.

BEINTZAKO SARRASKI IZIGARRIA

 

Airea zakartu zen,

Tantaidi aldean beltz,

ineztur zirtakoak

ortotsen burrunba karraskatu.

Larraburuko maldan,

Maizteneko Paxkaxi, arbi eske joana,

Zabalteneko Mielek aizkoraka hilik.

 

                    Jauts ahala euria,

           niniak handi handian.

                  Asta-saskiak zehiarka,

           arropak gorriz zipaka.

                  Etxeko hura zen izarra,

           lohian hilo barreiatua.

                        Arbi loreetan,

           ema odol parrastan.

 

                                                  Airea ematu zen,

                                             Ezkurra aldean ateri.

                                       Adaska hoziak ttanttaka,

                                          kaskabeltza firringaka,

                                    astoak belarrak bazkatzen

                                               eta Beintza aldean,

                                           sega mailuaren kaska.