ZERENGANDIK IHESI?

 

Beti korrika, beti presaka

ez duzue uneaz gozatzen

ez eta gozatzen uzten ere

Zeren beldur zarete?

Zeri diozue holako beldur?

Zerk ikaratzen zaituzte horrenbesteraino?

 

Eguneroko ajenda estu-estua

ordutegi itogarrian murgilduta beti

hemendik hara

handik hona

hemen han

leku guztietan eta inon hez

beti mugitzen

mugitzen

mugitzea da

azken batean garrantziduna

 

Zer dela eta?

 

Arineketan, laster batean

astirik ez, hurrengo batean

joan behar dut

hartu behar dut

egin behar dut

 

Urliarekin geratu naiz

Berendiarekin egoteko ere

Sandiarekikoa ahaztu gabe

 

Segundu bakar bat ere

ez soberan

zeuen buruarekin

egoteko bakarrik eta patxadaz

 

Ihesi bazindoazte bezala, bai

Zeinengandik zoazte ba ihesi?

Zeri egiten diozue bada ihes?

Zuen barruan, une orotan, akaso

zulo beltz betezin antzeko zerbait

haginka darraizue ala?