ONGIZATEAREN PERRATOKIAN

 

«Industriari eta merkatariak ez dira gizartean onartuak

izan behar, zeren euren bizimodua bera doilor eta berez

birtutearen kontrakoa baita.»

Sokrates

 

Ongizatearen perratokian

kontzientziak dira izaten

pentsamolde bakarraren

uztarriari amarratuak

uztarriari lokarri sendoz

azkarki amarratuak.

 

Ongizatearen perratokian

ez dira perrak debalde jartzen

Osaba Sam-ek patentatua

perratze bakoitzeko «duin-dolar» bat

burmuin irenak jite honetan

petral munduan alienatuak.

 

Ongizatearen perratokian

ez dago, ez, jaregiterik

duintasunik zatika saldutakoan

hedeak zertako? Beharrik ez

perrek beraiek gaituzte gidatzen

buru bagerik bide erratzerik ez.