 1971

 

 

 

Kaiuaren ordez

usoak

ikusten nenbilelarik;

katuaren anka tartean

nahastuta

ibili nintzen.

 

 

Gorputzak betiko balantza ahulean.

 

 

Mendiaren bular arroa

itsasora erori zen,

zulo huts

urdin ilun

bat

sortuaz.

 

 

Denborak hogei urte egin zituen eta

gorputzaren balantzak makaldu.

 

 

Hogei urte haietan

mendi arroak

sortutako zuloa,

kaiuaren kabia izan zen,

bainan nik

luzaroan

uso zuriak ikusi nituen.

 

 

Poema bilduma
Amaia Lasa / Mikel Lasa

Herri Gogoa, 1971