DECHEPAREREN TONBA ALTUARI

 

Iosafat hunetan bi zeru ditugu

altuan,

bata sapazkoa, arrengura bertzea

marbretan goretsirik,

ele soberaz erasirik,

bistaz hunaindi tradiziorik ez

eta xangri oro han bazinuen

iarririk.

Grina kitaturik

norako ziren

nuen galdegiten,

zure errasumako hodei marraskak

ezkoargizko urrinetan,

arratsalde apaletan,

emazkiguzun izkributan.

Ozkarik ez duen mirapena

jin zaizu zurekila,

ez dago baldinik ez oterik

ezik ez nahiagorik

zauden etzanik.