NOLA LITEKE, BADA, NOLA?

 

Handia da ene mina, esan nahi eta esan ezina.

 

(Otsailak 7 ostirala)

Bere buruaz beste egin zioten

begiak estalita

oinak eta bizkarrean

eskuak lotuta

tapauka batez urkatua

ziegaren erdian.

 

                                        Sasikume kasta oso baten

                                        zilborkeria nardagarriaz

                                        ez bada, nola liteke bestela

                                        heldu garenera heltzea'?

 

(Otsailaren 10a astelehena)

Ganbaran baserrian

aitaren etxean

burua hil zuen

herriko semeak

zuten hil zuten

herriko semea

seme kuttuna.

 

                                        Odolgaldu leinu tzartuaren

                                         itxurakeria lazgarriaz

                                         ez bada, nola liteke bestela

                                         arimatik at gogoa aditzea?

 

(Otsailak 11 ditu, asteartea)

Prentsak:

               Hirugarren solairutik behera

               etxeko leihotik jausi zen lurrera.

 

Herriak:

 

               Suizidatu zuten intsumiso gaztea

               legegile, txakur, epaile, politikari

               zu ere gartzelari, guztiok entzun

               kopetan daramazue kopetan eta betiko:

               errudun errudun errudun

 

               Ganbelari eskerdun handien

               harropuzkeria arbuiagarriaz

               ez bada, nola liteke bestela

               ustelari eusten jarraitzea?

 

NOLA LITEKE, BADA, NOLA?