BIHARKOZKO BIDEA

 

Zer nezake nahi, gero?

Finean,

poetak ditut,

planta faltsuen bozeroak

kantariak eta barberoak,

etorkizuneko espantuetan

bazkaltzen,

urrungo zilborren berriak,

txirrinta gorrian,

konkurrentzia gogorrean,

kirikatzen.

Erreinu honetako usantza ote?

Present eta orain, barra barra,

xahutze zoro honetan

barrena,

paseian eta ikusten

zauri enkonatuak

bi ahotako aihotz gaitzek eginak.

Paseian, paseian,

naufrago, zurrun kirats eta

biharko mukuruen artetik.

Plazerrezko hegaletan

xoriak

eta tribulazioak,

solasezko haizea,

eta letra ihartuak errausteko puntadan.

Irri egiten duenaren koroa, zerezkoa?