OÑORDETZA

        Semeak gogoan,

        kanta zarra agoan,

aurloa zaintzen Ama seaska ondoan.

        Jainkoa gogoan,

        abizena agoan,

iltzen ikusi zindugun gero beingoan.

        Zu ta aurrak gogoan,

        zure kanta agoan,

noazu orain, sein berriekin, munduan.

        Jainkoa gogoan,

        abizena agoan,

nakusateke ni ere azken orduan.

                    * * *

        (Semeak barrena

        bizi da abizena

ta abizenakin bizi il zarren sinismena.

        O oñordetza urena,

        kate ezin etena,

batzen dituzu geroa, oraña ta lena!)