ERRAUTSETATIK GORATZEN DEN FELISA

 

Neguan pizten dugu txapa

eta hor sukaldean egoten da goxo-goxo

salda usaina eta lurrunak paretetako

baldosetan digu marratzen

unibertso txikien egoneza.

 

Kanpoaldean hotza eta euria

noizbehinka elurbustia

zein ezberdina den mundua

leihoaren segun zein aldetan

kokatzen duzun burua.

 

Esne beroa eta galletak Maria

amak egina artilezko jertsei lodia

bihotzeko hotzak astineraziko ordea

eremu zuri-ubeldu honetan

ez dago katilukada laztan nahikoa.

 

Maldan behera ura badoa

urlasterrak ur freskoa

itsaso aldera ortzemugan

amandrea harrapatu dugu

ilunsentiari musuka.

 

Negu gorria noiz bukatuko zain nago

udaroaren beroa sutsuki nahiago

nahiz kiskaltzeko arriskua handia izan

ez naiz horregatio supilatik aldenduko

errautsetatik berriro goratzen baita Fenixa.