NARBEUFEKO PORLAN URDINXKOA

 

Ekialdeko zeru urrunean,

argizagi horastak histuz,

Pariseko goiznabarrak

zatar zikin bat hedatzen du,

eta busak,

Atlante besobakar txardeldunez beterik,

has gabeko existentziak

finki-minkin,

garraiatzen ditu

stop

Ernatu eta ja hilik dira,

eta hirian barrena doazie

hiltzera.

Besta egunetan, berriz,

seroskiago hiltzen dira

stop

Uraren gartzela

iturri.